完整藏文原文 · 德格版页 当前仅加载第 3 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་དེ་རྣམས་ཀྱིས་དགེ་སྦྱོང་གཽ་ཏ་མ་འོང་ངོ་ཞེས་ཐོས་སོ། །ཐོས་ནས་ཀྱང་རོད་རོད་པོར་གྱུར་ནས་བདག་ཅག་སྔོན་ནི་དགེ་སྦྱོང་གཽ་ཏ་མས་ཡུལ་དབུས་ནས་སྤྱུགས་སོ། །དེ་གལ་ཏེ་འདིར་འོངས་ན། གདོན་མི་ཟ་བར་བདག་ཅག་འདི་ནས་ཀྱང་སྤྱུགས་པར་འགྱུར་གྱིས་དེ་ལ་ཐབས་
D1.003.0029a01.01ཤིག་བཤམ་པར་བྱའོ་སྙམ་མོ། །དེ་རྣམས་རིགས་ཀྱི་ཁྱིམ་དག་ཏུ་དོང་ནས་སྨྲས་པ། ཆོས་ཐོབ་པར་གྱུར་ཅིག །ཆོས་ཐོབ་པར་གྱུར་ཅིག །འཕགས་པ་དག་དེ་ཅི་ལགས། ཤེས་ལྡན་དག་བལྟས་ཟིན་གྱིས་འགྲོའོ། །ཅིའི་སླད་དུ་རེ་ཞིག་ཁྱེད་ཅག་གི་འབྱོར་པ་ཕུན་སུམ་ཚོགས་པ་ནི་
D1.003.0029a02.01ཁོ་བོ་ཅག་གིས་མཐོང་གིས་ཇི་སྲིད་རྒུད་པ་མ་མཐོང་བ་དེའི་བར་དུ་འདོང་ངོ་། །འཕགས་པ་དག་བདག་ཅག་ལ་རྒུད་པ་ཅི་ཞིག་འབྱུང་བར་འགྱུར་ལགས། ཤེས་ལྡན་དག་དགེ་སྦྱོང་གཽ་ཏ་མ་སྤུ་གྲིའི་སེར་བ་འབེབས་ཤིང་དུ་མ་ཞིག་བུ་མེད་པ་དང་། ཁྱིམ་ཐབ་མེད་པར་བྱེད་ཅིང་འོང་ངོ་། །འཕགས་
D1.003.0029a03.01པ་དག་གལ་ཏེ་དེ་ལྟ་ན་གང་གི་དུས་ཁོ་ནར་གཞེས་པར་བགྱི་བ་དེ་ཁོ་ནའི་དུས་སུ་བདག་ཅག་སྤང་བར་བགྱིའམ། བཞུགས་ཤིག་མ་བཞུད་ཅིག །དེ་རྣམས་ཀྱིས་སྨྲས་པ། བདག་ཅག་ཅི་སྟེ་འདུག་ཁྱེད་ཅག་ཁོ་བོ་ཅག་གི་ཉན་དུ་མི་བཏུབ་བོ། །འཕགས་པ་དག་གསུང་ཤིག་མཉན་
D1.003.0029a04.01པར་བགྱིའོ། །དེ་རྣམས་ཀྱིས་སྨྲས་པ། ཤེས་ལྡན་དག་གྲོང་ཁྱེར་བཟང་བྱེད་ཀྱི་ཉེ་འཁོར་གྱི་སྐྱེ་བོའི་ཚོགས་ཐམས་ཅད་གནས་ནས་ཕྱུང་ལ་གྲོང་ཁྱེར་བཟང་བྱེད་ཀྱི་ནང་དུ་ཚུད་ཅིག་རྩྭ་སྔོན་པོ་རྣམས་རྔོས་ཤིག །འདུག་གནས་རྣམས་ནི་ཤིག་ཅིག །མེ་ཏོག་དང་འབྲས་བུའི་ཤིང་རྣམས་ནི་
D1.003.0029a05.01ཚོད་ཅིག །ཆུ་རྣམས་ནི་དུག་ལུགས་ཤིག །དེ་རྣམས་ཀྱིས་སྨྲས་པ། འཕགས་པ་དག་བཞུགས་ཤིག་དང་ཐམས་ཅད་བགྱིའོ། །དེ་ནས་དེ་རྣམས་ཀྱིས་གྲོང་ཁྱེར་བཟང་བྱེད་ཀྱི་ཉེ་འཁོར་གྱི་སྐྱེ་བོའི་ཚོགས་ཐམས་ཅད་གནས་ནས་བཏོན་ནས་གྲོང་ཁྱེར་བཟང་བྱེད་ཀྱི་ནང་དུ་བཙུད་དེ།
D1.003.0029a06.01རྩྭ་སྔོན་པོ་རྣམས་ནི་བརྔས། འདུག་གནས་རྣམས་ནི་བཤིག །མེ་ཏོག་དང་འབྲས་བུའི་ཤིང་ནི་བཅད། ཆུ་རྣམས་ནི་དུག་བླུགས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམས་པ། བཅོམ་ལྡན་འདས་ལ་བཀུར་སྟི་མ་ཡིན་པ་བྱེད་པ་ཡལ་བར་དོར་བ་ནི་བདག་གི་ཆ་མ་
D1.003.0029a07.01