完整藏文原文 · 德格版页 当前仅加载第 3 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། བྱུང་བ་ཤེས། བཅས་པ་ཤེས། རྗེས་སུ་བཅས་པ་ཤེས། བཀག་པ་ཤེས། རྗེས་སུ་གནང་བ་ཤེས་པ་ཡིན་ནོ།། །།སྡོམ་ནི། བར་ཆད་བར་ཆད་མ་ཡིན་དང་། །གདམས་ངག་དང་ནི་རྗེས་བསྟན་དང་། །སློབ་མའི་མཐུ་ནི་
D1.003.0216b01.01ཡོད་པ་སྟེ། ལྔ་ཚན་དྲུག་པ་དག་ཏུ་བཤད། གཞན་ཡང་གང་ཟག་འདུལ་བ་འཛིན་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། བར་དུ་གཅོད་པ་རྣམས་ཤེས། བར་དུ་གཅོད་པ་མ་ཡིན་པ་རྣམས་ཤེས། འདོམས་པར་བྱེད། རྗེས་སུ་སྟོན་པར་བྱེད། ལྷན་ཅིག་གནས་པ་དང་ཉེ་གནས་
D1.003.0216b02.01རྣམས་གནས་འཆར་འཇུག་ནུས་སོ།། །།སྡོམ་ནི། ལྟུང་བ་དང་ནི་ལྟུང་བ་མིན། །ལྕི་དང་ཡང་དང་དེ་བཞིན་དུ། །སོ་སོར་ཐར་པ་རྒྱས་པར་ཡང་། །གདོན་པ་དག་ནི་ལྔ་ཚན་ཡིན། །གཞན་ཡང་གང་ཟག་འདུལ་བ་འཛིན་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། ལྟུང་བ་བྱུང་བ་ཤེས། ལྟུང་
D1.003.0216b03.01བ་མ་བྱུང་བ་ཤེས། ལྕི་བ་ཤེས། ཡང་བ་ཤེས་ཤིང་། དེ་སོ་སོར་ཐར་པའི་མདོ་གདོན་པ་ལ་རྒྱས་པར་ཞུགས་པ་ཡིན་ནོ། །བཅོམ་ལྡན་འདས་ཀྱིས་འདུལ་བའི་བསྔགས་པ་གསུངས་པ་དང་། དགེ་སློང་གནས་བརྟན་གནས་བརྟན་རྣམས་སྤྲོ་བ་དང་བཅས་པས་འདུལ་བ་གདོན་པར་བརྩམས་
D1.003.0216b04.01སོ། །དེའི་ཚེ་ཚེ་དང་ལྡན་པ་ཉེ་བ་འཁོར་འདུལ་བའི་གླེང་གཞི་དང་བྱུང་བ་ལ་མཁས་པ་རྣམས་ཀྱི་མཆོག་ཏུ་གྱུར་ནས་དགེ་སློང་གནས་བརྟན་གནས་བརྟན་རྣམས་འདུལ་བ་ཀུན་ཆུབ་པར་བྱེད་པར་འགྱུར་རོ་སྙམ་སྟེ། གུས་པས་བསྟན་པར་བརྩམས་པས་དེ་ལུས་སྐྱ་བོ་བསེང་བསེང་
D1.003.0216b05.01པོར་གྱུར་ཞིང་རིང་པ་དང་། ཉམ་ཆུང་བ་དང་། ན་བས་ཉམ་དམས་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་ཀྱི་མི་མཁྱེན་པར་མི་རྨེད། དུས་སུ་རྨེད་ཀྱི་དུས་ལས་ཡོལ་བར་མི་རྨེད།
D1.003.0216b06.01དོན་དང་ལྡན་པ་རྨེད་ཀྱི་དོན་དང་མི་ལྡན་པར་མི་རྨེད་པ་སྟེ། སངས་རྒྱས་བཅོམ་ལྡན་འདས་རྣམས་ནི་དོན་དང་ལྡན་པ་མ་ཡིན་པ་རྨེད་པ་ལ་ཆུ་ལོན་གྱིས་ཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་དོན་དང་ལྡན་པ་རྨེད་པ་ལ་དུས་མཁྱེན་པས་སངས་རྒྱས་
D1.003.0216b07.01