完整藏文原文 · 德格版页 当前仅加载第 3 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་གནས་ཏེ། དེའི་སྐྱེད་མོས་ཚལ་ན་ཨ་མྲའི་ཚལ་ཡོད་པ་ལས་དེར་གློ་བུར་དུ་ཆུ་ཤིང་གི་སྡོང་པོ་ཞིག་སྐྱེས་པ་ཀུན་དགའི་ར་བ་སྲུང་བས་མཐོང་ངོ་། །དེ་མ་ཐག་ཁོ་ནར་མེ་ཏོག་ཆགས་པ་དང་། དེ་ངོ་མཚར་སྐྱེས་ནས་མིང་ཆེན་ལ་སྨྲས་པ་དང་། དེས་ལྟས་མཁན་རྣམས་བཀུག་
D1.003.0056a01.01ནས་དྲིས་པ་དང་དེ་རྣམས་ཀྱིས་སྨྲས་པ། ལྷ་དེ་སྲུང་དུ་གསོལ་ཅིག་དང་དགུང་བདུན་གྱི་ཉིན་པར་གས་པར་འགྱུར་ཏེ། དེའི་ནང་ནས་བུ་མོ་ཞིག་འབྱུང་བར་འགྱུར་རོ། །ཁྱིམ་བདག་མིང་ཆེན་གྱིས་ཐོས་ནས་ལྷག་པར་ཡང་ངོ་མཚར་སྐྱེས་པར་གྱུར་ཏེ། སྐྱེད་མོས་ཚལ་དེར་ཀུན་ནས་སྲུང་མའི་མི་
D1.003.0056a02.01རྣམས་བཀོད་ནས་ཉི་མ་བགྲང་བ་ལ་ཞུགས་སོ། །ཇི་ཙམ་ན་ཞག་བདུན་ལོན་པ་དང་སྐྱེད་མོས་ཚལ་དེ་རྡོ་བ་དང་། གསེག་མ་དང་། གྱོ་མོ་རྣམས་བསལ་ནས་ཙན་དན་གྱི་ཆུས་ཆག་ཆག་བཏབ། ཤིན་ཏུ་དྲི་ཞིམ་པོའི་པོག་པོར་དག་བཤམས། དར་གྱི་ཆུན་འཕྱང་མང་པོ་བྲེས། མེ་ཏོག་སིལ་
D1.003.0056a03.01མས་བཀྲམ། གླུ་དང་རོལ་མོའི་སྒྲ་རྣམ་པ་དུ་མ་དག་དང་། མཛའ་བོ་དང་། གཉེན་བཤེས་ཀྱི་སྐྱེ་བོས་ཡོངས་སུ་བསྐོར་ནས་དཔལ་གྱི་འབྱོར་པ་ཆེན་པོས་ཆུང་མ་དང་ལྷན་ཅིག་བྱུང་ནས་སྐྱེད་མོས་ཚལ་དེ་ན་དེ་རྩེ་བར་བྱེད། དགའ་བར་བྱེད་དགའ་མགུར་སྤྱོད་པར་བྱེད་པ་ལས་ཆུ་ཤིང་གི་སྡོང་པོ་གས་
D1.003.0056a04.01ནས་བུ་མོ་གཟུགས་བཟང་བ། མཛེས་པ་བལྟ་ན་སྡུག་པ་ཡན་ལག་ཐམས་ཅད་དང་ལྡན་པ་ཞིག་བྱུང་ངོ་། །དེ་ནས་མིང་ཆེན་གྱིས་ཆུང་མ་དམ་པ་ལ་གཏད་པ་དང་། དེས་སྨྲས་པ། ལྷ་འདིའི་མིང་གདགས་སུ་གསོལ། མིང་ཆེན་གྱིས་སྨྲས་པ། བུ་མོ་འདི་ནི་ཨ་མྲའི་ཚལ་ནས་རྙེད་པ་
D1.003.0056a05.01ཡིན་པས་འདིའི་མིང་ཨ་མྲ་སྐྱོང་མ་ཞེས་བྱའོ། །ཇི་ཙམ་ན་ཁྱིམ་བདག་མིང་ཆེན་སྐྱེད་མོས་ཚལ་ནས་རང་གི་ཁྱིམ་དུ་སོང་སྟེ་བུ་མོ་ཨ་མྲ་སྐྱོང་མ་བསྐྱེད་བསྲིངས་ཏེ་ཞེས་བྱ་བ་ནས་ཆེན་མོར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །དེ་སློང་བའི་ཕྱིར་ཡུལ་ཀྲུང་ཀྲུང་པ་རྣམས་དང་། ཤཱཀྱ་
D1.003.0056a06.01རྣམས་དང་། གཞན་ཡང་ཡུལ་སྣ་ཚོགས་ན་གནས་པའི་རྒྱལ་པོའི་བུ་དང་། བློན་པོའི་བུ་དང་། ཚོང་པ་དང་། ཚོང་དཔོན་དང་། དེད་དཔོན་དུ་མ་དག་འོངས་པ་དང་། ཁྱིམ་བདག་མིང་ཆེན་གྱིས་བསམས་པ་གང་ཁོ་ན་ལ་མ་བྱིན་པ་དེ་དག་ཁོ་ན་སྡང་བར་འགྱུར་ན་འོན་ཀྱང་ཚོགས་ཀྱིས་ཁྲིམས་
D1.003.0056a07.01