完整藏文原文 · 德格版页 当前仅加载第 3 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
བཏགས་ཏེ་འདུག་ལ། དེས་གང་གི་ཚེ་བརྒྱའམ་སྟོང་ཡོངས་སུ་བཏང་བ་དེའི་ཚེ་དེ་བཞིན་དུ་གང་བར་འདུག་སྟེ། ཡོངས་སུ་ཟད་པར་མི་འགྱུར་ཏེ། ལུག་གི་བུ་ནི་དེ་ལྟ་བུ་ཡིན་ནོ། །ལུག་གི་མནའ་མ་ཇི་ལྟ་བུ་ཞེ་ན། དེས་གཅིག་གི་དོན་དུ་དྲི་སྦྱར་ན་བརྒྱ་སྟོང་ཁྱེད་པར་འགྱུར་ཏེ། ལུག་གི་
D1.003.0028b01.01མནའ་མ་ནི་དེ་ལྟ་བུ་ཡིན་ནོ། །ལུག་གི་བྲན་ཕོ་ཇི་ལྟ་བུ་ཞེ་ན། དེས་གང་གི་ཚེ་ཞིང་ལ་རོལ་གཅིག་རྨོས་པ་དེའི་ཚེ་ཞིང་ལ་རོལ་བདུན་རྨོས་པར་འགྱུར་ཏེ། ལུག་གི་བྲན་ཕོ་ནི་དེ་ལྟ་བུ་ཡིན་ནོ། །ལུག་གི་བྲན་མོ་ནི་ཇི་ལྟར་བསོད་ནམས་ཆེ་བར་ཤེས་ཞེ་ན། དེ་གང་གི་ཚེ་འབྲས་གཏུན་གང་
D1.003.0028b02.01ཙམ་དྲུས་པ་དེའི་ཚེ་བདུན་ཙམ་དུ་སྐྱེས་པར་འགྱུར་ཏེ། དེ་ལྟར་ན་ལུག་གི་བྲན་མོ་བསོད་ནམས་ཆེ་བ་ཡིན་ནོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་ལུག་གདུལ་བའི་དུས་མཁྱེན་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་
D1.003.0028b03.01དགེ་སློང་དག་དེ་བཞིན་གཤེགས་པ་ནི་ལྗོངས་རྒྱུ་ཞིང་གྲོང་ཁྱེར་བཟང་བྱེད་དུ་གཤེགས་ཀྱིས། ཁྱེད་ཅག་ལས་གང་ཞིག་དེ་བཞིན་གཤེགས་པ་དང་ཐབས་ཅིག་ཏུ་ལྗོངས་རྒྱུ་ཞིང་གྲོང་ཁྱེར་བཟང་བྱེད་དུ་འདོང་བར་སྤྲོ་བ་དེ་ནི་ཆོས་གོས་རྣམས་ལོང་ཤིག་ཅེས་སྒོ་ཞིག །བཙུན་པ་བཀའ་བཞིན་
D1.003.0028b04.01འཚལ་ཞེས་ནས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ཀྱི་ལྟར་མཉན་ནས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ལྗོངས་རྒྱུ་ཞིང་གྲོང་ཁྱེར་བཟང་བྱེད་དུ་གཤེགས་ཀྱིས། ཁྱེད་ཅག་ལས་གང་ཞིག་དེ་བཞིན་གཤེགས་པ་དང་ཐབས་ཅིག་ཏུ་
D1.003.0028b05.01ལྗོངས་རྒྱུ་ཞིང་གྲོང་ཁྱེར་བཟང་བྱེད་དུ་འདོང་བར་སྤྲོ་བ་དེ་ནི་ཆོས་གོས་རྣམས་ལོང་ཤིག །ཚེ་དང་ལྡན་པ་བཀའ་བཞིན་འཚལ་ཞེས་དགེ་སློང་དེ་རྣམས་ཀྱིས་ཚེ་དང་ལྡན་པ་ཀུན་དགའ་བོ་ལས་མཉན་ཏོ། །དེ་ནས་བཅོམ་ལྡན་འདས་དུལ་བ། འཁོར་དུལ་བ། ཞི་བ། འཁོར་ཞི་བ།
D1.003.0028b06.01དགྲ་བཅོམ་པ། འཁོར་དགྲ་བཅོམ་པ་དང་ལྗོངས་རྒྱུ་ཞིང་གྲོང་ཁྱེར་བཟང་བྱེད་དུ་གཤེགས་སོ། །གང་གི་ཚེ་བཅོམ་ལྡན་འདས་ཀྱིས་མཉན་ཡོད་དུ་ཆོ་འཕྲུལ་ཆེན་པོ་བསྟན་པ་དེའི་ཚེ་མུ་སྟེགས་ཅན་རྣམས་མཐའ་འཁོབ་ཏུ་དོང་བ་ལས་དེ་ནས་ཁ་ཅིག་གྲོང་ཁྱེར་བཟང་བྱེད་དུ་དོང་ནས་
D1.003.0028b07.01