完整藏文原文 · 德格版页 当前仅加载第 3 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གི་འཚོ་བ་སྔོན་བྱས་ལས་ཀྱིས་ཐོབ་པ་ངན། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བུ་མོ་བསྐྱེད་མ་འདི་ནི་སྔོན་གྱི་སངས་རྒྱས་རྣམས་ལ་ལྷག་པར་བྱ་བ་བྱས་པ་ཡིན་མོད་ཀྱི། ཚེ་ཆུང་ཞིག་ཡོད་པས་འདི་འཁོར་བའི་བཙོན་ར་ནས་དབྱུང་བར་བྱའོ་
D1.003.0224b01.01སྙམ་དུ་དགོངས་ནས། རྫུ་འཕྲུལ་གྱིས་གྲོ་ག་ལ། དགེ་མ་སྐྱེ་བ་བྱུང་ན་ནི། །འཇིག་པ་ཡིན་པར་བསམས་ནས་སུ། །ངས་གསུངས་པ་ཡི་དགེ་བ་ལ། །བརྩོན་འགྲུས་བསྐྱེད་ནས་མཉན་པར་བྱ། །ཞེས་བྲིས་ནས་བྱིན་ནོ། །དེ་ནས་བུ་མོ་བསྐྱེད་མ་དགའ་བ་དང་། མགུ་
D1.003.0224b02.01བ་དང་། རངས་པ་དང་། ཡིད་བདེ་བ་སྐྱེས་ནས་ཚིགས་སུ་བཅད་པ་སྨྲས་བཞིན་སངས་རྒྱས་ལ་དམིགས་པའི་སེམས་ཁོ་ནས་སོང་བ་དང་། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་
D1.003.0224b03.01བ་ཉིད། །ཅེས་བྱ་བ་ཡིན་པས་ཚེ་ཆུང་ཞིག་ཡོད་པའི་ལས་ཚོགས་པ་རྙེད་པ་དེ་བ་དྲུས་མ་ཞིག་གིས་བསད་དོ། །དེ་སངས་རྒྱས་ལ་སེམས་མངོན་པར་དད་པར་བྱས་ཏེ་ཤི་བས་སིང་ག་ལའི་གླིང་དུ་སིང་ག་ལའི་རྒྱལ་པོའི་བཙུན་མོ་དམ་པའི་མངལ་དུ་སྐྱེས་པར་གྱུར་ཏེ། གང་གི་ཉི་
D1.003.0224b04.01མ་ལ་ཉིང་མཚམས་སྦྱར་བ་དེ་ཁོ་ནའི་ཉིན་པར་མུ་ཏིག་གི་ཆར་བ་བབ་བོ། །རྒྱལ་པོས་ལྟས་མཁན་རྣམས་བཀུག་སྟེ་སྨྲས་པ་དང་། དེ་རྣམས་ཀྱིས་སྨྲས་པ། ལྷ་འདི་ནི་སེམས་ཅན་ཞིག་བཙུན་མོའི་ལྷུམས་སུ་ཞུགས་པ་དེའི་མཐུ་ལགས་སོ། །ཇི་ཙམ་ན་མངལ་གྱི་སྨིན་པར་བྱ་
D1.003.0224b05.01བའི་ཕྱིར་དེ་སྒྲ་ཡིད་དུ་མི་འོང་བ་ཅུང་ཟད་ཀྱང་མི་གྲག་ཅིང་གྲང་བ་ན་གྲང་བའི་ཡོ་བྱད་དང་། དྲོ་བ་ན་དྲོ་བའི་ཡོ་བྱད་དང་། སྨན་པས་བསྟན་པའི་ཁ་ཟས་ཧ་ཅང་ཁ་བ་མ་ཡིན་པ་དང་། ཧ་ཅང་སྐྱུར་བ་མ་ཡིན་པ་དང་། ཧ་ཅང་ལན་ཚྭ་ཅན་མ་ཡིན་པ་དང་། ཧ་ཅང་མངར་བ་མ་ཡིན་
D1.003.0224b06.01པ་དང་། ཧ་ཅང་རྩུབ་པ་མ་ཡིན་པ་དང་། ཧ་ཅང་བསྐ་བ་མ་ཡིན་པ་དང་། ཁ་བ་དང་། སྐྱུར་བ་དང་། ལན་ཚྭ་དང་། མངར་བ་དང་། རྩུབ་པ་དང་། བསྐ་བ་རྣམས་སྤངས་པའི་ཁ་ཟས་ཀྱིས་བསྙེན་བཀུར་བྱེད་ཅིང་དོ་ཤལ་དང་སེ་མོ་དོས་ལུས་བརྒྱན་ནས་ལྷའི་བུ་མོ་དགའ་
D1.003.0224b07.01