完整藏文原文 · 德格版页 当前仅加载第 3 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
བྲམ་ཟེའི་ཁྱེའུ་བླ་མའི་ཤིང་རྟ་ལ་འཛེགས་ནས་བྲམ་ཟེའི་ཁྱེའུ་བླ་མའི་ཅོ་ཏོ་ནས་བཟུང་སྟེ། འདི་སྐད་ཅེས་སྨྲས་སོ། །དེས་པ་བླ་མ་ཚུར་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང་། དེ་ནས་བྲམ་ཟེའི་ཁྱེའུ་བླ་མ་འདི་སྙམ་དུ་སེམས་
D1.003.0005b01.01ཏེ། ཨེ་མའོ་སངས་རྒྱས་ནི་མཆོག་མ་ཡིན་པ་མ་ཡིན་ཞིང་ཆོས་བསྟན་པ་ཡང་མཆོག་མ་ཡིན་པ་མ་ཡིན་པས་ད་ལྟར་རྫ་མཁན་དགའ་སྐྱོང་ཡུན་རིང་པོ་ནས་གཏུམ་པོ་མ་ཡིན། གཟུ་ལུམས་ཅན་མ་ཡིན། བརླང་པོ་མ་ཡིན་བསྲི་བ་མེད་པ་མ་ཡིན་པ་དེས་བདག་གི་སྐྲ་
D1.003.0005b02.01རྣམས་བཟུང་བར་གྱུར་ཏོ་སྙམ་དུ་རིག་ནས། རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང་དེ་ཙམ་བྱ་བ་ལ་ཐུག་གམ། དེས་པ་དེ་ཙམ་བྱ་བ་ལ་ཐུག་ཅེས་སོ། །དེས་པ་དགའ་སྐྱོང་དེ་ལྟ་ན་ཐོང་ཤིག་དང་ཡང་དག་པར་རྫོགས་པའི་སངས་
D1.003.0005b03.01རྒྱས་འོད་སྲུང་ལ་བསྙེན་བཀུར་བྱེད་དུ་འདོང་ངོ་། །དེ་ནས་རྫ་མཁན་དགའ་སྐྱོང་དང་བྲམ་ཟེའི་ཁྱེའུ་བླ་མ་ཤིང་རྟ་གཅིག་གི་ནང་དུ་ཞུགས་ནས་ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་དོང་སྟེ། དེ་གཉིས་ཀྱིས་ཇི་ཙམ་བཞོན་པའི་སའི་བར་དུ་བཞོན་པས་
D1.003.0005b04.01སོང་ནས་བཞོན་པ་ལས་བབས་ཏེ། རྐང་པ་ཁོ་ནས་ཀུན་དགའ་ར་བའི་ནང་དུ་ཞུགས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་ཕྱིན་པ་དང་། དེ་ནས་རྫ་མཁན་དགའ་སྐྱོང་གིས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་
D1.003.0005b05.01ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །བྲམ་ཟེའི་ཁྱེའུ་བླ་མས་ནི་བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང་། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ་ཕྱོགས་གཅིག་ཏུ་འདུག་གོ། །
D1.003.0005b06.01དེ་ནས་རྫ་མཁན་དགའ་སྐྱོང་གིས་ཐལ་མོ་སྦྱར་བ་བཏུད་དེ་ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེ་ལོགས་སུ་འདི་སྐད་ཅེས་གསོལ་ཏོ། །བཙུན་པ་བྲམ་ཟེའི་ཁྱེའུ་བླ་མ་འདི་སངས་རྒྱས་ལ་མངོན་པར་མ་དད་ཅིང་ཆོས་དང་དགེ་འདུན་ལ་མངོན་པར་མ་དད་
D1.003.0005b07.01