完整藏文原文 · 德格版页 当前仅加载第 3 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་དང་ལྡན་ན་གཏེར་བདག་པོ་དང་བཅས་པ་དང་། བདག་པོ་མེད་པ་དང་། ཐང་ལ་ཡོད་པ་དང་། ཆུ་ན་ཡོད་པ་དང་། གང་དག་རྒྱང་རིང་པོ་ན་ཡོད་པ་དང་། གང་དག་ཐག་ཉེ་བ་ན་ཡོད་པ་མཐོང་བར་འགྱུར་བ་བརྟགས་ལ་ཁྱེད་ལ་སྨྲ་བར་བྱའོ་ཞེས་དེ་ཁྱིམ་བདག་མགོན་མེད་ཟས་སྦྱིན་འགྲོ་བ་དང་།
D1.003.0208a01.01འདུག་པ་ལ་བརྟག་པ་ལྷུར་ལེན་ཅིང་རྗེས་བཞིན་འབྲང་ངོ་། །ཅི་ཙམ་དུས་གཞན་ཞིག་ན་ཁྱིམ་བདག་མགོན་མེད་ཟས་སྦྱིན་ཆུ་བོ་ཨ་ཛི་ར་བ་ཏིར་ཁྲུས་བྱས་ནས་བྱུང་བ་ལ་དེས་དེའི་རྒྱབ་ཏུ་ཐལ་མོ་བརྒྱབ་པ་དང་། ཁྱིམ་བདག་མགོན་མེད་ཟས་སྦྱིན་གྱིས་མཐོང་བཞིན་དུ་ཅང་མི་སྨྲ་བར་འདུག་གོ། །དེས་སྨྲས་
D1.003.0208a02.01པ། ཁྱིམ་བདག་ཁྱོད་ནི་མཁས་པ་ཡིན་ཞིང་བཟོད་པ་དང་དེས་པ་དང་ལྡན་པ་ཡིན་པས་དེས་ན་གཏེར་བདག་པོ་དང་བཅས་པ་དང་། བདག་པོ་མེད་པ་དང་། ཐང་ལ་ཡོད་པ་དང་། ཆུ་ན་ཡོད་པ་དང་། གང་དག་རྒྱང་རིང་པོ་ན་ཡོད་པ་དང་། གང་དག་ཐག་ཉེ་བ་ན་ཡོད་པ་མཐོང་ངོ་། །དེས་མུ་
D1.003.0208a03.01སྟེགས་ཅན་རྣམས་ལ་གོ་བར་བྱས་པ་དང་། མུ་སྟེགས་ཅན་ཁ་ངོམ་ཅན་རྣམས་ཀྱིས་ཀྱང་ཀུན་དུ་སྨྲས་པས། ཁྱིམ་བདག་མགོན་མེད་ཟས་སྦྱིན་ནི་བཟོད་པ་དང་དེས་པ་དང་ལྡན་པས་དེས་ན་གཏེར་བདག་པོ་དང་བཅས་པ་དང་། བདག་པོ་མེད་པ་དང་། ཐང་ལ་ཡོད་པ་དང་། ཆུ་ན་ཡོད་པ་དང་། གང་དག་
D1.003.0208a04.01རྒྱང་རིང་པོ་ན་ཡོད་པ་དང་། གང་དག་ཐག་ཉེ་བ་ན་ཡོད་པ་མཐོང་ངོ་ཞེས་ཀུན་དུ་སྒྲ་གྲགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མུ་སྟེགས་ཅན་བརྒྱ་སྟོང་ཕྲག་བྱེ་བས་ཀྱང་ཁྱིམ་བདག་མགོན་མེད་ཟས་སྦྱིན་མཚན་གང་དང་
D1.003.0208a05.01ལྡན་ན་གཏེར་མཐོང་བར་འགྱུར་བ་ཤེས་པར་བླ་བ་མ་ཡིན་ནོ། །འོན་ཀྱང་ཁྱིམ་བདག་མགོན་མེད་ཟས་སྦྱིན་གྱི་མིག་གི་འབྲས་བུ་རིན་པོ་ཆེ་ལྟར་བཀྲ་བ་དང་། དབྱིག་གི་སྐད་ཡོད་དེ། དེས་ན་གཏེར་བདག་པོ་དང་བཅས་པ་དང་། བདག་པོ་མེད་པ་དང་། ཐང་ལ་ཡོད་པ་དང་། ཆུ་ན་ཡོད་པ་དང་། གང་དག་རྒྱང་རིང་པོ་
D1.003.0208a06.01ན་ཡོད་པ་དང་། གང་དག་ཐག་ཉེ་བ་ན་ཡོད་པ་མཐོང་ངོ་།། །།འདུལ་བ་གཞི། བམ་པོ་བདུན་བཅུ་དྲུག་པ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཁྱིམ་བདག་མགོན་མེད་ཟས་སྦྱིན་གྱིས་ལས་ཅི་ཞིག་བགྱིས་ན།
D1.003.0208a07.01