完整藏文原文 · 德格版页 当前仅加载第 3 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བཅས་པས་རེ་ཞིག་ཚོགས་ལ་བརྟག་གོ་སྙམ་ནས། དེས་ཡངས་པ་ཅན་གྱི་ཚོགས་བསྡུས་ཏེ། ཤེས་ལྡན་བྲམ་ཟེ་དང་ཁྱིམ་བདག་རྣམས་ཉོན་ཅིག །བདག་གིས་སྐྱེད་མོས་ཚལ་ནས་བུ་མོ་ཞིག་རྙེད་པ་དེ་བདག་གིས་བསྣུན་བསྙོད་དེ་བསྐྱེད་ནས། དེ་བདག་གིས་རང་གི་རིགས་རྒྱུད་དང་འཚམ་པར་
D1.003.0056b01.01འགའ་ཞིག་ལ་ཆུང་མར་བྱིན་ན་ཚོགས་ཀྱིས་ལྟོས་ཤིག །དེ་རྣམས་ཀྱིས་སྨྲས་པ། ཁྱིམ་བདག་སྔོན་ཚོགས་ཁོ་ནས་ཁྲིམས་སུ་བཅས་པ། བུད་མེད་རིན་པོ་ཆེ་ནི་མི་གཏང་སྟེ་ཚོགས་ཀྱིས་སྤྱད་དོ། །ཞེས་བཅས་པ་ཡིན་གྱིས་རེ་ཞིག་བུ་མོ་དེ་ཅི་འདྲ་བ་ཞིག་བལྟས་ཁྲིད་དེ་ཤོག་ཤིག །དེས་དེ་ཚོགས་
D1.003.0056b02.01ཀྱི་ནང་དུ་ཁྲིད་དེ་འོངས་པ་དང་། གཟུགས་དང་ལང་ཚོ་ཕུན་སུམ་ཚོགས་པ་མཐོང་ནས་ཚོགས་ཐམས་ཅད་ངོ་མཚར་དུ་གྱུར་པའི་མིག་བགྲད་དེ་ཀུན་ཏུ་བརྟགས་པར་བརྩམས་ནས་སྨྲས་པ། ཁྱིམ་བདག་འདི་ནི་བུད་མེད་རིན་པོ་ཆེ་ཡིན་པས་ཚོགས་ཀྱིས་སྤྱད་ཀྱིས་སུ་ལ་ཡང་མི་སྦྱིན་ནོ། །དེ་ནས་ཁྱིམ་བདག་
D1.003.0056b03.01མིང་ཆེན་ཡིད་མི་བདེ་ཞིང་རང་གི་ཁྱིམ་དུ་སོང་ནས་དེ་འགྲམ་པ་ལ་ལག་པ་གཏད་ནས་སེམས་ཁོང་དུ་ཆུད་ཅིང་འདུག་པ་ཨ་མྲ་སྐྱོང་མས་མཐོང་ནས་དྲིས་པ། ཡབ་ཅིའི་སླད་དུ་ཐུགས་མི་དགྱེས། བུ་མོ་ཁྱོད་བུད་མེད་རིན་པོ་ཆེ་ཡིན་ནོ་ཞེས་ཚོགས་ཀྱིས་སྤྱད་པར་གྱུར་ཏེ། བདག་གི་ཡིད་ལ་རེ་བ་མ་རྫོགས་
D1.003.0056b04.01སོ། །ཡབ་ཅི་ཁྱོད་གཞན་གྱི་དབང་དུ་གྱུར་ཏམ། བུ་མོ་སྔོན་ཚོགས་ཀྱིས་ཁྲིམས་སུ་བཅས་པ་བུད་མེད་རིན་པོ་ཆེ་ནི་ཚོགས་ཀྱིས་སྤྱད་དོ་ཞེས་བཅས་ལ། ཁྱོད་ཀྱང་བུད་མེད་རིན་པོ་ཆེ་ཡིན་པས་དེའི་ཕྱིར་བདག་ལ་དབང་མེད་དོ། །དེས་སྨྲས་པ། དམ་ཞིག་བཅའ་སྟེ་གལ་ཏེ་བདག་ལ་ཚོགས་
D1.003.0056b05.01ཀྱི་དམ་པ་ལྔ་ཞིག་སྩལ་ན། བདག་ཚོགས་ཀྱིས་སྤྱད་པར་བགྱི་སྟེ། རིས་དང་པོའི་ཁང་པ་སྩལ་བ་དང་། སྐྱེས་པ་གཅིག་ནང་དུ་ཞུགས་པ་ན་ཅིག་ཤོས་ནང་དུ་མི་འཇུག་པ་དང་། ནང་དུ་འཇུག་པ་གང་ཡིན་པ་དེ་ཡང་ཀཱར་ཥཱ་པ་ཎ་ལྔ་བརྒྱ་འཚལ་ཏེ་མཆི་བ་དང་། གང་གི་ཚེ་ཁྱིམ་ཉུལ་བ་དེའི་ཚེ་བདག་
D1.003.0056b06.01གི་ཁྱིམ་ཞག་བདུན་ན་བྱུལ་བ་དང་། བདག་གི་ཁྱིམ་དུ་མཆི་བ་རྣམས་ཀྱི་ཕྱིར་འབྱུང་བ་དང་། ནང་དུ་འཇུག་པ་ལ་མི་བརྟག་པའོ། །མིང་ཆེན་གྱིས་ཨ་མྲ་སྐྱོང་མའི་སྤྲིང་བ་བཟླས་པ་དང་། ཚོགས་ཀྱིས་སྨྲས་པ། དེ་བཞིན་དུ་བྱས་ཏེ། རིས་དང་པོའི་ཁང་པ་ཞེས་གང་སྨྲས་པ་ལ་རིས་དང་པོའི་ཁང་
D1.003.0056b07.01