完整藏文原文 · 德格版页 当前仅加载第 3 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་བསམས་པ། འདི་ནི་དགེ་སློང་གནས་བརྟན་ཞིག་ཡིན་ཏེ་འོང་གིས་བསུར་འགྲོའོ་ཞེས་དེས་བསུ་ནས་གནས་བརྟན་བྱོན་པ་ལེགས་སོ། །བྱོན་པ་ལེགས་སོ། །དེས་སྨྲས་པ། སློབ་དཔོན་ཕྱག་འཚལ་ལོ། །དེས་བསམས་པ། ཀྱེ་མ་འདི་ནི་རྒན་ཞུགས་ཤིག་ཡིན་ཏེ། སློབ་དཔོན་
D1.003.0135a01.01ཡང་མི་ཤེས་མཁན་པོ་ཡང་མི་ཤེས་སོ་སྙམ་ནས་རྒན་ཞུགས་ཇི་སྲིད་ཅིག་ནས་འོངས། གནས་པའི་གྲོང་ཁྱེར་ནས་སོ། །ཅི་དེ་ན་གཙུག་ལག་ཁང་ཡོད་དམ། གཙུག་ལག་ཁང་ཡོད་དོ། །དེ་ཅི་གཙུག་ལག་ཁང་ཡིན་ནམ་འོན་ཏེ་ཕོངས་པ་ཞིག་ཡིན། གཙུག་ལག་ཁང་ནི་ཇི་ལྟ་བུ། ཕོངས་
D1.003.0135a02.01པ་ནི་ཇི་ལྟ་བུ། གང་ན་ཡོ་བྱད་ཐམས་ཅད་ཕུན་སུམ་ཚོགས་པ་དེ་ནི་གཙུག་ལག་ཁང་ཡིན་ནོ། །གང་ན་ཡོ་བྱད་མེད་པ་དེ་ནི་ཕོངས་པ་ཡིན་ནོ། །གལ་ཏེ་དེ་ལྟ་ན་དེ་ནི་གཙུག་ལག་ཁང་ཡིན་ཏེ། དེ་ན་དགེ་སློང་སྡེ་འཇོམས་ཞེས་བྱ་བ་ཞིག་གནས་སོ། །དེ་ལ་བརྟེན་ནས་གནས་པའི་གྲོང་ཁྱེར་གྱི་
D1.003.0135a03.01བྲམ་ཟེ་དང་ཁྱིམ་བདག་རྣམས་སངས་རྒྱས་དང་། ཆོས་དང་། དགེ་འདུན་ལ་བྱ་བ་བྱེད་དེ། དགེ་སློང་གློ་བུར་བ་གང་དག་དེར་ལྷགས་པ་དེ་རྣམས་དེས་ངལ་སོར་བཅུག་སྟེ། ཡོ་བྱད་ཐམས་ཅད་ཀྱིས་བསྟབས་ནས་ལམ་གྱིས་དུབ་པ་ངལ་སོས་པ་དང་དགེ་སློང་རྣམས་ལ་བསོད་སྙོམས་སྦྱོར་བའི་
D1.003.0135a04.01ཁྱིམ་གང་ཡིན་པ་དེ་རྣམས་སུ་ཟས་ལ་གཏོང་བར་བྱེད་དོ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི་ཉིན་པར་ཅུང་ཟད་ཅི་ཐོས་པ་དེ་དག་དགོངས་ཀ་འདུས་ནས་ཕན་ཚུན་དུ་སྨྲ་བར་བྱེད་པ་ཡིན་པས་དགའ་བོ་ཉེ་དགའ་བདག་ཅག་གིས་ཇི་སྲིད་དུ་སྡུག་བསྔལ་ཕོག་སྙ་བྱ། ཁྱེད་ལས་འགའ་ཞིག་གིས་གདན་
D1.003.0135a05.01རྒྱ་ཆེ་བ་སྣང་བ་ཡོད་པ་ལྟ་ཅུང་ཟད་ཅི་ཐོས། ཉེ་{དགའས་,དགས་}སྨྲས་པ། ཡུལ་ཀ་ཤིའི་གནས་པའི་གྲོང་ཁྱེར་ན་དགེ་སློང་སྡེ་འཇོམས་ཞེས་བྱ་བ་གནས་ཏེ། དེ་ལ་བརྟེན་ནས་གནས་པའི་གྲོང་ཁྱེར་གྱི་བྲམ་ཟེ་དང་ཁྱིམ་བདག་རྣམས་ཞེས་བྱ་བ་ནས། ཟས་ལ་གཏོང་བར་བྱེད་དོ་ཞེས་བྱ་བའི་བར་གོང་མ་
D1.003.0135a06.01བཞིན་དུའོ། །གལ་ཏེ་འདོད་ན་དེར་འདོང་ངོ་ཞེས་དེ་རྣམས་ལྷུང་བཟེད་དང་ཆོས་གོས་བླངས་ནས་གནས་པའི་གྲོང་ཁྱེར་གང་ན་བ་དེར་རྒྱུ་ཞིང་དོང་སྟེ། རིམ་གྱིས་རྒྱུ་ཞིང་དོང་བ་ལས་གནས་པའི་གྲོང་ཁྱེར་དུ་ཕྱིན་པ་དང་། དེ་རྣམས་རྒྱང་རིང་པོ་ཁོ་ན་ནས་སྡེ་འཇོམས་ཀྱིས་མཐོང་ནས་དེས་བསམས་
D1.003.0135a07.01