完整藏文原文 · 德格版页 当前仅加载第 3 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲིན་ལས་མཛད་ན། ཚེ་དང་ལྡན་པ་གང་དག་དགེ་སློང་འདུན་པ་ལྟུང་བ་བྱུང་བ་ཕྱིར་མི་བགྱིད་པ་གནས་ནས་དབྱུང་བའི་ཕྲིན་ལས་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་ཡིན་ཏེ་ཞེས་བྱ་བའི་བར་
D1.003.0152b01.01གོང་མ་བཞིན་དུ་སྟེ། དམར་སེར་ཅན་རྣམས་ཀྱི་བཞིན་ནོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་དགེ་སློང་འཆི་ལྟས་ལ་འདི་ལྟ་བུའི་སྡིག་པའི་ལྟ་བར་སོང་བ་སྐྱེས་ཏེ། ཇི་ལྟར་བཅོམ་ལྡན་འདས་
D1.003.0152b02.01ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་བ་དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D1.003.0152b03.01བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་གནས་ནས་དབྱུང་བའི་ལས་བྱོས་ཤིག །རྒྱུ་ལྔས་སྡིག་པའི་ལྟ་བར་སོང་བ་མི་འདོར་བ་གནས་ནས་དབྱུང་བའི་ལས་བྱས་ན་
D1.003.0152b04.01དེ་ནི་ཆོས་མ་ཡིན་པའི་ལས་དང་། འདུལ་བ་མ་ཡིན་པའི་ལས་ཡིན་ཏེ། དེས་ན་དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔ་གང་ཞེ་ན། གླེང་བ་མ་བྱས་པ་དང་ཞེས་བྱ་བའི་བར་གོང་མ་བཞིན་དུ་སྟེ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་
D1.003.0152b05.01བཙུན་པ་རྣམས་གསན་དུ་གསོལ། དགེ་སློང་འཆི་ལྟས་འདི་ལ་འདི་ལྟ་བུའི་སྡིག་པའི་ལྟ་བར་སོང་བ་སྐྱེས་ཏེ། ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་བ་དེ་ལྟར་བཅོམ་ལྡན་འདས་
D1.003.0152b06.01ཀྱིས་ཆོས་བསྟན་པ་བདག་གིས་ཤེས་ཏེ་ཞེས་བྱ་བའི་བར་གོང་མ་བཞིན་དུ་སྟེ། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་དགེ་འདུན་གྱིས་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་ལ་གནས་ནས་དབྱུང་བའི་ཕྲིན་ལས་
D1.003.0152b07.01