完整藏文原文 · 德格版页 当前仅加载第 3 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
མཛོད་ཅིག །དེས་སྨྲས་པ། ཀྱེ་ནང་རྗེ་རེ་ཞིག་དེ་རིང་དོང་རྐོས་ལ་ལྕི་བ་དག་སྟ་གོན་གྱིས་ཤིག་དང་སང་བདག་གིས་ཁྱོད་ཀྱི་དཔྱད་བྱའོ། །འཚོ་བྱེད་ཀྱིས་ཐོས་ནས་དེ་དེའི་ཕྱི་བཞིན་སོང་སྟེ། ཀྱེ་ནང་རྗེ་བདག་གིས་ཅུང་ཟད་བསླབས་པ་གང་ཡིན་པ་དེ་ཐམས་ཅད་ནི་སེམས་ཅན་ལ་ཕན་པའི་
D1.003.0062b01.01ཕྱིར་ཡིན་ན། བདག་གིས་ཀླད་པའི་ཐོད་པ་དབྱེ་བ་མ་བསླབས་ཀྱིས། ཁྱོད་ཀྱིས་བདག་དབེན་པར་ཞོག་ཞིག་དང་། ཁྱེད་ཀྱི་ལས་ཇི་ལྟར་བྱེད་པ་བལྟའོ། །དེས་སྨྲས་པ། དེ་བཞིན་དུ་བགྱིའོ། །དེས་དེ་ཕྱོགས་དབེན་པ་ཞིག་ཏུ་བཞག་གོ། །དེ་ནས་རྒྱུན་ཤེས་ཀྱི་བུ་འོངས་ནས་མི་དེ་དོང་དུ་
D1.003.0062b02.01བཅུག་སྟེ་ཐོད་པ་དབྱེ་བའི་དཔྱད་ཀྱིས་ཐོད་པ་ཕྱེ་ནས་དེ་སྐམ་པས་སྲོག་ཆགས་དེ་བླང་བར་བརྩམས་པ་དང་འཚོ་བྱེད་ཀྱིས་སྨྲས་པ། མཁན་པོ་གཟུ་ལུམས་སུ་མ་བླངས་ཤིག །རིགས་ཀྱི་བུ་འདི་དེང་ཉིད་འགུམ་པར་འགྱུར་རོ། །དེས་སྨྲས་པ། འཚོ་བྱེད་འོངས་སམ། སྨྲས་པ། མཁན་
D1.003.0062b03.01པོ་བདག་མཆིས་སོ། །ཁོ་བོས་སྲོག་ཆགས་འདི་ཇི་ལྟར་བླང་བར་བྱ། མཁན་པོ་སྐམ་པ་ཚ་བར་མཛོད་དེ་རྒྱབ་ཏུ་རེག་ནས་རྐང་ལག་འཁུམས་པར་གྱུར་པ་དང་དེ་ནས་འོར་ཅིག །དེས་དེ་བཞིན་དུ་བྱས་ནས་སོས་པར་གྱུར་ཏོ། །རྒྱུན་ཤེས་ཀྱི་བུས་སྨྲས་པ། འཚོ་བྱེད་ཁོ་བོ་ཤིན་ཏུ་མགུ་བར་གྱུར་
D1.003.0062b04.01གྱིས་ཁྱོད་ཁྲུས་བྱོས་ལ་ཤོག་ཤིག་དང་ཀླད་པའི་ཐོད་པ་འབྱེད་པའི་དཔྱད་སྦྱིན་ནོ། །དེས་ཁྲུས་བྱས་ནས། འོངས་པ་དང་དེས་དེ་ལ་ཀླད་པའི་ཐོད་པ་དབྱེ་བའི་དཔྱད་བྱིན་ནས་སྨྲས་པ། འཚོ་བྱེད་བདག་ཅག་ནི་འདིས་འཚོ་བ་ཡིན་གྱིས། ཡུལ་འདིར་ཁྱོད་ཀྱིས་མ་བྱ་ཞིག །མཁན་པོ་དེ་
D1.003.0062b05.01བཞིན་བགྱིའོ་ཞེས་འཚོ་བྱེད་ཀྱིས་རྒྱུན་ཤེས་ཀྱི་བུ་ལ་ཕྱག་བྱས་ནས་རྒྱལ་པོ་པད་མའི་སྙིང་པོའི་དྲུང་དུ་སོང་སྟེ་ཕྱག་བྱས་ནས། བདག་གིས་སྨན་དཔྱད་བསླབས་ལགས་ཀྱིས་མཆིའོ། །དེའི་ཚེ་རྒྱལ་པོ་པད་མའི་སྙིང་པོ་དང་མི་མཐུན་པ་མཐའ་འཁོབ་པ་སྐྱ་བསེང་ཞེས་བྱ་བ་དག་ཅིག་ཡོད་དེ། དེས་
D1.003.0062b06.01སྨྲས་པ། འཚོ་བྱེད་བདག་དང་མི་མཐུན་པ་མཐའ་འཁོབ་པ་སྐྱ་བསེང་ཞེས་བྱ་བ་དག་ཅིག་ཡོད་ཀྱིས་འདི་ལྟར་ཁྱོད་ནི་ཤེས་རབ་ཅན་ནུས་པ་ཡིན་པས་རེ་ཞིག་དེ་ཕོབ་ལ་ཕྱིས་སོང་ཤིག་དང་། དེ་ལྟ་ན་བདག་ཅག་གིས་འཇིག་རྟེན་གྱི་ཚུལ་བྱས་པར་འགྱུར་རོ། །དེས་དེ་ལ་ཁས་བླངས་པ་དང་དེ་
D1.003.0062b07.01