完整藏文原文 · 德格版页 当前仅加载第 3 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ལྡན་དག་གང་གིས་ན་ཡངས་པ་ཅན་གྱི་ཚོགས་སྔོན་རྩུབ་པ་དང་བཅས་པར་སྤྲིང་བར་བྱེད་པ་ལས། དེ་འཇམ་པོ་དང་བཅས་པར་གྱུར་པ་ལ་རྒྱུ་ཅི་ཞིག་ཡོད། གཞན་དག་གིས་སྨྲས་པ། ཁྱད་པར་ཡོད་དེ་ལུས་འཕགས་ཀྱི་རྒྱལ་པོའི་བློན་པོའི་མཆོག་དུམ་བུ་དེར་འོངས་ནས།
D1.003.0052b01.01དེ་དག་དེའི་བློ་གྲོས་བཞིན་བྱེད་དེ། དེས་ན་ད་ལྟར་འཇམ་པོ་དང་བཅས་པར་སྤྲིང་བར་བྱེད་དོ། །དུམ་བུས་ས་སྐྱོང་དང་སེང་གེ་ཁྱིམ་ཕུབ་ནས་སེང་གེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་བུ་མོ་ཞིག་བཙས་ཏེ། དེའི་བཙས་སྟོན་རྒྱ་ཆེར་བྱས་ནས་གོས་
D1.003.0052b02.01ཅན་ཞེས་བྱ་བར་བཏགས་སོ། །དེ་ལྟས་མཁན་རྣམས་ཀྱིས་མཐོང་ནས་ཁྱེའུ་ཞིག་བཙའ་བར་འགྱུར་ཏེ། དེས་ཕ་སྲོག་དང་ཕྲལ་ནས་རང་ཉིད་ཅོད་པན་བཅིངས་ཏེ་རྒྱལ་སྲིད་བྱེད་པར་འགྱུར་རོ་ཞེས་ལུང་བསྟན་ཏོ། །དེ་ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་
D1.003.0052b03.01བྱེད་པ་ལས་བུ་མོ་ཞིག་བཙས་ཏེ། དེའི་བཙས་སྟོན་ཡང་རྒྱ་ཆེར་བྱས་ནས་ཉེ་གོས་ཅན་ཞེས་བྱ་བར་བཏགས་སོ། །དེ་ཡང་ལྟས་མཁན་རྣམས་ཀྱིས་མཐོང་ནས་བུ་མཚན་རྫོགས་པ་ཞིག་བཙའ་བར་འགྱུར་རོ་ཞེས་ལུང་བསྟན་ཏོ། །ས་སྐྱོང་གདུག་པ་རྩལ་ཆེ་བ་ཞིག་པས་ཡངས་པ་ཅན་གྱི་ལིཙྪ་
D1.003.0052b04.01བཱི་རྣམས་ཀྱི་སྐྱེད་མོས་ཚལ་རྣམས་མ་རུང་བར་བྱས་པ་དང་། སྐྱེད་མོས་ཚལ་སྲུང་བ་རྣམས་ཀྱིས་སྨྲས་པ། ཡངས་པ་ཅན་གྱི་ལིཙྪ་བཱི་རྣམས་ནི་གདུག་པ་རྩལ་པོ་ཆེ་ཡིན་གྱིས་དེ་དག་གི་སྐྱེད་མོས་ཚལ་རྣམས་མ་རུང་བར་མ་བྱ་ཤིག་ཅེས་དེས་སླར་བཟློག་ཀྱང་མ་བཏུབ་ནས་སྐྱེད་མོས་ཚལ་སྲུང་བ་རྣམས་
D1.003.0052b05.01ཀྱིས་དུམ་བུ་ལ་སྨྲས་པ། ཁྱོད་ཀྱི་བུས་ཡངས་པ་ཅན་གྱི་ལིཙྪ་བཱི་རྣམས་ཀྱི་སྐྱེད་མོས་ཚལ་རྣམས་མ་རུང་བར་བྱས་ཏེ། ལིཙྪ་བཱི་འདི་དག་རྣམས་གདུག་པ་རྩལ་པོ་ཆེ་ཡིན་པས་འདི་ལ་གནོད་པ་བྱས་སུ་འོང་གིས་འདི་སླར་ཟློག་ཅིག །དེས་དེ་བཀུག་ནས་སྨྲས་པ། བུ་ཡངས་པ་ཅན་གྱི་ལིཙྪ་
D1.003.0052b06.01བཱི་རྣམས་ནི་གདུག་པ་རྩལ་པོ་ཆེ་ཡིན་གྱིས་འདི་དག་གི་སྐྱེད་མོས་ཚལ་མ་རུང་བར་མ་བྱ་ཞིག །དེ་དག་གིས་གནོད་པར་བྱས་ས་རེ། དེས་སྨྲས་པ། ཡབ་འདི་དག་ལ་ནི་སྐྱེད་མོས་ཚལ་མཆིས་ན་བདག་ཅག་ལ་ནི་མ་མཆིས་སོ། །དེས་སྨྲས་པ། བུ་སྐྱེད་མོས་ཚལ་གྱི་དོན་དུ་ཚོགས་ལ་
D1.003.0052b07.01