完整藏文原文 · 德格版页 当前仅加载第 3 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྐྱེས་སུ་བསྐུར་བ་ཡིན་གྱིས། ཁྱོད་ཀྱིས་དེ་ལ་ས་ཕྱོགས་ཡངས་ཤིང་རྒྱ་ཆེ་བར་སིང་ག་ལའི་གླིང་ན་གནས་པའི་སྐྱེ་བོའི་ཚོགས་བསྡུས་ལ། བཀུར་སྟི་ཆེན་པོས་རས་འདི་ཁྲོམ་ཤིག །ཚོང་པ་དེ་རྣམས་ལ་བཀའ་སྩལ་པ། གལ་ཏེ་མུ་ཏིག་ཅན་འདི་ཅི་ཡིན་ཞེས་འདྲི་ན།
D1.003.0227a01.01འདི་ནི་བཅོམ་ལྡན་འདས་དེའི་སྐུའི་གཟུགས་བརྙན་ཡིན་ནོ་ཞེས་བརྗོད་པར་བྱའོ། །གལ་ཏེ་འོག་མ་འདི་ཅི་ཡིན་ཞེས་འདྲི་ན་དེ་དག་ནི་གསུམ་ལ་སྐྱབས་སུ་འགྲོ་བ་དང་། བསླབ་པའི་གཞི་ལྔ་རྣམས་དང་། ལུགས་དང་མཐུན་པ་དང་ལུགས་དང་མི་མཐུན་པའི་རྟེན་ཅིང་འབྲེལ་བར་འབྱུང་བར་འགྲོ་བར་
D1.003.0227a02.01འཇུག་པ་དང་ལྡོག་པའོ། །འདི་ནི་བདུད་རྩི་རྟོགས་པའི་འཕགས་པའི་ལམ་ཡན་ལག་བརྒྱད་པ་ཡིན་ནོ་ཞེས་བརྗོད་པར་བྱའོ། །གལ་ཏེ་གོང་མ་འདི་ཅི་ཡིན་ཞེས་འདྲི་ན་སྤྲོ་བར་བྱ་བ་ཡིན་ཏེ། གང་ཞིག་སྐྱབས་སུ་འགྲོ་བ་དང་བསླབ་པའི་གཞི་རྣམས་བླངས་ཏེ། ལུགས་དང་མཐུན་པ་དང་ལུགས་
D1.003.0227a03.01དང་མི་མཐུན་པའི་རྟེན་ཅིང་འབྲེལ་བར་འབྱུང་བ་འདི་ལ་རྟོག་ཅིང་བརྩོན་འགྲུས་རྩོམ་པ་དེ་བདུད་རྩི་རྟོགས་པའི་འཕགས་པའི་ལམ་ཐོབ་ནས་སྡུག་བསྔལ་ཐམས་ཅད་ལས་གྲོལ་བར་འགྱུར་བ་ཡིན་ནོ་ཞེས་བརྗོད་པར་བྱའོ། །བཙུན་པ་བཀའ་བཞིན་འཚལ་ཞེས་ཚོང་པ་དེ་རྣམས་ཀྱིས་བཅོམ་
D1.003.0227a04.01ལྡན་འདས་ལས་མཉན་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་དགེ་མཚན་དང་། བཀྲ་ཤིས་དང་། བདེ་ལེགས་སུ་འགྱུར་བ་དག་བྱས་ཏེ། ཟོང་ཁྱེར་ནས་སིང་ག་ལའི་གླིང་དུ་སོང་སྟེ། རིམ་གྱིས་སིང་ག་ལའི་གླིང་དུ་ཕྱིན་ནས་ལམ་གྱིས་དུབ་བ་ངལ་སོས་ཏེ། རྒྱལ་པོའི་དྲུང་དུ་
D1.003.0227a05.01སོང་ནས་རྐང་པ་གཉིས་ལ་གཏུགས་ཏེ་ཡི་གེ་བྱིན་ནོ། །རྒྱལ་པོས་ཡི་གེ་བཀླགས་ཏེ་བཀླགས་ནས་གྲོང་ཁྱེར་དེ་རྡོ་བ་དང་། གསེག་མ་དང་། གྱོ་མོ་བསལ་ནས་ཙན་དན་གྱི་ཆུས་ཆག་ཆག་བཏབ། རྒྱལ་མཚན་དང་བ་དན་བསྒྲེང་། དར་གྱི་ཆུན་འཕྱང་མང་པོ་བཏགས། ཤིན་ཏུ་དྲི་ཞིམ་པོའི་
D1.003.0227a06.01པོག་པོར་ཉེ་བར་བཞག །མེ་ཏོག་སྣ་ཚོགས་བཀྲམ་སྟེ། སིང་ག་ལའི་གླིང་ན་གནས་པའི་སྐྱེ་བོའི་ཚོགས་བསོགས་ནས། དེ་ནས་བཀུར་སྟི་ཆེན་པོ་བྱས་ཏེ་གྲོང་ཁྱེར་གྱི་དབུས་སུ་རིན་པོ་ཆེ་སྣ་བཞི་ལས་བྱས་པའི་སེང་གེའི་ཁྲི་བཤམས་ཏེ། རས་ཕྱེ་བ་དང་སྐྱེ་བོའི་ཚོགས་ཆེན་པོས་སངས་རྒྱས་
D1.003.0227a07.01