完整藏文原文 · 德格版页 当前仅加载第 3 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དབྱར་ཐུང་ངུ་དང་། དབྱར་རིང་པོའོ། །དེ་ལ་ཟླ་བ་བཞི་ནི་དགུན་ནོ། །ཟླ་བ་བཞི་ནི་སོས་ཀ་ཡིན་ནོ། །ཟླ་བ་གཅིག་ནི་དབྱར་ཡིན་ནོ། །ཉིན་ཞག་གཅིག་ནི་དབྱར་ཐུང་ངུ་ཡིན་ནོ། །ཟླ་བ་གསུམ་དུ་ཞག་གཅིག་གིས་མ་ཚང་བ་ནི་དབྱར་རིང་པོ་ཡིན་ཏེ། དེ་ལྟར་དུས་ཚིགས་
D1.003.0188b01.01དེ་བརྗོད་ནས་སྔར་བསྙེན་པར་རྫོགས་པ་གང་ཡིན་པ་དེ་ལ་ཕྱག་བྱའོ། །དགེ་སློང་དག་གཞན་ཡང་ཕྱག་བྱ་བ་ནི་བཞི་སྟེ། བཞི་གང་ཞེ་ན། རེ་ཞིག་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེ་དང་བཅས་པའི་སྐྱེ་དགུ་དང་།
D1.003.0188b02.01ལྷ་དང་མིར་བཅས་པས་ཕྱག་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། ཁྱིམ་པ་ཐམས་ཅད་ཀྱིས་ཕྱག་བྱ་བ་རབ་ཏུ་བྱུང་བ་དང་། བསྙེན་པར་རྫོགས་པ་ཐམས་ཅད་ཀྱིས་ཕྱག་བྱ་བ་ནི་སྔར་བསྙེན་པར་རྫོགས་པ་ཡིན་ནོ། །དགེ་སློང་མ་མ་གཏོགས་ཏེ།
D1.003.0188b03.01དེ་ནི་བསྙེན་པར་རྫོགས་ནས་ལོ་བརྒྱ་ལོན་ཀྱང་དེ་རིང་བསྙེན་པར་རྫོགས་པའི་དགེ་སློང་ལ་ཕྱག་བྱ་བ་ཡིན་ནོ། །བསྙེན་པར་མ་རྫོགས་པ་ཐམས་ཅད་ཀྱིས་ཕྱག་བྱ་བ་བསྙེན་པར་རྫོགས་པའོ། །ཕྱག་མི་བྱ་བ་བཅུ་སྟེ། བཅུ་གང་ཞེ་ན། སྤོ་བ་དང་། གཞི་ནས་སྤོ་བ་དང་། སྤོ་བ་སྤྱད་པ་དང་།
D1.003.0188b04.01མགུ་བར་བྱ་བ་སྤྱོད་པ་དང་། མགུ་བར་བྱ་བ་སྤྱད་པ་དང་། མ་མཐོང་བས་གནས་ནས་ཕྱུང་བ་དང་། ཕྱིར་མི་བྱེད་པས་གནས་ནས་ཕྱུང་བ་དང་། སྡིག་པའི་ལྟ་བར་སོང་བ་མི་འདོར་བ་གནས་ནས་ཕྱུང་བ་དང་། ཁྱིམ་པ་ཐམས་ཅད་དང་། བསྙེན་པར་རྫོགས་པ་མ་ཡིན་པ་ཐམས་ཅད་
D1.003.0188b05.01དོ། །གང་གི་ཚེ་བཅོམ་ལྡན་འདས་ཀྱིས་ཇི་ལྟར་རྒན་པའི་བཅའ་བ་མཛད་པ་དེའི་ཚེ་དགེ་སློང་རྣམས་གཅིག་ལ་གཅིག་བསྙེན་བཀུར་བྱེད། བླ་མར་བྱེད། རྗེད་པར་བྱེད། མཆོད་པར་བྱེད་དོ། །དེ་རྣམས་གཅིག་ལ་གཅིག་བསྙེན་བཀུར་བྱེད། བླ་མར་བྱེད། རྗེད་པར་བྱེད། མཆོད་
D1.003.0188b06.01པར་བྱེད་པ་ན་ཆུའི་ནང་གི་ཨུཏྤ་ལ་ཇི་ལྟ་བ་བཞིན་དུ་དགེ་བའི་ཆོས་ཀྱིས་འཕེལ་བར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གང་གི་ཚེ་ཇི་ལྟར་རྒན་པའི་བཅའ་བ་མཛད་པ་དེའི་ཚེ་དགེ་སློང་གཅིག་ལ་
D1.003.0188b07.01