完整藏文原文 · 德格版页 当前仅加载第 3 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་མཐོང་ངོ་སྙམ་ནས། དེས་དུས་ཚོད་གསོལ་བའི་སྐྱེས་པ་གཞན་ཞིག་བཏང་སྟེ། དེས་བཙུན་པ་གདུགས་ཚོད་ལགས་ཤིང་མཆིས་ན། བཅོམ་ལྡན་འདས་ད་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་བྱ་བ་ནས། བཅོམ་ལྡན་འདས་
D1.003.0086a01.01ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུ་སྟེ། རྒན་པའི་མཐར་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ནི་སྦྱིན་པ་ཆེན་པོ་བརྒྱད་བཅའ་བར་འཚལ་ཏེ། གློ་བུར་པ་ལ་སྩལ་བ་དང་།
D1.003.0086a02.01འཆི་བར་ཆས་པ་ལ་སྩལ་བ་དང་། བྲོ་འཚལ་བ་ལ་སྩལ་བ་དང་། བྲོ་གཡོག་ལ་སྩལ་པ་དང་། སྩང་ནས་ཀྱི་འཇམས་ནར་མ་དང་། སྨན་ནར་མ་དང་། དགེ་སློང་རྣམས་ལ་དབྱར་གྱི་གོས་རས་ཆེན་དང་། དགེ་སློང་མ་རྣམས་ལ་ཁྲུས་རས་སོ། །བཅོམ་ལྡན་འདས་ཀྱིས་བཀའ་
D1.003.0086a03.01སྩལ་པ། ས་ག་མ་ཁྱོད་ཀྱིས་ཡོན་ཏན་ཅི་ཞིག་མཐོང་ན་གློ་བུར་དུ་འོངས་པ་ལ་སྦྱིན་པ་སྦྱིན། བཙུན་པ་གློ་བུར་དུ་མཆིས་པའི་དགེ་སློང་ནི་སྤྱོད་ཡུལ་མི་མཁས་པ་དང་། ལམ་སྲང་མི་མཁས་པ་ལགས་པས་དེས་བདག་གི་བསོད་སྙོམས་ལ་ལོངས་སྤྱད་ན་སྤྱོད་ཡུལ་ལ་མཁས་
D1.003.0086a04.01པ་དང་། ལམ་སྲང་ལ་མཁས་པར་འགྱུར་ལགས་སོ། །ས་ག་མ་དེ་ཐུགས་སུ་ཆུད་དེ་ལེགས་སོ་ལེགས་སོ། །དོན་གྱི་དབང་ཅི་ཞིག་མཐོང་ན་འགྲོ་བར་ཆས་པ་ལ་སྦྱིན་པ་སྦྱིན། བཙུན་པ་དགེ་སློང་མཆི་བར་ཆས་པ་བསོད་སྙོམས་ཚོལ་དུ་མཆིས་ན་འགྲོན་པ་རྣམས་དང་བྲལ་
D1.003.0086a05.01བར་འགྱུར་ཞིང་ཚོགས་དང་བྲལ་ན་ཕོངས་པར་འགྱུར་བས་དེས་བདག་གི་བསོད་སྙོམས་ལ་ལོངས་སྤྱད་ན་ཚོགས་དང་འབྲལ་བར་མི་འགྱུར་ལགས་སོ། །ས་ག་མ་དེ་ཡང་ཐུགས་སུ་ཆུད་དེ་ལེགས་སོ་ལེགས་སོ། །དོན་གྱི་དབང་ཅི་ཞིག་མཐོང་ན་ནད་པ་ལ་སྦྱིན་པ་སྦྱིན། བཙུན་
D1.003.0086a06.01པ་དགེ་སློང་བྲོ་འཚལ་བ་བསོད་སྙོམས་ཚོལ་དུ་མཆིས་ན་ཉོན་མོངས་པའམ་འགུམ་པར་འགྱུར་བས་དེས་བདག་གི་བསོད་སྙོམས་ལ་ལོངས་སྤྱོད་ན་བྲོ་ནད་ལས་ལྡང་བ་དང་བདེ་བ་ལ་རེག་པར་གནས་པར་འགྱུར་ལགས་སོ། །ས་ག་མ་དེ་ཡང་ཐུགས་སུ་ཆུད་དེ་ལེགས་སོ་ལེགས་
D1.003.0086a07.01