完整藏文原文 · 德格版页 当前仅加载第 3 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བཀའ་སྩལ་ཏོ། །ཁ་ལོ་སྒྱུར་བ་མི་རྒས་འཁོགས་གཏུགས་པ། སྒུར་པོ་ཕྱམ་དགུ་བོ་ལྟར་ཀྱར་ཀྱོར་ཅན། མདུན་ན་འཁར་བ་ལ་རྟེན་ཅིང་། ལུས་འདར་ཞིང་འགྲོ་ལ་དེའི་སྐྲ་སེ་བ། ཇི་ལྟར་ཡང་མི་གཞན་དག་དང་མི་འདྲ་བ་འདི་ཅི་ཡིན། དེ་ལ་བདག་གིས་
D1.003.0292b01.01འདི་སྐད་ཅེས་བགྱིས་སོ། །ལྷ་འདི་ནི་རྒས་པ་ཞེས་བགྱིའོ། །དེ་འདི་སྐད་ཅེས་གསུང་སྟེ། ཁ་ལོ་སྒྱུར་བ་རྒས་པ་ཞེས་བྱ་བ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་མི་འདི་རིང་པོ་མི་ཐོགས་པ་ཁོ་ནར་འགུམ་པར་འགྱུར་བས། ལྷ་དེ་ནི་
D1.003.0292b02.01རྒས་པ་ཞེས་བྱའོ། །དེ་འདི་སྐད་ཅེས་གསུང་སྟེ། ཁ་ལོ་སྒྱུར་བ་ང་ཡང་རྒས་པའི་ཆོས་དང་རྒས་པའི་ཆོས་ཉིད་ལས་མ་འདས་སམ། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་ཡང་རྒས་པའི་ཆོས་དང་རྒས་པའི་ཆོས་ཉིད་ལས་མ་འདས་སོ། །དེ་འདི་སྐད་ཅེས་གསུང་སྟེ། ཁ་ལོ་
D1.003.0292b03.01སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག །ཕོ་བྲང་ཉིད་དུ་འདོང་ངོ་། །འདི་ལྟར་ཕོ་བྲང་དུ་ཕྱིན་ནས། ང་རྒས་པ་ལས་མ་འདས་ཞེས་གྲག་པའི་དོན་དེ་ཉིད་བསམ་པར་བྱའོ། །ལྷ་གཞོན་ནུ་དེ་ཕོ་བྲང་གི་ནང་དུ་གཤེགས་ཏེ། དེ་ནས་ང་ཡང་རྒས་པ་ལས་མ་འདས་པ་
D1.003.0292b04.01ལྟ་ཞིག་ཅེས་མི་དགྱེས་ཤིང་ཐུགས་ངན་དགོངས་སོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། མཚན་མཁན་དང་ལྟས་མཁན་གྱི་བྲམ་ཟེ་དེ་རྣམས་ཀྱི་ཚིག་ཡང་དག་པར་བདེན་པར་མི་འགྱུར་གྲང་། གཞོན་ནུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་
D1.003.0292b05.01བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་དུ་འོང་གིས། མ་ལ་བདག་གིས་གཞོན་ནུ་ལ་འདོད་པའི་ཡོན་ཏན་ལྔ་ལས་ཕལ་མོ་ཆེ་ཞིག་བྱིན་ལ། ཅི་ནས་ཀྱང་འདི་ལ་དགའ་ཞིང་རབ་ཏུ་འབྱུང་བར་མི་འགྱུར་བར་བྱའོ་
D1.003.0292b06.01སྙམ་མོ། །དེ་ནས་རྒྱལ་པོ་ཟས་གཙང་གིས། བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདོད་པའི་ཡོན་ཏན་ལྔ་ལས་ཕལ་མོ་ཆེ་ཞིག་བྱིན་ཏེ། ཅི་ནས་ཀྱང་འདི་ལ་དགའ་ཞིང་རབ་ཏུ་འབྱུང་བར་མི་འགྱུར་བར་བྱས་སོ། །འདིར་སྨྲས་པ། ཤཱཀྱ་ཐུབ་པའི་ཡབ་སྟེ་ཟས་
D1.003.0292b07.01