完整藏文原文 · 德格版页 当前仅加载第 3 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པའི་མིག་བགྲད་དེ་བསམས་པ། ནོར་གྱི་བདག་པོ་འདི་ལྟ་བུས་ནི་སྦྱིན་པ་བཏང་བར་ནུས་སོ་སྙམ་དུ་རིག་ནས་སྨྲས་པ། བུ་གལ་ཏེ་དེ་ལྟ་ན་ཅི་དགའ་བར་སྦྱིན་པ་བྱིན་ཅིག །འདི་ནི་ཆོས་ཉིད་ཡིན་ཏེ། ཇི་ཙམ་ཕ་གསོན་པ་དེའི་བར་དུ་བུའི་གྲགས་པ་མི་འབྱུང་བ་ཡིན་ནོ། །ཇི་ཙམ་དུས་གཞན་ཞིག་ན་ཁྱིམ་བདག་
D1.003.0194b01.01སྦྱིན་པ་ཤི་ནས་བཟང་སྦྱིན་ཁྱིམ་གྱི་རྗེ་བོར་གྱུར་ནས། དེ་རྟག་ཏུ་མགོན་མེད་པ་རྣམས་ལ་ཟས་སྦྱིན་པས་ཀུན་དུ་ཁྱིམ་བདག་སྦྱིན་པའི་བུ་བཟང་སྦྱིན་ཁྱིམ་གྱི་རྗེ་བོར་གྱུར་ཏེ། དེ་མགོན་མེད་པ་རྣམས་ལ་ཟས་སྦྱིན་ནོ་ཞེས་སྒྲ་གྲགས་པས་དེའི་མིང་ཁྱིམ་བདག་མགོན་མེད་ཟས་སྦྱིན་ཁྱིམ་བདག་མགོན་མེད་ཟས་སྦྱིན་ཞེས་
D1.003.0194b02.01བྱ་བར་གྲགས་སོ། །དེ་ནས་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་སོ་ཞེས་བྱ་བ་ནས་ཁྱེའུ་བདུན་བཙས་
D1.003.0194b03.01སོ་ཞེས་བྱ་བའི་བར་དུ་སྟེ། དེས་དྲུག་ལ་ཁྱིམ་ཕུབ་བོ། །བདུན་པ་ལེགས་སྐྱེས་ཞེས་བྱ་བ་དེའི་ཆུང་མ་རིགས་མཉམ་པ་ལས་ཆུང་མ་བཙལ་ན་མ་རྙེད་ནས་དེ་འགྲམ་པ་ལ་ལག་པ་གཏད་དེ་སེམས་ཁོང་དུ་ཆུད་ཅིང་འདུག་གོ། །དེའི་ནེའུ་ཟླ་བྲམ་ཟེའི་ཁྱེའུ་སྦྲང་རྩིའི་ཕུང་པོ་ཞེས་བྱ་བ་དེས་དེ་དེ་ལྟར་སེམས་ཁོང་དུ་ཆུད་པ་
D1.003.0194b04.01མཐོང་ནས་དེས་སྨྲས་པ། ཁྱིམ་བདག་ཁྱོད་ཅིའི་ཕྱིར་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག །དེས་སྨྲས་པ། བདག་གིས་བུ་དྲུག་ནི་ཁྱིམ་ཕུབས་ན་བདུན་པ་ལེགས་སྐྱེས་ཀྱི་ཆུང་མ་རིགས་མཉམ་པ་གང་ལས་འདི་ཁྱིམ་དབུབ་པ་གང་ཡིན་པ་དེ་སེམས་མོད། དེས་སྨྲས་པ། སེམས་
D1.003.0194b05.01ལས་ཆུང་ངུར་འདུག་ཤིག་དང་། འདིའི་ཆུང་མ་ཁོ་བོས་རིགས་མཉམ་པ་ལས་བཙལ་ལོ། །ཡུལ་གང་དུ། དེས་སྨྲས་པ། རེ་ཞིག་ཡུལ་མ་ག་དྷཱར་འགྲོའོ། །དེ་བཞིན་དུ་བྱོས་ཤིག །དེ་རྒྱལ་པོའི་ཁབ་ཏུ་ཕྱིན་པ་དང་རྒྱལ་པོའི་ཁབ་ན་ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ་ཁྱིམ་བདག་མགོན་
D1.003.0194b06.01མེད་ཟས་སྦྱིན་དང་མཚུངས་པ་གཞན་ཞིག་གནས་པ་དེའི་ཁྱིམ་དུ་ཞུགས་ནས་སྒོ་ཁང་དུ་འདུག་སྟེ་སྨྲས་པ། བཀྲ་ཤིས་པར་གྱུར་ཅིག །ཁྱིམ་དེའི་སྐྱེ་བོས་སྨྲས་པ། བྲམ་ཟེ་ཅི་ཞིག་སློང་། བུ་མོ་སློང་ངོ་། །སུའི་ཕྱིར། མཉན་ཡོད་ན་ཁྱིམ་བདག་མགོན་མེད་ཟས་སྦྱིན་གྱི་བུ་ལེགས་སྐྱེས་ཞེས་བྱ་བ་དེའིའོ། །
D1.003.0194b07.01