完整藏文原文 · 德格版页 当前仅加载第 3 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
ལག་དང་ཉིང་ལག་ཐམས་ཅད་དང་ལྡན་པ། ཁ་དོག་བཟང་པོས་གནས་པ། རང་གི་འོད་དང་ལྡན་པ། ནམ་མཁའ་ལ་འགྲོ་ཞིང་དགའ་བ་ཟ་ཞིང་དགའ་བའི་ཟས་ཀྱིས་ཚེ་རིང་ཞིང་ཡུན་རིང་དུ་གནས་ལ། བདག་ཅག་སའི་བཅུད་ཁ་དོག་ཕུན་སུམ་ཚོགས་
D1.003.0261a01.01པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏོ། །བདག་ཅག་སའི་བཅུད་ལ་ཁམ་གྱི་ཟས་ཀྱི་རིམ་གྱིས་ཟོས་ཏེ། གང་གི་ཚེ་བདག་གིས་སའི་བཅུད་ལ་ཁམ་གྱི་ཟས་ཀྱི་རིམ་གྱིས་ཟོས་པ་དེའི་ཚེ་བདག་ཅག་གི་ལུས་ལ་རྩུབ་པ་ཉིད་དང་ལྕི་བ་ཉིད་དག་
D1.003.0261a02.01ཞུགས་པར་གྱུར་ཏེ། ཁ་དོག་བཟང་པོའི་གསལ་བ་གང་ཡིན་པ་དེ་ནུབ་པར་གྱུར་པས་འཇིག་རྟེན་དུ་མུན་པ་བྱུང་བར་གྱུར་ཏོ། །བདག་ཅག་དེ་ཟ་ཞིང་ཟས་སུ་ཟ་བ་ལ་ཚེ་རིང་ཞིང་ཡུན་རིང་དུ་གནས་པར་གྱུར་ཏོ། །བདག་ཅག་ལས་ཁ་ཟས་ཆེས་ཉུང་ངུ་ཟ་བ་གང་ཡིན་པ་དེ་ནི་ཁ་
D1.003.0261a03.01དོག་བཟང་པོར་གྱུར། ཁ་ཟས་ཆེས་མང་དུ་ཟ་བ་གང་ཡིན་པ་དེ་ནི་ཁ་དོག་ངན་པར་གྱུར་ཏེ། ཁ་ཟས་ཀྱི་ཚད་གཉིས་ལ་བརྟེན་ནས་ཁ་དོག་རྣམ་པ་གཉིས་མངོན་ཏེ། ཁ་དོག་རྣམ་པ་གཉིས་ཡོད་པས་ཀྭའི་སེམས་ཅན་ཁོ་བོ་ནི་ཁ་དོག་དང་ལྡན་ལ། ཁྱོད་ནི་ཁ་དོག་
D1.003.0261a04.01ངན་པ་ཡིན་ནོ་ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་པར་བྱེད་དོ། །བདག་ཅག་ཁ་དོག་གི་མངོན་པའི་ང་རྒྱལ་ཅན་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་སའི་བཅུད་དེ་ནུབ་པར་གྱུར་ཏོ། །སའི་བཅུད་དེ་ནུབ་པ་ནས་ཞག་ཁ་དོག་
D1.003.0261a05.01ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ། བདག་ཅག་དེ་ཟ་ཞིང་དེ་ཟས་སུ་ཟ་བ་ལ་ཚེ་རིང་ཞིང་ཡུན་རིང་དུ་གནས་སོ། །བདག་ཅག་ལས་ཁ་ཟས་ཆེས་ཉུང་ངུ་ཟ་བ་གང་ཡིན་པ་དེ་ནི་ཁ་དོག་དང་ལྡན་པར་གྱུར། ཁ་ཟས་ཆེས་མང་
D1.003.0261a06.01དུ་ཟ་བ་གང་ཡིན་པ་དེ་ནི་ཁ་དོག་ངན་པར་གྱུར་ཏེ། ཟས་ཀྱི་ཚད་གཉིས་ལ་བརྟེན་ནས་ཁ་དོག་གི་རྣམ་པ་གཉིས་མངོན་ནོ། །ཁ་དོག་རྣམ་པ་གཉིས་ཡོད་པས་ཀྭའི་སེམས་ཅན་ཁོ་བོ་ནི་ཁ་དོག་དང་ལྡན་ལ། ཁྱོད་ནི་ཁ་དོག་ངན་པ་ཡིན་ནོ་ཞེས་སེམས་ཅན་གྱིས་སེམས་ཅན་
D1.003.0261a07.01