完整藏文原文 · 德格版页 当前仅加载第 3 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
འབབ་པར་གྱུར་ཏེ། དེ་ལ་དེའི་ཡུམ་ཆུས་ཆུའི་བྱ་བ་བྱེད་དོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ལ་ལྟས་བར་སྣང་ལས་ལྷའི་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། ཨ་ག་རུའི་ཕྱེ་མ་དང་། རྒྱ་
D1.003.0281a01.01སྤོས་ཀྱི་ཕྱེ་མ་དང་། ཙན་དན་གྱི་ཕྱེ་མ་དང་ཏ་མ་ལའི་འདབ་མས་འཐོར་རོ། །ལྷའི་མེ་ཏོག་མན་དཱ་ར་བས་ཀྱང་འཐོར་རོ། །ལྷའི་སིལ་སྙན་རྣམས་ཀྱིས་ཀྱང་སྒྲ་འབྱིན་ཏོ། །གོས་དག་ཀྱང་འཐོར་བར་བྱེད་དོ།། །།བར་སྡོམ་ལ། བལྟམ་དང་བཞེངས་དང་གོམ་པ་
D1.003.0281a02.01བདུན། །ཆུ་རྒྱུན་གཉིས་དང་ཆུ་མིག་ལྷ། །གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཤཱཀྱ་ཐུབ་པ་བལྟམ་པ་དེ་ཉིད་ཀྱི་ཚེ་རྒྱལ་པོ་བཞི་ཡང་བུ་བཙས་ཏེ། མཉན་ཡོད་དུ་རྩིབས་ཀྱིས་འཕུར་ཚངས་བྱིན་གྱི་བུ་བཙས་པ་ན་དེ་འདི་སྙམ་དུ་སེམས་ཏེ། བདག་གི་བུ་
D1.003.0281a03.01བཙས་པ་ན་ཡུལ་གསལ་བ་གསལ་བ་བཞིན་དུ་སྣང་བས་དེ་བས་ན་འདིའི་མིང་གསལ་རྒྱལ་ཞེས་བྱ་བར་གདགས་སོ་ཞེས་བཏགས་སོ། །རྒྱལ་པོའི་ཁབ་ཀྱི་གྲོང་ཁྱེར་ན་རྒྱལ་པོ་པད་མ་ཆེན་པོའི་བུ་བཙས་པ་ན་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་
D1.003.0281a04.01རྟེན་ཉི་མའི་གཟུགས་ཤར་བ་ལྟར་སྣང་ཞིང་གཟུགས་ཅན་མའི་བུ་ཡིན་པས་འདིའི་མིང་གཟུགས་ཅན་སྙིང་པོ་ཞེས་བྱ་བར་གདགས་སོ་ཞེས་བཏགས་སོ། །ཀཽ་ཤཱམྦཱི་ན་རྒྱལ་པོ་དམག་བརྒྱ་པའི་བུ་བཙས་པ་ན་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་
D1.003.0281a05.01རྟེན་ཉི་མ་ཤར་བ་ལྟར་སྣང་བར་གྱུར་པས་འདིའི་མིང་ཤར་བ་ཞེས་བྱ་བར་གདགས་སོ་ཞེས་བཏགས་སོ། །གྲོང་ཁྱེར་འཕགས་རྒྱལ་དུ་རྒྱལ་པོ་མུ་ཁྱུད་མཐའ་ཡས་ཀྱི་བུ་བཙས་པ་ན་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་སྒྲོན་མ་ལྟར་
D1.003.0281a06.01སྣང་བར་གྱུར་པས་འདིའི་མིང་རབ་སྣང་ཞེས་བྱ་བར་གདགས་སོ་ཞེས་བཏགས་ཏེ་དེ་ནི་དེ་ལྟ་མ་ཡིན་ནོ། །འོན་ཀྱང་དེ་ཐམས་ཅད་ནི་བྱང་ཆུབ་སེམས་དཔའི་མཐུ་ཡིན་ནོ། །རི་བོ་ཀུན་འཛིན་ལ་དྲང་སྲོང་ཉོན་མོངས་མེད་ཅེས་བྱ་བ་འཇིག་པ་ལ་མཁས་འཆགས་པ་ལ་མཁས་པ་
D1.003.0281a07.01