完整藏文原文 · 德格版页 当前仅加载第 3 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་དེ། བསོད་སྙོམས་ཀྱི་ཕྱེད་ཀྱང་གནང་གིས་བདག་དད་པས་བྱིན་པ་ལོངས་སྤྱད་ནས་ལེ་ལོས་དུས་འདས་པར་བྱེད་པ་ནི་བདག་ལ་རིགས་པ་མ་ཡིན་པས། མ་ལ་བདག་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་སྦྱོར་བ་ལ་བརྩོན་པར་གནས་པར་བྱའོ་སྙམ་ནས། དེས་ནམ་གྱི་ཆ་
D1.003.0107b01.01སྟོད་དང་ཆ་སྨད་ལ་མི་ཉལ་བར་སྦྱོར་བ་ལ་བརྩོན་པར་གནས་པ་ན་འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པའི་ཆོས་ཉིད་དུ་ཟིལ་གྱིས་མནན་ནས་ཉོན་
D1.003.0107b02.01མོངས་པ་ཐམས་ཅད་སྤངས་ཏེ་དགྲ་བཅོམ་པར་གྱུར་ཏོ། །དགྲ་བཅོམ་པར་གྱུར་ནས་ཁམས་གསུམ་གྱི་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་ཙན་དན་དང་སྟེའུར་མཉམ་པ། མ་རིག་པའི་སྒོ་ངའི་སྦུབས་
D1.003.0107b03.01དྲལ་བར་གྱུར་ཅིང་རིག་པ་དང་། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པ་དང་། འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ་དང་། དབང་པོ་དང་ཉེ་བའི་དབང་པོ་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང་། རྗེད་པར་བྱ་བ་
D1.003.0107b04.01དང་། མངོན་དུ་སྨྲ་བར་བྱ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ནད་པ་འདི་དག་ལ་ནི་ཚངས་པ་མཚུངས་པར་སྤྱོད་པ་ཁྱེད་ཅག་ཁོ་ན་མ་གཏོགས་པར་མ་མེད། ཕ་མེད། རྩ་ལག་གཞན་མེད་དོ། །དེ་ལྟ་བས་ན་ཚངས་
D1.003.0107b05.01པ་མཚུངས་པར་སྤྱོད་པ་རྣམས་ཀྱིས་ཕན་ཚུན་དུ་རིམ་གྲོ་བྱ་སྟེ། མཁན་པོས་ནི་ལྷན་ཅིག་གནས་པའིའོ། །ལྷན་ཅིག་གནས་པས་ནི་མཁན་པོའིའོ། །སློབ་དཔོན་གྱིས་ནི་ཉེ་གནས་ཀྱིའོ། །ཉེ་གནས་ཀྱིས་ནི་སློབ་དཔོན་གྱིའོ། །མཁན་པོ་གཅིག་པས་ནི་མཁན་པོ་གཅིག་
D1.003.0107b06.01པའིའོ། །སློབ་དཔོན་གཅིག་པས་ནི་སློབ་དཔོན་གཅིག་པའིའོ། །གཏམ་འདྲེས་པས་ནི་གཏམ་འདྲེས་པའིའོ། །ཕེབས་པར་སྨྲ་བས་ནི་ཕེབས་པར་སྨྲ་བའིའོ། །སྨོས་འདྲིན་གྱིས་ནི་སྨོས་འདྲིན་གྱིའོ། །འཁོར་དང་བྲལ་བ་ཤེས་པ་ཆུང་བ་གང་ཡིན་པ་དེ་ནི་དགེ་འདུན་
D1.003.0107b07.01