完整藏文原文 · 德格版页 当前仅加载第 3 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
ནོ་སྙམ་མོ། །བདག་ཉིད་ཆེན་པོ་དེ་ཡང་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཞུགས་ཏེ་ཡོངས་སུ་མྱ་ངན་ལས་འདས་སོ། །དེ་ནས་ཁྱིམ་བདག་དེས་མཛའ་བཤེས་དང་། ཉེ་དུ་དང་། གཉེན་དང་། ནང་མི་རྣམས་དང་ལྷན་ཅིག་ཏུ་བཀུར་སྟི་ཆེན་པོར་བྱས་
D1.003.0209a01.01ནས་བསྲེགས་ཏེ། མེ་དེ་འོ་མས་བསད་ནས་རུས་པ་དེ་རྣམས་ཤེལ་ལས་བྱས་པའི་བུམ་པའི་ནང་དུ་རིན་པོ་ཆེ་དང་བསྲེས་ཏེ་བླུགས་པ་དང་རུས་པ་དེ་རྣམས་འོད་དང་ལྡན་ཞིང་སྒྲ་འབྱིན་པར་གྱུར་ཏོ། །དེ་ནས་དེས་དྲུང་དུ་གཏུགས་ནས་སྨོན་ལམ་བཏབ་པ། ཇི་ལྟར་རུས་པ་འདི་རྣམས་རིན་པོ་ཆེ་དང་བསྲེས་ནས་
D1.003.0209a02.01ཤིན་ཏུ་འོད་དང་ལྡན་ཞིང་སྒྲ་འབྱིན་པ་དེ་བཞིན་དུ། དགེ་བའི་རྩ་བ་འདིས་བདག་གི་མིག་གི་འབྲས་བུ་རིན་པོ་ཆེ་ལྟར་བཀྲ་ཞིང་དབྱིག་གི་སྐད་དང་ལྡན་པར་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་གང་ཡིན་པ་དེ་ཁྱིམ་བདག་མགོན་མེད་ཟས་སྦྱིན་འདི་
D1.003.0209a03.01ཉིད་ཡིན་ཏེ། འདིས་རང་སངས་རྒྱས་ལ་བྱ་བ་བྱས་ནས་སྨོན་ལམ་བཏབ་པ་གང་ཡིན་པ་དང་། ཁྱིམ་བདག་རྒྱལ་གྱི་ཚ་བོར་གྱུར་པ་ན་དེས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དབུ་སྐྲ་དང་སེན་མོའི་མཆོད་རྟེན་ལ་ནོར་བུ་འབར་བ་བཏགས་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་
D1.003.0209a04.01མིག་གི་འབྲས་བུ་རིན་པོ་ཆེ་ལྟར་བཀྲ་ཞིང་དབྱིག་གི་སྐད་དང་ལྡན་པར་གྱུར་ཏོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་ནི་གཅིག་ཏུ་དཀར་བ་དང་། འདྲེན་མ་རྣམས་ཀྱི་ནི་འདྲེན་མ་ཡིན་ཏེ། དེ་ལྟ་བས་
D1.003.0209a05.01ན་དགེ་སློང་དག་འདི་ལྟར་བསླབ་པར་བྱ་སྟེ། ལས་གནག་པ་དང་འདྲེན་མ་གང་ཡིན་པ་རྣམས་ནི་སྤངས་ལ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ།། །།བར་སྡོམ་ནི། རྒྱལ་དང་རྒྱས་པ་མཆུ་དང་ནི། །སྲིད་སྦྱིན་དང་ནི་ཕུར་བུ་
D1.003.0209a06.01དང་། །ཆུ་སྟོད་དང་ནི་ཟས་སྦྱིན་དང་། །ཕྱི་མ་པ་ནི་ནོར་{བཟངས་,བཟང་}ཡིན། །དབྱིག་རྣམས་དང་ནི་གསེར་དང་ནི། །གསུམ་པ་ནོར་བུ་མུ་ཏིག་ཡིན། །བ་དང་ནས་དང་གོས་དང་ནི། །བྱེ་བ་དབྱིག་གིས་བསྡུས་པ་ཡིན། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་བྱེ་བའི་གཤིབ་པས་གཤིབས་ནས་གཞོན་ནུ་རྒྱལ་བྱེད་ལས་
D1.003.0209a07.01