完整藏文原文 · 德格版页 当前仅加载第 3 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པོས། །ཤཱཀྱ་རྣམས་ནི་གསོད་པ་ན། །ཀླད་པ་མི་བཟད་ནད་ཀྱིས་ཐེབས། །རྣམ་པར་གཟིགས་ཀྱི་གསུང་རབ་ཀྱི། །ཉན་ཐོས་ཡོངས་སུ་སྨད་བྱས་ཏེ། །ཁྱེད་ནི་ནས་དག་ཟ་བར་འོས། །ཁྱེད་ལ་འབྲས་ནི་མི་རིགས་ཞེས། །ངག་གིས་ཉེས་པར་
D1.003.0013b01.01སྤྱད་པ་དང་། །ལས་ཀྱི་རྣམ་པར་སྨིན་པ་དེས། །དམྱལ་བ་ཐིག་ནག་རྣམས་སུ་ནི། །སྡུག་བསྔལ་མང་པོ་ཉམས་སུ་མྱོང་། །དེ་ནས་ལས་ཀྱི་ལྷག་མས་ནི། །དགྲ་མཐར་དབྱར་ནི་གནས་བཅས་ཏེ། །བྲམ་ཟེ་ཡིས་ནི་སྤྱན་དྲངས་ཚེ། །ཟླ་བ་གསུམ་དུ་ནས་
D1.003.0013b02.01དག་ཟོས། །ང་ནི་སྨན་པར་གྱུར་པ་ན། །ཚོང་དཔོན་བུ་ཕོ་འཁྲུར་འཇུག་ཚེ། །ནད་ཀྱིས་སྡུག་བསྔལ་གྱུར་པ་ལ། །སྨན་མ་ཡིན་པ་ངས་བྱིན་ནོ། །ལས་ཀྱི་རྣམ་པར་སྨིན་པ་དེས། །སྡུག་བསྔལ་མང་པོ་ཉམས་སུ་མྱོང་། །དེ་ནས་ལས་ཀྱི་ལྷག་མས་ནི། །
D1.003.0013b03.01དེ་འདྲའི་འཁྲུ་བའི་ནད་ཀྱིས་ཐེབས། །སྔོན་གྱི་ཚེ་རབས་གཞན་རྣམས་སུ། །ང་ནི་མཐུ་ཅན་གྱད་གྱུར་ཚེ། །སྟོབས་དག་འགྱེད་པར་བྱེད་པ་ན། །ངས་ནི་གྱད་ཀྱི་བུ་ཞིག་བསད། །ལས་ཀྱི་རྣམ་པར་སྨིན་པ་དེས། །སྡུག་བསྔལ་མང་པོ་ཉམས་སུ་མྱོང་། །དེ་ནས་
D1.003.0013b04.01ལས་ཀྱི་ལྷག་མས་ནི། །འདི་ན་ང་ཡི་རྒྱབ་བསྙུང་ངོ་། །སྔོན་ནི་ངན་སྤོང་བུར་གྱུར་པ། །དགའ་སྐྱོང་ལ་ནི་སྨྲས་པ་ནི། །མགོ་རེག་ངས་མཐོང་ཅི་ཞིག་བྱ། །འདི་ལ་བྱང་ཆུབ་ཡོད་མ་ཡིན། །ངག་གིས་ཉེས་པར་སྤྱོད་པ་དང་། །ལས་ཀྱི་རྣམ་པར་སྨིན་པ་དེས། །
D1.003.0013b05.01འདིར་ཡང་མིར་ནི་འོངས་པ་ན། །ཁྱིམ་མེད་པར་ནི་རབ་བྱུང་ནས། །བྱང་ཆུབ་མཆོག་ནི་འདོད་པའི་ཕྱིར། །ལྟེང་རྒྱས་འགྲམ་དུ་ལོ་དྲུག་ཏུ། །མཆོག་ཏུ་དཀའ་བ་སྤྱད་པ་ངས། །སྡུག་བསྔལ་མང་པོ་ཉམས་སུ་མྱོང་། །སེམས་ཅན་ཀུན་གྱི་རབ་མཆོག་གིས། །
D1.003.0013b06.01ཆོས་ཀྱི་དམ་པ་ཐུགས་ཆུད་ནས། །སྡིག་པའི་ལས་ནི་གང་མཛད་པ། །ཚོགས་ཀྱི་མཆོག་ལ་བཀའ་སྩལ་ཏོ། །ཐམས་ཅད་ཟིལ་གནོན་སྟོབས་བརྙེས་ཀྱིས། །དགེ་སློང་དགེ་འདུན་གུང་བཞུགས་ནས། །མ་དྲོས་པ་ཡི་མཚོ་ཆེན་དུ། །ཉིད་ཀྱི་ཕྲིན་ལས་
D1.003.0013b07.01