完整藏文原文 · 德格版页 当前仅加载第 3 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་དེ་ལ་ཇི་ལྟར་གྱུར་པ་རྣམས་སྨྲས་པ་དང་། དེས་སྨྲས་པ། ཁྱིམ་བདག་ར་སྤུའི་དུད་པས་བདུགས་ཤིག་དང་། མི་མ་ཡིན་པ་དཔག་ཚད་བཅུ་གཉིས་སུ་འབྲོས་པར་འགྱུར་རོ། །ཁྱིམ་བདག་གིས་ར་སྤུའི་དུད་པས་བདུགས་པ་དང་མི་མ་ཡིན་པ་དེ་དཔག་
D1.003.0064a01.01ཚད་བཅུ་གཉིས་སུ་བྲོས་པར་གྱུར་ཏོ། །ཁྱིམ་བདག་དེས་ཀྱང་འཚོ་བྱེད་ལ་ཀཱར་ཥཱ་པ་ཎ་ལྔ་བརྒྱ་བྱིན་པ་དང་། དེས་དེ་ཡང་རྒྱུན་ཤེས་ཀྱི་བུ་ལ་བསྐུར་རོ། །དེ་ནས་འཚོ་བྱེད་ཀྱིས་དམུ་ཆུ་ཅན་ལ་དྲིས་པ། ནང་རྗེ་ཁྱོད་ཅིའི་ཕྱིར་མི་མ་ཡིན་པས་གནས་བཏབ་པའི་སྐྱེད་མོས་ཚལ་དུ་འདུག །དེས་
D1.003.0064a02.01དེ་ལ་ཇི་ལྟར་གྱུར་པ་དག་སྨྲས་པ་དང་། འཚོ་བྱེད་ཀྱིས་སྨྲས་པ། ལ་ཕུག་གི་ས་བོན་མར་ཕྱུང་བའི་དར་བ་དང་བཏགས་པ་འཐུང་ཤིག་དང་སོས་པར་འགྱུར་རོ། །དེས་འཐུངས་ནས་སོས་པར་གྱུར་ཏེ། མི་དེས་ཀྱང་འཚོ་བྱེད་ལ་ཀཱར་ཥཱ་པ་ཎ་ལྔ་བརྒྱ་བྱིན་པ་དང་། དེས་ཀྱང་རྒྱུན་ཤེས་ཀྱི་བུ་ལ་
D1.003.0064a03.01བསྐུར་རོ། །དེ་ནས་འཚོ་བྱེད་རིམ་གྱིས་བཅོམ་བརླག་ཏུ་ཕྱིན་ནས་བཅོམ་བརླག་གི་ཕྱི་རོལ་ན་ཤིང་ཞིག་གི་དྲུང་དུ་ངལ་སོ་ཞིང་འདུག་གོ། །ཇི་ཙམ་ན་གྱད་ཀྱིས་གྱད་གཅིག་བརྡབས་པས་དེའི་ནང་གྲོལ་རྣམས་འཁྲུགས་ནས་དེ་ཤིའོ་ཞེས་ཕྱི་རོལ་ཏུ་ཕྱུང་ངོ་། །ཤིང་དེ་ལ་ཡང་བྱ་རྒོད་མོ་ཕྲུག་གུ་
D1.003.0064a04.01དང་བཅས་པ་ཞིག་འདུག་པ་ལས་དེ་ལ་ཕྲུག་གུ་དེ་རྣམས་ཀྱིས་སྨྲས་པ། མ་ཤ་བྱིན་ཅིག །དེས་སྨྲས་པ། བུ་ཤ་ག་ལ་ཡོད། དེ་རྣམས་ཀྱིས་སྨྲས་པ། མ་གྱད་ཀྱིས་གྱད་འདི་བརྡབས་ཏེ་ཤི་ནས་ཕྱུང་བ་ཡིན་ནོ། །བུ་འདིར་སྨན་པའི་རྒྱལ་པོ་འཚོ་བྱེད་འོངས་ནས་དེས་འདི་སོས་པར་བྱེད་
D1.003.0064a05.01པའི་གནས་དེ་ཡོད་དོ། །མ་འདི་ཅི་ཞིག་གིས་སོས་པར་འགྱུར། གལ་ཏེ་དེའི་ནང་གྲོལ་རྣམས་ཕྱེ་མས་རེག་པར་བྱས་ནའོ། །དེ་ཐམས་ཅད་འཚོ་བྱེད་ཀྱིས་ཐོས་སོ། །དེ་ནས་དེ་ལངས་ཏེ་རོའི་དྲུང་དུ་སོང་ནས་དྲིས་པ་ཤེས་ལྡན་དག་འདི་ཅི་ཞིག །དེ་རྣམས་ཀྱིས་སྨྲས་པ། གྱད་ཀྱིས་གྱད་
D1.003.0064a06.01བརྡབས་པས་ཤི་བ་ཡིན་ནོ། །འཚོ་བྱེད་ཀྱིས་སྨྲས་པ། ཞོག་ཞིག་དང་བལྟའོ། །དེ་རྣམས་ཀྱིས་བཞག་པ་དང་དེ་ནས་འཚོ་བྱེད་ཀྱིས་འབྱུང་པོ་ཐམས་ཅད་དང་བར་བྱེད་པའི་ནོར་བུ་ཀླད་པར་བཞག་ནས་བརྟགས་ན། ཇི་ཙམ་ན་ནང་གྲོལ་རྣམས་འཁྲུགས་པར་བྱས་པ་མཐོང་ནས་དེས་སྨྱུག་
D1.003.0064a07.01