完整藏文原文 · 德格版页 当前仅加载第 3 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱེད་པར་བགྱིད་པ། རྩོད་པའི་གཞི་བགྱིད་པ་དག་མཆི་ཞིང་དེ་རྣམས་ངོ་ཚ་མེད་པས། ཐོ་བཙམ་པའི་ཕྱིར་བདག་ལ་གླེང་བར་བགྱིད། དྲན་པར་བགྱིད་དོ་ཞེས་ཐོས་ནས་བདག་གི་སྤོ་བ་སྤྱད་པ་དེ་དགེ་སློང་གི་མདུན་དུ་ཕྱིར་ཕུལ་བ་བདག་དགེ་སློང་མིང་འདི་ཞེས་བགྱི་བའི་
D1.003.0182a01.01སྤོ་བ་དེ་ཚེ་དང་ལྡན་པའི་མདུན་དུ་བླང་བར་བགྱི་སྟེ། དུས་འདི་ཙམ་ནི་བདག་གིས་སྤྱད་ལགས་སོ། །དུས་འདི་ཙམ་ནི་བདག་གིས་སྤྱད་པར་བགྱི་ལགས་ཀྱིས། ཚེ་དང་ལྡན་པས་བདག་སྤོ་བ་ལགས་པར་གཟུང་དུ་གསོལ། སྤོ་བ་ཇི་ལྟ་བ་བཞིན་དུ་གཞི་ནས་སྤོ་བ་དང་། གཞི་ནས་བསླང་སྟེ་
D1.003.0182a02.01སྤོ་བ་དང་། མགུ་བར་བྱ་བ་དང་། གཞི་ནས་མགུ་བར་བྱ་བ་དང་། གཞི་ནས་བསླང་སྟེ་མགུ་བར་བྱ་བ་ཡང་དེ་བཞིན་ནོ། །སྤོ་བའི་གཞི་རྫོགས་སོ།། །།གསོ་སྦྱོང་གཞག་པའི་གཞིའི་སྡོམ་ནི། མ་དག་གསོ་སྦྱོང་དགེ་སློང་དང་། །མཽད་གལ་གྱིས་ནི་ཉམས་པ་དང་། །དེ་ནས་སྟོན་པས་
D1.003.0182a03.01སྨད་པ་དང་། །དགེ་འདུན་གྱིས་བོར་གསོ་སྦྱོང་ངོ་། །སྡོམ་གྱི་ཚིགས་སུ་བཅད་པ་འདི་ནི་ཡུལ་ཙམ་པར་གསོ་སྦྱོང་གི་མདོ་རྒྱས་པར་གསུངས་ཏེ། གསོ་སྦྱོང་གི་མདོ་དེ་ཡང་ལུང་བར་མ་ཡང་དག་པར་འགྲོ་བའི་ལེའུ་ལས་འབྱུང་ངོ་།། །།སྡོམ་ནི། གླེང་དང་དྲན་པ་ཉིད་དང་ནི། །སྐབས་དང་
D1.003.0182a04.01སྨྲར་ནི་མི་གཞུག་དང་། །གདམས་པ་རབ་ཏུ་གཞག་པ་དང་། །གསོ་སྦྱོང་དང་ནི་དགག་དབྱེའོ། །བཅོམ་ལྡན་འདས་ཀྱིས་དགེ་འདུན་གྱི་གནས་བརྟན་གྱིས་ཟླ་བ་ཕྱེད་ཀྱི་སོ་སོར་ཐར་པའི་མདོ་གདོན་པ་གདོན་པར་བྱའོ་ཞེས་གསུངས་པས་དགེ་སྐོས་ཀྱིས་དགེ་འདུན་གྱི་གནས་བརྟན་གྱི་མདུན་དུ་འདུག་སྟེ་
D1.003.0182a05.01སྨྲས་པ། གནས་བརྟན་སོ་སོར་ཐར་པའི་མདོ་གདོན་པ་ཐོན་ཅིག །དེས་སྨྲས་པ། ཚེ་དང་ལྡན་པ་རེ་ཞིག་དགེ་སློང་གི་འཁོར་མ་དག་གོ། །འདི་ན་གནས་བརྟན་གྱིས་སུ་ཞིག་མ་དག་པར་གཟིགས། རེ་ཞིག་ཁྱོད་ཉིད་ཡིན་ནོ། །གནས་བརྟན་གྱིས་བདག་ལ་ཇི་ལྟར་གཟིགས། ལྷའི་མིག་གིས་སོ། །
D1.003.0182a06.01ད་འདིར་དགེ་སློང་རྣམས་ཀྱིས་ལྷའི་མིག་གིས་མཐོང་ནས་གླེང་བར་བྱེད། དྲན་པར་བྱེད་པ་ནི་ཀྱི་ཧུད་བདག་མ་རུང་ངོ་སྙམ་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལྷའི་མིག་ནི་ཐ་སྙད་དུ་བྱ་བ་མ་
D1.003.0182a07.01