完整藏文原文 · 德格版页 当前仅加载第 3 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་མ་དང་བྲལ་ནས་སྦྱིན་པ་དག་བྱིན་བསོད་ནམས་དག་བྱས་ནས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ་། །དེ་དུས་གཞན་ཞིག་ན་ཤིང་མྲག་ཤའི་ཚལ་ན་གནས་པ་དང་དེ་ལ་བརྟེན་ནས་ཤིང་མྲག་ཤའི་ཚལ་ན་གནས་པའི་ཁྱིམ་བདག་ནག་པ་བཅོམ་ལྡན་འདས་ཀྱི་
D1.003.0148b01.01བསྟན་པ་ལ་དད་པ་སྐྱེས་ཏེ་དེ་སངས་རྒྱས་དང་། ཆོས་དང་། དགེ་འདུན་ལ་ལྷག་པར་བྱ་བ་བྱེད་ཅིང་། ཤིང་མྲག་ཤའི་ཚལ་དུ་ཡུལ་སྣ་ཚོགས་ནས་འོངས་པའི་དགེ་སློང་རྣམས་ཀྱི་རྟེན་དུ་གྱུར་ཏོ། །ཇི་ཙམ་དུས་གཞན་ཞིག་ན་ཚེ་དང་ལྡན་པ་ཆུ་སྟོད་རི་འོར་གཞན་ཞིག་ཏུ་བྱ་བ་ཅུང་ཟད་ཅིག་
D1.003.0148b02.01བྱུང་སྟེ་དེ་དེར་སོང་ངོ་། །ཚེ་དང་ལྡན་པ་གར་མཁན་མའི་བུ་ཉེ་སྡེ་འཁོར་ལྔ་བརྒྱ་དང་ལྗོངས་རྒྱུ་ཞིང་སོང་བ་དང་ཤིང་མྲག་ཤའི་ཚལ་དུ་ཕྱིན་ཏོ། །ཁྱིམ་བདག་ནག་པས་འཕགས་པ་གར་མཁན་མའི་བུ་ཉེ་སྡེ་འཁོར་ལྔ་བརྒྱ་དང་ལྗོངས་རྒྱུ་ཞིང་སོང་སོང་བ་དང་འདིར་ཕྱིན་ཏོ་ཞེས་ཐོས་སོ། །
D1.003.0148b03.01ཐོས་ནས་ཀྱང་ཚེ་དང་ལྡན་པ་ཉེ་སྡེ་གང་ན་བ་དེར་སོང་སྟེ་ཕྱིན་པ་དང་། ཉེ་སྡེའི་རྐང་པ་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་ཚེ་དང་ལྡན་པ་ཉེ་སྡེས་ཁྱིམ་བདག་ནག་པ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད།
D1.003.0148b04.01ཡང་དག་པར་འཛིན་དུ་འཇུག་པར་བྱེད། ཡང་དག་པར་གཟེངས་སྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། །ཡང་
D1.003.0148b05.01དག་པར་རབ་ཏུ་དགའ་བར་བྱས་ནས་ཅང་མི་སྨྲའོ། །དེ་ནས་ཁྱིམ་བདག་ནག་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་ཚེ་དང་ལྡན་པ་ཉེ་སྡེ་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཚེ་དང་ལྡན་པ་ཉེ་སྡེ་ལ་འདི་སྐད་ཅེས་སྨྲས་སོ། །འཕགས་པ་ཉེ་
D1.003.0148b06.01སྡེ་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་ཏུ་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། ཚེ་དང་ལྡན་པ་ཉེ་སྡེས་ཁྱིམ་བདག་ནག་པ་ལ་ཅང་མི་སྨྲ་བས་ཁས་བླངས་སོ། །དེ་ནས་ཁྱིམ་བདག་ནག་པས་ཚེ་དང་ལྡན་པ་ཉེ་སྡེས་ཅང་མི་སྨྲ་
D1.003.0148b07.01