完整藏文原文 · 德格版页 当前仅加载第 3 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་མེད་པར་ཤིའོ། །དེ་ནས་ཅིག་ཤོས་ནུ་བོ་དབང་བསྐུར་ནས། དེའི་མིང་རྒྱལ་པོ་བུ་རམ་ཤིང་པ་ཞེས་བྱ་བར་གྱུར་ཏོ། །གཽ་ཏ་མ་དག་རྒྱལ་པོ་བུ་རམ་ཤིང་པའི་བུ་དང་། ཚ་བོ་དང་། ཡང་ཚ་དང་། སུམ་ཚའི་རྒྱུད་རྒྱལ་པོ་བུ་རམ་ཤིང་པ་བརྒྱ་ཡང་གྲོང་ཁྱེར་གྲུ་འཛིན་
D1.003.0269b01.01དུ་བྱུང་སྟེ། དེ་རྣམས་ཀྱི་ཐ་མ་ནི་རྒྱལ་པོ་བུ་རམ་ཤིང་པ་འཕགས་སྐྱེས་པོ་ཞེས་བྱ་བ་བྱུང་ངོ་། །གཽ་ཏ་མ་དག་རྒྱལ་པོ་བུ་རམ་ཤིང་པ་འཕགས་སྐྱེས་པོ་ལ་བུ་བཞི་སྟེ། སྐར་མདའ་གདོང་དང་། ལག་རྣ་དང་། གླང་པོ་ཆེ་འདུལ་དང་། རྐང་གདུབ་ཅན་ནོ། །དུས་གཞན་
D1.003.0269b02.01ཞིག་ན་དེའི་བཙུན་མོ་དམ་པ་ཤི་ནས་དེ་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་གོ། །བློན་པོ་རྣམས་ཀྱིས་སྨྲས་པ། ལྷ་ཅིའི་སླད་དུ་ཕྱག་ལ་ཞལ་གཏད་ནས་ཐུགས་མི་དགྱེས་ཤིང་བཞུགས། དེས་སྨྲས་པ། ངའི་བཙུན་མོ་དམ་པ་ཤི་ན་ཅིའི་ཕྱིར་སེམས་
D1.003.0269b03.01ཁོང་དུ་ཆུད་ཅིང་མི་འདུག །ལྷ་གལ་ཏེ་དེ་ལྟ་ན་ཉི་འོག་གི་རྒྱལ་པོ་རྣམས་ལ་བུ་མོ་མཆིས་ན། ཅིའི་སླད་དུ་རྗེའི་བཙུན་མོ་དམ་པ་མི་བཙལ། རྒྱལ་པོས་སྨྲས་པ། གཞོན་ནུ་འདི་དག་ནི་རྒྱལ་སྲིད་མངོན་པར་འདོད་པས་ཕྱིར་རྒོལ་བ་འདི་དག་ཡོད་ན་ང་ལ་སུ་ཞིག་བུ་མོ་སྟེར་
D1.003.0269b04.01བར་འགྱུར་ལྷ་དགོངས་ཤིག་དང་། བདག་ཅག་གིས་བཙལ་ལོ། །ཇི་ཙམ་ན་རྒྱལ་པོ་གཞན་ཞིག་གི་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ་བཙུན་མོ་དམ་པར་འཚམ་པ་ཡོད་པ་དེ་དེ་རྣམས་ཀྱིས་བརྟགས་ཏེ་རྒྱལ་པོ་དེའི་དྲུང་དུ་དོང་ནས་དེ་རྣམས་ཀྱིས་
D1.003.0269b05.01གཅིག་ནས་གཅིག་ཏུ་བརྒྱུད་དེ་རྒྱལ་པོ་ལ་རིག་པར་བྱས་པ་དང་། རྒྱལ་པོས་བསྒོ་བ་ཁུག་ཤིག །དེ་ནས་དེ་རྣམས་རྒྱལ་པོའི་སྤྱན་སྔར་དོང་ནས་རྐང་པ་གཉིས་ལ་གཏུགས་ཏེ་ཐོག་མར་གཏམ་བྱས་ནས་འདུག་གོ། །གཏམ་གྱི་སྐབས་རྙེད་ཅིང་རྒྱལ་པོའི་ཞལ་མཐོང་ནས་
D1.003.0269b06.01སྨྲས་པ། ལྷ་བཀྲ་ཤིས་པར་གྱུར་ཅིག །བཀྲ་ཤིས་པར་གྱུར་ཅིག །རྒྱལ་པོས་སྨྲས་པ། ཤེས་ལྡན་དག་ཁྱེད་ཅི་གསོལ། རྒྱལ་པོ་བུ་རམ་ཤིང་པ་འཕགས་སྐྱེས་པོའི་བཙུན་མོ་དམ་པ་གུམ་ནས་དེའི་ཆེད་དུ་སྲས་མོ་སློང་ངོ་། །རྒྱལ་པོས་སྨྲས་པ། འཐབ་རིར་
D1.003.0269b07.01