完整藏文原文 · 德格版页 当前仅加载第 3 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེང་གི་ནམ་མཁའ་ལས་གཤེགས་ནས་ལུས་འཕགས་ཀྱི་རི་བོ་ལ་བཞུགས་སོ། །དེའི་ཚེ་མ་ག་དྷཱའི་མི་རྣམས་ཀྱི་ཞིང་མཉམ་ཞིང་ཉེ་འཁོར་མཉམ་པ་རྣང་གི་ཁྱད་པར་སྣ་ཚོགས་དག་རྣང་སྒལ་གྱིས་འབྲེལ་ཅིང་མཛེས་པ་དག་གཟིགས་ནས་ཚེ་དང་ལྡན་པ་ཀུན་དགའ་
D1.003.0071a01.01བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་ཞིང་མཉམ་ཞིང་ཉེ་འཁོར་མཉམ་ལ་རྣང་གི་ཁྱད་པར་སྣ་ཚོགས་པ་དག་རྣང་སྒལ་གྱིས་འབྲེལ་བར་མཛེས་པ་དེ་དག་མཐོང་ངམ། བཙུན་པ་མཐོང་ལགས་སོ། །ཀུན་དགའ་བོ་དེ་ལྟ་བས་ན་དགེ་སློང་རྣམས་ཀྱིས་འདི་ལྟ་བུར་ཆོས་གོས་
D1.003.0071a02.01དག་དྲས་ཏེ་དྲུབ་པར་བྱའོ། །གནས་བརྟན་ཀུན་དགའ་བོས་དགེ་སློང་རྣམས་ལ་སྨྲས་པ། ཁྱེད་ཀྱིས་འདི་ལྟ་བུར་ཆོས་གོས་རྣམས་དྲོས་ལ་དྲུབས་ཤིག །དགེ་སློང་རྣམས་ཀྱིས་ཆོས་གོས་དག་དྲས་ཏེ་དྲུབ་པར་བརྩམས་པ་ན་སྣམ་བུ་རྣམས་ཁ་ཕྱོགས་གཅིག་ཏུ་བསྟན་པས་མི་མཛེས་ནས་ཚེ་
D1.003.0071a03.01དང་ལྡན་པ་ཀུན་དགའ་བོས་བསམས་པ། བཅོམ་ལྡན་འདས་ཀྱིས་བཀའ་མ་སྩལ་མོད་ཀྱི། འདི་ཁོ་ནས་རྐྱེན་བྱས་ནས་གནང་བར་འགྱུར་བའི་གནས་དེ་ཡོད་དོ་སྙམ་ནས་དེས་སྣམ་བུ་རྣམས་ཁ་ཕྱོགས་གཉིས་ཀར་བསྟན་ན་འོན་ཀྱང་མཐའ་སྐོར་མེད་པས་མཛེས་པར་མ་གྱུར་ནས་མཐའ་
D1.003.0071a04.01སྐོར་བྱས་སོ། །དེ་ནས་བྱས་ཤིང་ཟིན་པ་དང་བཅོམ་ལྡན་འདས་ལ་ཕུལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ལེགས་སོ་ལེགས་སོ། །ངས་གང་གི་ཕྱིར་བཀའ་སྩལ་པ། དེ་ཁྱོད་ཀྱིས་ཤེས་ཏེ། དེ་ལྟ་བས་ན་དགེ་སློང་རྣམས་ཀྱིས་འདི་ལྟ་བུར་ཆོས་གོས་
D1.003.0071a05.01རྣམས་དྲས་ལ་དྲུབ་པར་བྱའོ། །དགེ་སློང་རྣམས་ཀྱིས་ཆོས་གོས་དྲས་ཤིང་དྲུབས་པ་རེ་རེ་བཅངས་ནས་ལྷག་མ་ནི་མ་དྲས་སོ། །དེ་ནས་བཅོམ་ལྡན་འདས་ཡུལ་མ་ག་དྷཱའི་ལྗོངས་རྒྱུ་ཞིང་གཤེགས་ཏེ། འབྲོག་གནས་སུ་བྱོན་ནས་འབྲོག་གནས་ན་འབྲོག་གནས་ཀྱི་ཚལ་ན་བཞུགས་སོ། །
D1.003.0071a06.01འབྲོག་གནས་འབབ་ཆུ་དང་ཉེ་བར་གྲང་ཞིང་རླུང་ལྡང་བར་གྱུར་ནས། བཅོམ་ལྡན་འདས་ཀྱིས་ཐུན་དང་པོ་ལ་མཐང་གོས་གསོལ་ཏོ། །ཐུན་པར་པ་ལ་བླ་གོས་གསོལ་ཏོ། །ཐུན་ཐ་མ་ལ་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ང་ལ་སྣམ་སྦྱར་གྱིས་གཡོགས་ཤིག །
D1.003.0071a07.01