完整藏文原文 · 德格版页 当前仅加载第 3 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཤིང་རྟ་དགུ་བཅུ་པ་དང་། ཤིང་རྟ་ཁྲ་བོ་དང་། ཤིང་རྟ་རྒྱལ་དང་། ཤིང་རྟ་སྲ་བའོ། །གཽ་ཏ་མ་དག་རྒྱལ་པོ་ཤིང་རྟ་སྲ་བའི་བུ་དང་། ཚ་བོ་དང་། ཡང་ཚ་དང་། སུམ་ཚའི་རྒྱུད་རྒྱལ་པོ་བདུན་ཁྲི་བདུན་སྟོང་གྲོང་ཁྱེར་ཀུན་དུ་སྣང་བར་བྱུང་སྟེ།
D1.003.0266a01.01དེ་རྣམས་ཀྱི་ཐ་མ་ནི་རྒྱལ་པོ་ནམ་མཁའི་བདག་པོ་ཞེས་བྱ་བ་བྱུང་ངོ་། །གཽ་ཏ་མ་དག་རྒྱལ་པོ་ནམ་མཁའི་བདག་པོའི་བུ་ཀླུ་མཉམ་སྐྱོང་ངོ་། །གཽ་ཏ་མ་དག་རྒྱལ་པོ་ཀླུ་མཉམ་སྐྱོང་གི་བུ་དང་། ཚ་བོ་དང་། ཡང་ཚ་དང་། སུམ་ཚའི་རྒྱུད་རྒྱལ་པོ་བརྒྱ་ཐམ་པ་ཡང་གྲོང་ཁྱེར་བཱ་
D1.003.0266a02.01རཱ་ཎ་སཱིར་བྱུང་སྟེ། དེ་རྣམས་ཀྱི་ཐ་མ་ནི་རྒྱལ་པོ་ཀྲྀ་ཀཱི་ཞེས་བྱ་བ་བྱུང་ངོ་། །དེའི་ཚེ་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་
D1.003.0266a03.01བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེའི་སྤྱན་སྔར་བཅོམ་ལྡན་འདས་བྱང་ཆུབ་སེམས་དཔས་མ་འོངས་པ་ན་བྱང་ཆུབ་པར་བྱ་བའི་ཕྱིར་སྔོན་སྨོན་ལམ་བཏབ་ནས་
D1.003.0266a04.01ཚངས་པར་སྤྱོད་པ་སྤྱད་དེ། དགའ་ལྡན་གྱི་ལྷའི་རིས་སུ་སྐྱེས་སོ། །གཽ་ཏ་མ་དག་རྒྱལ་པོ་ཀྲྀ་ཀཱིའི་བུ་ལེགས་སྐྱེས་སོ། །གཽ་ཏ་མ་དག་རྒྱལ་པོ་ལེགས་སྐྱེས་ཀྱི་བུ་དང་། ཚ་བོ་དང་། ཡང་ཚ་དང་། སུམ་ཚའི་རྒྱུད་རྒྱལ་པོ་བརྒྱ་ཐམ་པ་ཡང་གྲོང་ཁྱེར་གྲུ་འཛིན་དུ་བྱུང་
D1.003.0266a05.01སྟེ། དེ་རྣམས་ཀྱི་ཐ་མ་ནི་རྒྱལ་པོ་རྣ་བ་ཅན་ཞེས་བྱ་བ་བྱུང་ངོ་། །གཽ་ཏ་མ་དག་རྒྱལ་པོ་རྣ་བ་ཅན་ལ་བུ་གཉིས་ཏེ། གཽ་ཏ་མ་དང་། བ་ར་དྭ་ཛའོ། །དེ་གཉིས་ལས་གཽ་ཏ་མ་ནི་མངོན་པར་འབྱུང་བར་དགའོ། །བ་ར་དྭ་ཛ་ནི་རྒྱལ་སྲིད་ལ་མངོན་པར་དགའོ། །དེས་
D1.003.0266a06.01པ་ཆོས་དང་ཆོས་མ་ཡིན་པས་རྒྱལ་སྲིད་བྱེད་པ་མཐོང་ནས། དེས་བསམས་པ། བདག་ཡབ་འདས་ནས་རྒྱལ་པོར་གྱུར་ཏེ། བདག་གིས་ཀྱང་ཆོས་དང་ཆོས་མ་ཡིན་པས་རྒྱལ་སྲིད་བྱས་ནས་སེམས་ཅན་དམྱལ་བར་གཞོལ་བར་འགྱུར་བས་འདིར་ཅིའི་དུས་
D1.003.0266a07.01