完整藏文原文 · 德格版页 当前仅加载第 3 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱེད་མ་ཞེས་བྱ་བ་དང་། དེ་ལྷན་ཅིག་ཆོས་མཉན་པའི་ཕྱིར་འོངས་པས་དེས་དེ་ལ་བོས་ཏེ་སྨྲས་པ། བསྐྱེད་མ་སོང་ལ་རྒྱན་འདི་དག་ཁྱིམ་དུ་ཞོག་ལ་ཤོག་ཤིག །དེ་རིངས་པར་སོང་ནས་དེས་ཁྱིམ་དུ་བཞག་སྟེ་སླར་འོངས་སོ། །དེ་ནས་
D1.003.0224a01.01སྐྱེ་དགུའི་བདག་མོ་ཆེན་མོ་གཽ་ཏ་མཱི་འཁོར་ལྔ་བརྒྱ་དང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་སྟེ། བཅོམ་ལྡན་འདས་ཀྱིས་ཀྱང་ཆོས་བཤད་པ་མཛད་དོ། །ཆོས་བཤད་པ་དེ་མཛད་པ་དེའི་ཚེ་ཇི་
D1.003.0224a02.01ཙམ་ན་ཤཱཀྱའི་བུ་མོ་ཞིག་མགུལ་པ་ན་མུ་ཏིག་གི་དོ་ཤལ་བཏགས་པ་ལ་མྱུར་བ་མྱུར་བར་ལྟ་ཞིང་ལག་པས་ནོམ་པར་བྱེད་དོ། །དེ་ནས་བཅོམ་ལྡན་འདས་ཀྱིས་མི་རྟག་པ་དང་ལྡན་པའི་ཆོས་བཤད་པར་བརྩམས་སོ། །འོན་ཀྱང་དེ་ཆོས་ལ་མི་གཏོད་ཀྱི་
D1.003.0224a03.01མུ་ཏིག་གི་དོ་ཤལ་ཁོ་ན་ལ་རྟོག་པར་བྱེད་དོ། །མིང་ཆེན་གྱི་ཆུང་མ་དམ་པས་ཤཱཀྱའི་བུ་མོ་མགུལ་པ་ན་མུ་ཏིག་གི་དོ་ཤལ་བཏགས་པ་ལ་མྱུར་བ་མྱུར་བར་རྟོག་པར་བྱེད་པ་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། ཉོན་མོངས་འདི་འདུ་བྱེད་རྣམས་འདི་ལྟར་
D1.003.0224a04.01མི་རྟག་པར་བཤད་ན་མུ་ཏིག་གི་དོ་ཤལ་འདི་ལ་ལྷག་པར་ཆགས་ཏེ་མྱུར་བ་མྱུར་བར་བརྟག་ཏུ་ཅི་ཡོད། གལ་ཏེ་བདག་གི་མུ་ཏིག་གི་ཕྲེང་བ་མཐོང་ན་འདིའི་རྒྱགས་པ་ཐམས་ཅད་དང་བྲལ་བར་འགྱུར་རོ་སྙམ་དུ་བསམས་ནས་མངག་གཞུག་མའི་བུ་མོ་བསྐྱེད་མ་ལ་སྨྲས་པ། བསྐྱེད་མ་སོང་
D1.003.0224a05.01ལ་ཁོ་མོའི་མུ་ཏིག་གི་དོ་ཤལ་མྱུར་དུ་ཁྱེར་ཏེ་ཤོག་ཤིག །དེ་ཆོས་ཉན་པ་དེ་ལ་སེམས་བསྡུས་པས་དེ་འདི་སྙམ་དུ་སེམས་ཏེ། ཀྱི་ཧུད་འདི་འདྲ་བའི་ཆོས་འཆད་ན་བདག་ཇོ་མོས་མངགས་པས་ཆོས་ཀྱི་བར་ཆད་བྱུང་བར་གྱུར་ཏེ། མདོར་ན་བྲན་གྱི་རང་བཞིན་དུ་གྱུར་པ་ནི་རེ་སྡུག་སྙམ་
D1.003.0224a06.01དུ་བསམས་ནས་སྡུག་བསྔལ་དང་ཡིད་མི་བདེ་བས་གདུངས་པས་ཚིགས་སུ་བཅད་པས་སྨྲས་པ། གང་ཡང་སྡིག་པས་དེ་རིང་རྒྱལ་ཞལ་བལྟ་བ་དང་། །བདེ་གཤེགས་ཞལ་ནས་དྲི་མེད་ཆོས་མཉན་མི་འཐོབ་པ། །བྲན་དངོས་གཞན་དབང་སྡུག་བསྔལ་མང་པོ་ཐ་ཆད་དེ། །
D1.003.0224a07.01