完整藏文原文 · 德格版页 当前仅加载第 3 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
བརྟན་གྱིས། །དེ་དག་ལ་ནི་གདམས་ངག་ཕོག །དེར་ནི་དེ་ལས་ཆོས་ཀྱི་གཏམ། །རྗེས་སུ་མཐུན་པ་དེ་ཤེས་ནས། །རིང་པོ་མ་ཐོགས་རྣམ་གྲོལ་ཏེ། །དམ་པའི་དོན་ལ་རབ་ཏུ་བཀོད། །དེ་དག་མཐོང་ཐོབ་བདེ་གྱུར་པས། །མཐོང་བའི་ཆོས་ལ་མྱ་ངན་འདས། །
D1.003.0046a01.01སངས་རྒྱས་འཇིག་རྟེན་འདྲེན་པ་ལ། །རབ་ཏུ་མགུ་བས་ཕྱག་བྱས་སོ། །དམ་པའི་ཆོས་དང་ཚོགས་གཙོ་དང་། །རྒྱལ་བས་བསྔགས་པའི་བསླབ་པ་དང་། །ཏིང་ངེ་འཛིན་དང་བགེད་པ་དང་། །བག་ཡོད་པ་ལ་ཕྱག་བྱས་སོ། །དེ་བས་བདག་ལ་ཕན་འདོད་པའམ། །བདག་ཉིད་ཆེན་
D1.003.0046a02.01པོ་མངོན་འདོད་པས། །སངས་རྒྱས་ཆོས་དང་དགེ་འདུན་ལ། །བཀུར་སྟི་བྱོས་ལ་སྐྱབས་སུ་དེང་། །འདི་ནི་དེ་ཉིད་གཟིགས་པ་ཡིས། །འཇིག་རྟེན་ན་ནི་སྐྱབས་སུ་བསྔགས། །གནོད་པ་རྣམས་ཀྱིས་སྐྲག་པ་ལ། །བདེ་བ་ཀུན་ནི་རབ་སྦྱིན་མཛད། །ཆོས་ཀྱི་རྒྱལ་པོ་ཉི་མའི་གཉེན། །
D1.003.0046a03.01སངས་རྒྱས་བསྟན་པ་ཆོས་ཀྱི་ནི། །བདག་ཉིད་ཆེན་པོར་མཆོག་གྱུར་ལ། །ཐར་པ་འདོད་པས་རྟག་ཏུ་བསྟེན། །ཀེ་ནའི་བུའི་ཚིགས་སུ་བཅད་པ་རྫོགས་སོ།། །།དེ་ནས་བཅོམ་ལྡན་འདས་ཡུལ་ཀ་ཤི་ནས་ལྗོངས་རྒྱུ་ཞིང་གཤེགས་ཏེ། ཀ་ཤིའི་ཚོང་རྡལ་དུ་བྱོན་ཏོ། །ཀ་ཤིའི་
D1.003.0046a04.01ཚོང་རྡལ་དེ་ན་སྔོན་འདྲེག་མཁན་བྱེད་བྱེད་པ་རབ་ཏུ་བྱུང་བ་ཕ་སྤད་གཉིས་ཤིག་ཡོད་པ་ལས། བུས་སྨྲས་པ། ཕ་བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་ཡུལ་ཀ་ཤིའི་ལྗོངས་རྒྱུ་ཞིང་གཤེགས་ནས་གཙུག་ལག་ཁང་དུ་བྱོན་པ་བཅོམ་ལྡན་འདས་དང་དགེ་སློང་གི་དགེ་
D1.003.0046a05.01འདུན་སྐུ་མཉེལ་གྱིས། མ་ལ་བདག་ཅག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ནས་ཐུག་ལ་སྤྱན་དྲང་ན། དེ་ལ་ཅི་ཁྱོད་ཐུག་པ་སྟ་གོན་བྱེད་དམ། འོན་ཏེ་དགེ་སློང་གི་དགེ་འདུན་སྤྱན་འདྲེན། དེས་སྨྲས་པ། ཁྱོད་སོང་ལ་དགེ་སློང་གི་དགེ་འདུན་སྤྱན་དྲོངས་ཤིག །
D1.003.0046a06.01ང་ནི་ཐུག་པ་སྟ་གོན་བྱེད་དོ། །དེས་དགེ་སློང་གི་དགེ་འདུན་སྤྱན་དྲངས་སོ། །དེ་ཡང་མེ་ལོང་ཞིག་ཐོགས་ནས་ཚོང་དུས་སུ་སོང་བ་ལས། དེས་དེ་ན་ཚོང་དཔོན་ཞིག་སྐྲ་དང་ཁ་སྤུ་རིང་བ་མཐོང་ནས། དེས་དེ་ལ་མེ་ལོང་བསྟན་པ་དང་། དེས་སྨྲས་པ། འཕགས་པ་འདི་ལྟ་བུའི་
D1.003.0046a07.01