完整藏文原文 · 德格版页 当前仅加载第 3 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བབ་ཅེ་ན། ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ་སྙམ་དུ་བསམས་ནས། རྒྱལ་པོ་རྣ་བ་ཅན་གང་ན་བ་དེར་སོང་སྟེ་ཕྱིན་པ་དང་རྐང་པ་གཉིས་ལ་གཏུགས་ཏེ་གསོལ་བ་བཏབ་པ། ཡབ་མཁྱེན་པར་མཛོད་ཅིག །བདག་ནི་དད་པས་ཁྱིམ་ནས་ཁྱིམ་མ་
D1.003.0266b01.01མཆིས་པར་རབ་ཏུ་འབྱུང་ངོ་། །དེས་སྨྲས་པ། བུ་གང་གི་ཕྱིར་མཆོད་སྦྱིན་མཆོད་པར་བྱེད་པ་དང་། སྦྱིན་སྲེག་སྲེག་པར་བྱེད་པ་དང་། དཀའ་ཐུབ་སྤྱོད་པ་དེ་དག་ནི་འདིའི་ཆེད་ཡིན་ཏེ། ང་འདས་ན་རྒྱལ་སྲིད་ལག་མཐིལ་དུ་འོངས་ཏེ་རྒྱལ་པོ་བྱེད་པར་འགྱུར་ན་ཅིའི་ཕྱིར་རབ་ཏུ་
D1.003.0266b02.01འབྱུང་། དེས་སྨྲས་པ། ཡབ་བདག་གིས་ཆོས་དང་ཆོས་མ་ཡིན་པས་རྒྱལ་སྲིད་བགྱིད་རྔོ་མི་ཐོག་གོ། །དེ་ལྟ་བས་ན་མཁྱེན་པར་མཛོད་ཅིག་རབ་ཏུ་འབྱུང་ངོ་། །དེ་ནས་རྒྱལ་པོས་གལ་གྱིས་གཅུ་བར་ཤེས་ནས་གནང་ངོ་། །དེའི་ཚེ་བསྟི་གནས་ཞིག་ན་དྲང་སྲོང་མདོག་གནག་
D1.003.0266b03.01ཅེས་བྱ་བ་གནས་སོ། །དེ་ནས་གཞོན་ནུ་གཽ་ཏ་མ་རྒྱལ་པོས་གནང་ནས་དགའ་ཞིང་མགུ་ལ་དགའ་བ་རྒྱ་ཆེན་པོ་དང་ཡིད་བདེ་བ་སྐྱེས་ནས་དྲང་སྲོང་མདོག་གནག་གང་ན་བ་དེར་སོང་སྟེ་ཕྱིན་པ་དང་སྤྱོད་ལམ་དུལ་བས་རྐང་པ་གཉིས་ལ་ཕྱག་བྱས་ནས་སྨྲས་པ། དྲང་སྲོང་ཆེན་པོ་བདག་རབ་
D1.003.0266b04.01ཏུ་འབྱུང་བར་འདོད་ཀྱིས་བདག་རབ་ཏུ་ཕྱུང་ཤིག །དེས་དེ་རབ་ཏུ་ཕྱུང་ངོ་། །དྲང་སྲོང་མདོག་གནག་ནི་འབྲས་བུ་དང་། རྩ་བ་དང་། ཆུ་འཐུང་བས་དེ་ཡང་དྲང་སྲོང་གཽ་ཏ་མ་དྲང་སྲོང་གཽ་ཏ་མ་ཞེས་བྱ་བར་གྱུར་ཏོ། །ཇི་ཙམ་དུས་གཞན་ཞིག་ན་རྒྱལ་པོ་རྣ་བ་ཅན་ཤི་ནས། གཞོན་ནུ་བ་ར་
D1.003.0266b05.01དྭ་ཛ་ཕའི་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་གོ། །ཇི་ཙམ་དུས་གཞན་ཞིག་ན་དྲང་སྲོང་གཽ་ཏ་མས་མཁན་པོ་ལ་སྨྲས་པ། མཁན་པོ་དགོན་པའི་ཟས་ཀྱིས་འཚོ་བར་རྔོ་མི་ཐོག་གིས་གྲོང་འདབ་ཏུ་གནས་པར་བགྱིའོ། །དེས་སྨྲས་པ། བུ་རུང་གིས་གྲོང་ངམ་དགོན་
D1.003.0266b06.01པ་ན་གནས་པའི་དྲང་སྲོང་གིས་ནི་མདོར་ན་དབང་པོ་བསྲུང་བ་ཡིན་གྱིས། ཁྱོད་སོང་ལ་གྲུ་འཛིན་གྱི་ཉེ་འཁོར་དུ་ལོ་མའི་སྤྱིལ་བོ་བྱོས་ལ་འདུག་ཤིག །མཁན་པོ་བཀའ་བཞིན་འཚལ་ཞེས་སྨྲས་ནས། དྲང་སྲོང་གཽ་ཏ་མ་གྲུ་འཛིན་གྱི་ཉེ་འཁོར་དུ་ལོ་མའི་སྤྱིལ་བུ་བྱས་ཏེ་
D1.003.0266b07.01