完整藏文原文 · 德格版页 当前仅加载第 3 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་།། །།སྡོམ་ལ། བཞི་ཡི་ཚོགས་ཀྱི་བྱ་བ་ལ། །གང་ཟག་སོ་སོས་བྱེད་པ་དང་། །སྤོ་བ་དག་དང་བཞི་ཡིས་ནི། །ལས་བཞི་རྣམ་གཉིས་དྲན་པར་བྱ། །བཞིའི་ཚོགས་ཀྱི་བྱ་བ་དགེ་སློང་སོ་སོ་ནས་བྱེད་ན། དེ་ནི་ཆོས་མ་ཡིན་པའི་ལས་དང་འདུལ་བ་མ་ཡིན་པའི་ལས་ཡིན་
D1.003.0137a01.01ནོ། །དེ་ནི་དེ་ལྟ་བུར་མི་བྱ་སྟེ། དེས་ནི་དགེ་འདུན་ཡང་འགལ་ཚབས་ཅན་དུ་འགྱུར་རོ། །བཞིའི་ཚོགས་ཀྱིས་བྱ་བ་བཞི་པ་ཁྱིམ་པ་དང་བྱེད་ན། དེ་ནི་ཆོས་མ་ཡིན་པའི་ལས་དང་འདུལ་བ་མ་ཡིན་པའི་ལས་ཡིན་ནོ། །དེ་ནི་དེ་ལྟ་བུར་མི་བྱ་སྟེ། དེས་ནི་དགེ་འདུན་ཡང་འགལ་ཚབས་ཅན་དུ་
D1.003.0137a02.01འགྱུར་རོ། །དེ་བཞིན་དུ་བཞི་པ་དགེ་ཚུལ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་གསོད་པ་དང་། ཕ་གསོད་པ་དང་། དགྲ་བཅོམ་པ་གསོད་པ་དང་། དགེ་འདུན་གྱི་དབྱེན་བྱེད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། མུ་
D1.003.0137a03.01སྟེགས་ཅན་དང་། མུ་སྟེགས་ཅན་ཞུགས་པ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བྱ་བ་དང་། སྤོ་བ་དང་ལས་བྱེད་ན་དེ་ནི་ཆོས་མ་ཡིན་པའི་ལས་དང་འདུལ་བ་མ་ཡིན་པའི་ལས་ཡིན་ནོ། །དེ་ནི་དེ་ལྟ་བུར་མི་བྱ་སྟེ། དེས་ནི་དགེ་འདུན་ཡང་འགལ་ཚབས་
D1.003.0137a04.01ཅན་དུ་འགྱུར་རོ། །བཞིའི་ཚོགས་ཀྱིས་བྱ་བ་བཞི་ཚང་བས་ཆོས་ཀྱི་ལས་བྱེད་ན། དེ་ནི་ཆོས་ཀྱི་ལས་དང་འདུལ་བའི་ལས་ཡིན་ནོ། །དེ་ནི་དེ་ལྟ་བུར་བྱ་སྟེ། དེས་ནི་དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །བཞིའི་ཚོགས་ཀྱིས་བྱ་བའི་ལས་བཞི་པ་ཁྱིམ་པ་མ་ཡིན། དགེ་ཚུལ་མ་
D1.003.0137a05.01ཡིན་ཞེས་བྱ་བ་ནས་བཞི་པ་གནས་པར་མི་བྱ་བ་མ་ཡིན་པ་དང་། སྤོ་བ་མ་ཡིན་པས་བྱེད་ན་ཞེས་བྱ་བའི་བར་གོང་མ་བཞིན་དུ་སྟེ། དེ་ནི་ཆོས་ཀྱི་ལས་དང་འདུལ་བའི་ལས་ཡིན་ནོ། །དེ་ནི་དེ་ལྟ་བུར་བྱ་སྟེ། དེས་ནི་དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །ལྔའི་ཚོགས་ཀྱིས་བྱ་བ་
D1.003.0137a06.01ལྔར་མ་ཚང་བས་ལས་བྱེད་ན་དེ་ནི་ཆོས་མ་ཡིན་པའི་ལས་དང་འདུལ་བ་མ་ཡིན་པའི་ལས་ཡིན་ནོ། །དེ་ནི་དེ་ལྟ་བུར་མི་བྱ་སྟེ། དེས་ནི་དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔའི་ཚོགས་ཀྱིས་བྱ་བའི་ལས་ལྔ་པ་ཁྱིམ་པ་དང་ཞེས་བྱ་བ་ནས་ལྔ་པ་སྤོ་བས་བྱེད་ན་ཞེས་བྱ་བའི་བར་གོང་མ་
D1.003.0137a07.01