完整藏文原文 · 德格版页 当前仅加载第 3 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་རབ་གསལ་མེད་པར་བྱེད་པ་ཡིན་ཏེ། གཉིས་གང་ཞེ་ན། གང་ཞིག་ལྟུང་བ་འབྱིན་པ་དང་། གང་ཞིག་ལྟུང་བ་བྱུང་ནས་ཕྱིར་ཆོས་བཞིན་མི་འཆོས་པའོ། །གཉིས་ནི་སྡིག་པ་རྩ་ནས་མི་རྐོ། རྒྱུན་ནས་བཟློག་པ་ལ་མི་འབད། འབབ་ཆུ་དང་། འཁྲི་ཤིང་མི་སྐེམས། བདུད་
D1.003.0163b01.01དང་གཡུལ་མི་འགྱེད། བདུད་ཀྱི་རྒྱལ་མཚན་མི་སྙོལ། ཆོས་ཀྱི་རྒྱལ་མཚན་མི་སྒྲེང་། དེ་བཞིན་གཤེགས་པའི་ཆོས་དང་མཐུན་པའི་ཆོས་ཀྱི་འཁོར་ལོ་བསྐོར་བའི་རྗེས་སུ་མི་སྐོར་བ་ཡིན་ཏེ། གཉིས་གང་ཞེ་ན། གང་ཞིག་ལྟུང་བ་འབྱིན་པ་དང་། གང་ཞིག་ལྟུང་བ་བྱུང་ནས་
D1.003.0163b02.01ཕྱིར་ཆོས་བཞིན་མི་འཆོས་པའོ། །འཆར་ཀ་ལྟུང་བ་མ་བཤགས་ཤིང་སོ་སོར་མ་བཤགས་པ་འདིས་ཁྱོད་མི་རྟག་པའི་འདུ་ཤེས་དང་། མི་རྟག་པ་ལ་སྡུག་བསྔལ་བའི་འདུ་ཤེས་དང་། སྡུག་བསྔལ་བ་ལ་བདག་མེད་པའི་འདུ་ཤེས་དང་། ཟས་ལ་མི་མཐུན་པའི་འདུ་ཤེས་དང་།
D1.003.0163b03.01འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང་། ཉེས་དམིགས་ཀྱི་འདུ་ཤེས་དང་། སྤོང་བའི་འདུ་ཤེས་དང་། འདོད་ཆགས་དང་བྲལ་བའི་འདུ་ཤེས་དང་། འགོག་པའི་འདུ་ཤེས་དང་། འཆི་བའི་འདུ་ཤེས་དང་། མི་གཙང་བའི་འདུ་ཤེས་དང་། རྣམ་པར་
D1.003.0163b04.01སྔོས་པའི་འདུ་ཤེས་དང་། རྣམ་པར་རྣགས་པའི་འདུ་ཤེས་དང་། རྣམ་པར་བམ་པའི་འདུ་ཤེས་དང་། རྣམ་པར་འབུས་གཞིགས་པའི་འདུ་ཤེས་དང་། རྣམ་པར་ཟོས་པའི་འདུ་ཤེས་དང་། རྣམ་པར་དམར་བའི་འདུ་ཤེས་དང་། རུས་གོང་གི་འདུ་ཤེས་དང་། རྣམ་པར་འཐོར་
D1.003.0163b05.01བའི་འདུ་ཤེས་དང་། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཀྱི་སྣོད་དུ་མི་འགྱུར་ཞིང་། བསམ་གཏན་དང་པོ་དང་། གཉིས་པ་དང་། གསུམ་པ་དང་། བཞི་པ་དང་། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་དང་། ནམ་མཁའ་མཐའ་ཡས་སྐྱེ་མཆེད་དང་།
D1.003.0163b06.01རྣམ་ཤེས་མཐའ་ཡས་སྐྱེ་མཆེད་དང་། ཅི་ཡང་མེད་པའི་སྐྱེ་མཆེད་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང་། རྒྱུན་དུ་ཞུགས་པའི་འབྲས་བུ་དང་། ལན་གཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། རྫུ་འཕྲུལ་གྱི་ཡུལ་དང་། ལྷའི་རྣ་བ་དང་།
D1.003.0163b07.01