完整藏文原文 · 德格版页 当前仅加载第 3 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག །ལོ་བཅུ་གཉིས་སུ་བཅུད་ཐམས་ཅད་བསོགས་ན་འདིའི་ཡང་ཤང་ཤང་ཏེའུའི་ཤམ་རྙེད་དོ། །སྨན་པ་རྣམས་ཀྱིས་བྱ་བ་རྣམས་ལ་བསྒོ་བ། ཤེས་ལྡན་དག་མེ་ལོང་དང་བྱ་གག་ཁྱེར་ཏེ་རྒྱ་མཚོའི་འགྲམ་དུ་དེང་ལ་དེར་རྙི་ཚུགས་ཏེ་བྱ་གག་གི་མདུན་དུ་མེ་ལོང་
D1.003.0109a01.01ཞོག་ཅིག་དང་། བྱ་གག་རང་གི་གཟུགས་བརྙན་མཐོང་ནས་འདི་བྱ་གག་ཡིན་ནོ་སྙམ་སྟེ། སྐད་ཕྱུང་བ་དང་། ཤང་ཤང་ཏེའུ་ཡིས་བྱ་གག་གི་སྐད་ཐོས་ནས་ངོ་མཚར་ཆེ་བས་བྱ་གག་གི་དྲུང་དུ་འོང་བར་འགྱུར་ཏེ། དེ་བཟུང་བའི་ཐབས་ནི་འདི་ཡིན་ནོ། །དེ་རྣམས་ཀྱིས་དེ་བཞིན་དུ་བྱས་
D1.003.0109a02.01པ་ལས་ཇི་ཙམ་ན་ལས་ཀྱི་ཞགས་པས་ཟིན་པའི་སྲོག་ཆགས་ཤང་ཤང་ཏེའུ་ཐོགས་ནས་དེ་རྣམས་ཀྱིས་དེ་ཁྱེར་ཏེ་དོང་ངོ་། །འདི་ནི་ཆོས་ཉིད་ཡིན་ཏེ། འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་དུད་འགྲོ་རྣམས་ཀྱང་སྨྲ་ཤེས་པས་སྲོག་ཆགས་ཤང་ཤང་ཏེའུ་ཡིས་སྨྲས་པ། བདག་
D1.003.0109a03.01གར་བཀྲི། དེ་རྣམས་ཀྱིས་ཇི་ལྟར་གྱུར་པ་སྨྲས་པ་དང་། དེས་སྨྲས་པ། ཐོང་ཤིག །ཐོང་ཤིག །ཤའི་མཐུ་ཡོད་པར་བྱེད་པ་ཞེས་བྱ་བའི་སྨན་དང་རིན་པོ་ཆེ་རྣམས་སྨྲའོ། །དེ་རྣམས་ཀྱིས་སྨྲས་པ། རེ་ཞིག་ཁྱོད་ཀྱིས་སྨན་དེ་དག་ཅི་འདྲ་བ་བལྟས་སྟོན་ཅིག །དེས་སྨྲས་པ།
D1.003.0109a04.01བདག་གི་ཁྲུས་བྱས་པའི་ཆུ་ནི་ཤའི་མཐུ་ཡོད་པ་ཡིན་གྱིས་དེ་ཁྱེར་ལ་དེངས་ཤིག་རིན་པོ་ཆེ་འདི་དག་ཡིན་ནོ། །དེ་དག་རྒྱལ་པོས་འཇིགས་པས་རིན་པོ་ཆེ་རྣམས་བོར་ཏེ་ཤང་ཤང་ཏེའུ་དེ་ཉིད་ཁྱེར་ཏེ་དོང་བ་ལས་རིམ་གྱིས་ཡུལ་ཤི་བིའི་དབྱངས་ཀྱི་རྒྱལ་པོའི་ཕོ་བྲང་དུ་ཕྱིན་ནས་དེ་རྣམས་ཀྱིས་སྲོག་
D1.003.0109a05.01ཆགས་ཤང་ཤང་ཏེའུ་རྒྱལ་པོ་ལ་ཕུལ་ཏེ། དེས་བསྟན་པའི་སྨན་གང་ཡིན་པ་དེ་ཡང་སྨྲས་སོ། །དེ་ནས་རྒྱལ་པོས་ཤང་ཤང་ཏེའུ་ལ་དྲིས་པ་དང་སྨྲས་པ། ལྷ་བདག་བཀྲུས་པའི་ཆབ་ཤ་སྟོབས་ཅན་དུ་བགྱིད་པ་ལགས་སོ། །རྒྱལ་པོས་ཆུ་སྣོད་བདུན་ཆུ་བཟང་པོས་བཀང་བར་
D1.003.0109a06.01བཞག་གོ། །ཇི་ཙམ་ན་དེ་དེ་དག་ཏུ་ཇི་སྲིད་ལེགས་པར་ངལ་སོས་པས་དེ་སྲིད་དུ་ཁྲུས་བྱས་ནས། དེ་ནས་ལུས་ཀྱི་སྟོབས་ཤེས་པ་དང་མོད་ལ་འཕུར་ཏེ་ཁང་པའི་སྟེང་དུ་འདུག་ནས་འཇིགས་པ་དང་བག་ཚ་བ་དང་བྲལ་ནས་ཚིགས་སུ་བཅད་པས་སྨྲས་པ། རེ་ཞིག་ཐོག་མ་བདག་བླུན་ཏེ། །
D1.003.0109a07.01