完整藏文原文 · 德格版页 当前仅加载第 3 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
གཞག་པར་འདོད་དམ་ཅི། དགེ་སློང་དོན་ཉུང་བ་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ། དེ་ལྟར་དགེ་སློང་དག་མིན་བཞིན་དུ་གནས་ཁང་སྤང་བ་རང་གིར་བྱེད་པ་ཅིའི་ཐ་ཚིག་ཅེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་
D1.003.0215b01.01དང་། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་སྒྱུ་འདེབས་པའི་ནད་པ་ལ་གཞི་སྤང་བ་སྦྱིན་པར་མི་བྱ་ཞིང་དེས་རང་གིར་ཡང་མི་བྱའོ། །རང་གིར་བྱེད་ན་འགལ་ཚབས་ཅན་དུ་འགྱུར་རོ།། །།ལྔ་ཚན་རྣམས་ཀྱི་བསྡུས་པའི་སྡོམ་ནི།
D1.003.0215b02.01མདུན་དུ་བདར་དང་རང་ཁྲིམས་དང་། །མ་ཆགས་པ་དང་དེ་བཞིན་དུ། །སྣང་བ་སྐྱེས་དང་བྱུང་བ་དང་། །བར་དུ་གཅོད་དང་དེ་བཞིན་དུ། །ཕྱི་མར་བྱས་པ་ལྟུང་བ་སྟེ། །བསྡུས་པའི་སྡོམ་དུ་བསྡུས་པ་ཡིན།། །།བར་སྡོམ་ནི། མདུན་དུ་བྱ་དང་གཞན་དང་ཡང་། །ནང་དང་
D1.003.0215b03.01གཞན་རྣམས་དག་དང་ནི། །སེམས་ཅན་མང་པོ་ཕན་བྱ་བ། །ལྔ་ཚན་དག་ནི་དང་པོ་ཡིན། །བཅོམ་ལྡན་འདས་ཀྱིས་ལྷ་དང་མི་རྣམས་ལ་མདོ་སྡེ་དང་མ་མོ་བཞག་གོ། །ཀླུ་རྣམས་ལ་ནི་མདོ་སྡེའོ། །འདུལ་བ་ནི་ཟབ་པ་ཟབ་པར་སྣང་བ། མཐོང་བར་དཀའ་བ། ཁོང་དུ་ཆུད་
D1.003.0215b04.01པར་དཀའ་བ། དགོངས་པ་མང་བ། འཇིག་རྟེན་གྱི་སྤྱོད་པ་དང་མཐུན་པ་ཡིན་ན། དགེ་སློང་རྣམས་ཀྱིས་འདུལ་བ་ཟབ་པ་ཉིད་དང་། དགོངས་པ་མང་བ་ཉིད་དང་། འཇིག་རྟེན་གྱི་སྤྱོད་པ་དང་མཐུན་པ་ཉིད་ཡིན་པས་འདོན་པར་མི་སྤྲོའོ། །འདི་ནི་ཆོས་ཉིད་ཡིན་ཏེ། སངས་རྒྱས་
D1.003.0215b05.01བཅོམ་ལྡན་འདས་རྣམས་ནི་བསྟན་པའི་ཡན་ལག་གང་ཞིག་ཡོངས་སུ་ཉམས་པ་དེའི་བསྔགས་པ་ལྷག་པར་བརྗོད་པར་མཛད་པ་ཡིན་པས། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་འདུལ་བ་འཛིན་པའི་གང་ཟག་ལ་ཕན་ཡོན་ལྔ་
D1.003.0215b06.01ཡོད་དེ། ལྔ་གང་ཞེ་ན། འཁོར་བཞིས་མདུན་དུ་བདར་བ་ཡིན། གདམས་ངག་དང་རྗེས་སུ་བསྟན་པ་གཞན་ལ་རག་མ་ལས་པ་ཡིན། འདས་པ་དང་མ་འོངས་པ་དང་། ད་ལྟར་བྱུང་བའི་ཡང་དག་པར་རྫོགས་པའི་སངས་རྒྱས་རྣམས་ཀྱི་ནང་གི་མཛོད་བསྲུང་བ་ཡིན། དགེ་
D1.003.0215b07.01