完整藏文原文 · 德格版页 当前仅加载第 3 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
འོ་མས་རིམ་གྲོ་བྱ་བ་ནི་བདག་གི་ཆ་མ་ཡིན་ནོ་སྙམ་དུ་བསམས་ནས་ཇི་ལྟར་སེམས་མཉམ་པར་བཞག་པས་མཉན་ཡོད་ནས་མི་སྣང་བར་གྱུར་ཏེ། དལ་གྱིས་འབབ་ཅེས་བྱ་བའི་འགྲམ་དུ་ཕྱིན་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་དང་། ཀླུའི་རྒྱལ་པོ་རབ་བརྟན་གྱི་
D1.003.0027b01.01གནས་དང་ཉེ་བར་གྱུར་པ་དང་། དེ་ནས་ཀླུའི་རྒྱལ་པོ་རབ་བརྟན་གྱིས་མཐོང་ནས་སྨྲས་པ། འཕགས་པ་དགོས་པ་ཅི་ཞིག་གི་ཕྱིར་བྱོན། དེས་སྨྲས་པ། ཚེ་དང་ལྡན་པ་ཤཱ་རིའི་བུ་ཁྲག་དང་བད་ཀན་འཁྲུགས་ནས་དེ་ལ་སྨན་པས་པད་མའི་རྩ་བའི་འོ་མ་བསྟན་ཏོ། །ཀླུའི་རྒྱལ་པོ་རབ་
D1.003.0027b02.01བརྟན་གྱིས་སྨྲས་པ། འཕགས་པ་གལ་ཏེ་དེ་ལྟར་ན་རེ་ཞིག་གཞེས་ཤིག །དེ་དལ་གྱིས་འབབ་ཀྱི་ནང་དུ་ཞུགས་ནས་མིའི་ཚད་ཙམ་གྱི་པད་མའི་རྩ་བ་དག་བཏོན་ཅིང་པད་མའི་རྩ་བའི་འོ་མ་པད་མའི་འདབ་མའི་སྐྱོ་རར་གཟར་ནས་ཚེ་དང་ལྡན་པ་མཽད་གལ་གྱི་བུ་ཆེན་པོའི་ལྷུང་བཟེད་བཀང་ངོ་། །
D1.003.0027b03.01ཚེ་དང་ལྡན་པ་མཽད་གལ་གྱི་བུ་ཆེན་པོས་པད་མའི་རྩ་བ་གཤེགས་པ་ལ་ལྟ་བར་བརྩམས་པ་དང་དེ་ནས་ཀླུའི་རྒྱལ་པོ་རབ་བརྟན་གྱིས་སྨྲས་པ། འཕགས་པ་ཅི་གཟིགས་པད་མའི་རྩ་བ་དག་གསོལ་བར་བཞེད་དམ། དེ་ཅང་མི་སྨྲ་བར་འདུག་པ་དང་སྨྲས་པ། འཕགས་པ་བཞུད་ཅིག་
D1.003.0027b04.01དང་བསྐུར་རོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་པད་མའི་རྩ་བའི་འོ་མས་ལྷུང་བཟེད་བཀང་བ་ཁྱེར་ནས་དལ་གྱིས་འབབ་ཀྱི་འགྲམ་ནས་མི་སྣང་བར་བྱས་ཏེ་མཉན་ཡོད་ཀྱི་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་ཕྱིན་ཏོ། །དེ་ནས་ཚེ་དང་ལྡན་པ་
D1.003.0027b05.01ཤཱ་རིའི་བུས་སྨན་པས་བསྟན་པ་བཞིན་པད་མའི་རྩ་བའི་འོ་མ་འཐུངས་པས་སོས་པར་གྱུར་ཏོ། །ཀླུའི་རྒྱལ་པོ་རབ་བརྟན་གྱིས་ཀྱང་གླང་པོ་ཆེ་ནག་པོའི་ཆ་བྱད་འཆང་ལ་པད་མའི་རྩ་བ་ཁུར་ཅིག་བཀུར་ནས་མཉན་ཡོད་ཀྱི་རྒྱལ་བུ་རྒྱལ་བྱེད་ཀྱི་ཚལ་དུ་སོང་ལ་གཙུག་ལག་ཁང་གི་ཁྱམས་
D1.003.0027b06.01ཀྱི་མདུན་དུ་ཞོག་ལ་ཤོག་ཤིག །དེ་རླུང་གི་ཤུགས་ལྟར་མགྱོགས་པའི་མཐུས་མཉན་ཡོད་ཀྱི་རྒྱལ་བུ་རྒྱལ་བྱེད་ཀྱི་ཚལ་གྱི་གཙུག་ལག་ཁང་དུ་འོངས་ནས་པད་མའི་རྩ་བ་རྣམས་ཁྱམས་ཀྱི་མདུན་དུ་བཞག་ནས་སླར་ལོག་པ་ལས་ལམ་གྱི་ཕྱེད་ན་ཚལ་གྱི་བལ་གླང་མོ་ཞིག་ཡོད་པ་དང་ལྷན་
D1.003.0027b07.01