完整藏文原文 · 德格版页 当前仅加载第 3 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོ། །དེ་རྒྱན་གཞན་དག་གིས་བརྒྱན་ན་དེ་ཡང་བྱིན་ནོ། །དེ་ཡང་བརྒྱན་ན་དེ་ཡང་དེས་བྱིན་ནས་ཁྱིམ་བདག་དེས་ཆུང་མ་ལ་སྨྲས་པ། བཟང་མོ་བདག་ཅག་གི་བུ་ནི་བཟང་པོ་ཞིག་བཙས་ཏེ་རྟག་ཏུ་སྦྱིན་པ་ལ་མངོན་པར་དགའོ། །དེས་སྨྲས་པ། རྗེའི་སྲས་གལ་ཏེ་དེ་ལྟ་ན་
D1.003.0194a01.01སླན་ཆད་རྒྱན་དེ་ལྟ་བུ་ནི་མི་བགྱིད་དོ། །དེས་སྨྲས་པ། བཟང་མོ་བདག་ཅག་ལ་གསེར་དང་རིན་པོ་ཆེ་ཚད་མེད་པ་ཡོད་མོད་ཀྱི། རྒྱན་བརྡུང་བ་མེད་པས་འདི་མདོར་ན་ཕྱི་རོལ་དུ་གཏང་བར་མི་བྱའོ་ཞེས་དེ་ནང་ཁོ་ན་ན་རྩེན་དུ་འཇུག་གོ། །ཇི་ཙམ་ན་དུས་གཞན་ཞིག་ན་ཁྱིམ་བདག་སྦྱིན་པ་གླ་མིའི་སྐྱེ་བོས་ཡོངས་
D1.003.0194a02.01སུ་བསྐོར་ནས་འབབ་ཆུ་ཨ་ཛིར་བ་ཏིལ་ཁྲུས་བྱེད་དུ་ཆས་པ་དང་ཁྱེའུ་བཟང་བྱིན་གྱིས་སྨྲས་པ། ཡབ་བདག་ཀྱང་མཆིའོ། །དེས་དེ་ལ་བྲིད་པར་བརྩམས་ཏེ་བུ་འདི་ཉིད་ན་ཆུ་བཟང་པོ་ཡོད་དོ། །འབབ་ཆུ་ནི་ཆུ་སྲིན་འཛིན་ཁྲིས་གང་བ་ཡིན་པས་ཁྱོད་འདིར་མ་མས་ཁྲུས་བྱོས་ཤིག །དེས་
D1.003.0194a03.01དུས་སོ། །དེའི་མས་སྨྲས་པ། རྗེའི་སྲས་ཁྱེའུ་འདི་ཅིའི་སླད་དུ་དུ། དེས་ཇི་ལྟར་གྱུར་པ་རྣམས་སྨྲས་པ་དང་། དེས་སྨྲས་པ། རྗེའི་སྲས་ཁྱོད་ཀྱིས་ལྷག་པར་བསྲུངས་པར་གྱུར་ན་ལྷན་ཅིག་བཞུད་པ་ལ་ནོངས་པ་ཅི་མཆིས། དེས་དེ་ཁྲིད་དེ་འབབ་ཆུའི་ངོགས་སུ་སོང་ནས་ཁྲུས་བྱས་ཏེ་ཆུ་འགྲམ་
D1.003.0194a04.01དུ་བཞག་གོ། །དེས་སྨྲས་པ། ཡབ་ཅིའི་སླད་དུ་བདག་བསྲུང་བར་མཛད། བུ་ཁྱོད་ལ་ཉེས་པ་ཡོད་དོ། །ཡབ་བདག་ལ་ནོངས་པ་ཅི་འདྲ་བ་ཞིག་མཆིས། རྒྱན་བྱིན་ཞིང་བྱིན་པ་དག་སློང་བ་རྣམས་ལ་བྱིན་པས་སོ། །ཡབ་ཅི་ནོར་དོན་དུ་གཉེར་བ་ལགས་སམ། བུ་སུ་ཞིག་དོན་དུ་མི་གཉེར། ཡབ་གལ་ཏེ་
D1.003.0194a05.01དེ་ལྟ་ན་བདག་ཅག་ཆབ་ཏུ་འཇུག་ཏུ་སྩོལ་ཅིག །དེས་དེ་ཆུར་བཅུག་པ་དང་། དེ་ནས་དེའི་ལག་པ་གཉིས་ཆུ་ནང་དུ་བཅུག་ནས། ལྕགས་ཀྱི་བུམ་པ་གསེར་གྱིས་གང་བ་ཞིག་ཕྱུང་ནས་སྨྲས་པ། ཡབ་འདི་ལས་ཁྱོད་ཇི་ཙམ་བཞེད་པའི་ནོར་གྱིས་ནོར་གྱི་བྱ་བ་མཛོད་ལ་ལྷག་མ་འདི་ཉིད་དུ་ཆུག་ཅིག །བུ་ཁྱོད་ཀྱིས་
D1.003.0194a06.01ཅི་ཆུ་ནང་ན་ཡོད་པའི་གཏེར་མཐོང་ངམ། ཡབ་ཆུ་ན་མཆིས་པ་འབའ་ཞིག་ཏུ་མ་བས་ཀྱི། ཐང་ལ་མཆིས་པ་དང་། བདག་པོ་མཆིས་པ་དང་། བདག་པོ་མ་མཆིས་པ་དང་། གང་དག་རིང་པོ་ན་མཆིས་པ་དང་། གང་དག་ཉེ་བ་མ་མཆིས་པ་ཡང་མཐོང་ངོ་། །ཁྱིམ་བདག་སྦྱིན་པ་ངོ་མཚར་
D1.003.0194a07.01