完整藏文原文 · 德格版页 当前仅加载第 3 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ལུས་སྒྱུར་བར་བྱེད། ཁ་ཅིག་ནི་གླུ་ལེན་པར་བྱེད། འདི་དག་དང་གཞན་ཡང་སྤྱོད་ཚུལ་ངན་པ་དག་བྱེད་དོ། །དུལ་བ་ཕུན་སུམ་ཚོགས་པ་དེ་ནི་གོམ་པ་དལ་གྱིས་དེ་དག་དང་ལྷན་ཅིག་འགྲོའོ། །ཇི་ཙམ་ན་སྐྱེད་མོས་ཚལ་དུ་ཕྱིན་པ་དང་བུ་མོ་དེ་རྣམས་ནི་རྫིང་གི་འགྲམ་དུ་གོས་
D1.003.0072b01.01རྣམས་བཞག་ནས་མོད་ལ་ཞུགས་ཏེ་རྩེ་བར་བརྩམས་སོ། །དེ་ནི་ཇི་ཙམ་ཇི་ཙམ་ཆུར་ནུབ་པ་དེ་ཙམ་དེ་ཙམ་དུ་གོས་དག་རྗེ་ཞིང་འཇུག་ལ། ཇི་ཙམ་ཇི་ཙམ་ལྡང་བ་དེ་ཙམ་དེ་ཙམ་དུ་གོས་དག་འབེབས་ཤིང་ལྡང་སྟེ། དེ་ལྟ་བུར་སྤྱོད་ལམ་ཞི་བ་ཡིན་ནོ། །དེ་ནས་ཁྲུས་ཀྱི་བརྩོན་པ་
D1.003.0072b02.01བྱས་ནས་གནས་གཅིག་ཏུ་འདུག་པ་དང་། བུ་མོ་དེ་རྣམས་ནི་ཐོག་མར་རང་ཟས་ཟོས་ནས་དེའི་འོག་ཏུ་འཁོར་གྱི་སྐྱེ་བོ་ལ་སྦྱིན་པར་རྩོམ་མོ། །དེ་ནི་འཁོར་གྱི་སྐྱེ་བོ་ལ་སྔར་བྱིན་ནས་དེའི་འོག་ཏུ་རང་ཟ་བར་རྩོམ་མོ། །དེ་ནས་ཟོས་ཤིང་འཐུངས་ནས་སྐྱེད་མོས་ཚལ་གྱི་བདེ་བ་ཉམས་
D1.003.0072b03.01སུ་མྱོང་བར་བྱས་ནས་དོང་ངོ་། །ཇི་ཙམ་ན་ལམ་ཀར་ཆུ་རྒལ་བར་བྱེད་པ་ན་བུ་མོ་དེ་རྣམས་ནི་མཆིལ་ལྷམ་ཕུད་ནས་རྒལ་ལོ། །དེ་ནི་མཆིལ་ལྷམ་དང་བཅས་པས་དོང་ངོ་། །ཡང་དོང་སྟེ། དེ་དག་ཀུན་དགའི་ར་བར་ཞུགས་པ་དང་དེས་ནི་གདུགས་ཐོགས་ཏེ་ཨ་མྲའི་ཚལ་ནས་
D1.003.0072b04.01བྱུང་ངོ་། །གཞན་དག་གིས་གདུགས་རྣམས་བོར་རོ། །དེ་ནས་རླུང་དང་ཆར་པ་བབ་ནས་དེའི་ཚེ་བུ་མོ་རྣམས་ལྷ་ཁང་དུ་ཞུགས་ནས་འདུག་གོ། །དེ་ནི་བླ་གབ་མེད་པ་ནའོ། །བྲམ་ཟེ་དེ་ཡང་དེའི་རྗེས་བཞིན་དུ་སོང་བ་ལས་དེས་དེའི་མཚན་ཉིད་དང་སྤྱོད་ཚུལ་དེ་ལྟ་བུ་མཐོང་ནས། དེ་
D1.003.0072b05.01ནས་ངོ་མཚར་སྐྱེས་ཏེ་བུ་མོ་དེ་ལ་དྲི་བར་བརྩམས་པ། བུ་མོ་ཁྱོད་སུའི་སྟོབས་ཀྱི་བཤེས་གཉེན་གྱི་བུ་མོའོ། །བུ་མོ་ཁྱོད་ལ་ཅུང་ཟད་ཅིག་དྲིས་མ་ཁྲོ་ཞིག །དེས་འཛུམ་པ་སྔོན་དུ་བཏང་ནས་སྨྲས་པ། ཁུ་གུ་འདི་ལ་ཁྲོར་ཅི་མཆིས་དྲིས་ཤིག །བུ་མོ་འདི་དག་ཐམས་
D1.003.0072b06.01ཅད་ནི་རྒྱུག་པ་དང་། མཆོང་བ་དང་། འགྲེ་བ་དང་། ལུས་སྒྱུར་བར་བྱེད་པ་དང་། གླུ་ལེན་པར་བྱེད་ཅིང་འདི་དག་དང་གཞན་ཡང་སྤྱོད་ཚུལ་ངན་པ་བྱེད་ཅིང་འགྲོ་ན། ཁྱོད་ནི་ཚུལ་དང་དུལ་བ་ཕུན་སུམ་ཚོགས་པས་དལ་བུས་རྒྱུ་ཞིང་དེ་རྣམས་དང་ལྷན་ཅིག་སྐྱེད་མོས་ཚལ་དུ་
D1.003.0072b07.01