完整藏文原文 · 德格版页 当前仅加载第 3 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བསྒོ་བ། ཤེས་ལྡན་དག་དཔྱད་བྱོས་ཤིག །དེ་རྣམས་ཀྱིས་སྨྲས་པ། ལྷ་འདིའི་སྨན་ནི་དཀོན་ལགས་སོ། །རྒྱལ་པོས་སྨྲས་པ། དཀོན་པ་དེ་དག་ཅི་འདྲ་བ་ཞིག་ཡིན། ལྷ་གང་ཞིག་བཙས་ཚུན་ཆད་སྔོན་ལན་འགའ་ཡང་སུ་ལ་ཡང་ཁྲོ་མ་མྱོང་བ་དེའི་ཁྲག་ལས་ནས་
D1.003.0108b01.01ཐུག་བགྱིས་ཏེ་ཟླ་བ་དྲུག་ཏུ་སྩལ་ན་དེ་ལྟ་ན་འདི་སོས་པར་འགྱུར་ལགས་ཀྱི་གཞན་གྱིས་མ་ལགས་སོ། །རྒྱལ་པོས་སྨྲས་པ། དེའི་སྨན་དཀོན་པ་ནི་བདེན་ནོ། །དེ་ནས་བདག་ཉིད་ཀྱི་སྤྱོད་པ་ལ་བརྟག་པར་བརྩམས་ན་བདག་ཉིད་ཀྱི་སྤྱོད་པ་ལ་བརྟག་པར་དཀའ་བར་གྱུར་ནས་དེས་མ་
D1.003.0108b02.01མ་ལ་དྲི་བར་བརྩམས་པ། མ་མ་ང་དུས་འདི་སྲིད་ཀྱི་བར་དུ་སྔོན་ལན་འགའ་ཡང་ཁྲོས་པ་ཡོད་དམ་གཞོན་ནུ་ཁྱོད་གང་གི་ཚེ་བདག་གི་པང་དུ་བྱོན་པ་དེ་ནས་བདག་ཀྱང་སྔོན་སུ་ལ་ཡང་ལན་འགའ་ཡང་ཁྲོ་མ་མྱོང་ན། ཁྱོད་ལྟ་སྨོས་ཀྱང་ཅི་འཚལ། དེ་ནས་མའི་དྲུང་དུ་སོང་ནས་སྨྲས་
D1.003.0108b03.01པ། ཡུམ་བདག་དུས་འདི་སྲིད་ཀྱི་བར་དུ་སྔོན་སུ་ལ་ཡང་འགའ་ལ་ཁྲོས་པ་མཆིས་སམ། གཞོན་ནུ་ཁྱོད་གང་གི་ཚེ་བདག་གི་རུམ་དུ་ཞུགས་པ་དེ་ནས་བདག་ཀྱང་སུ་ལ་ཡང་ཁྲོ་མ་མྱོང་ན་ཁྱོད་ལྟ་སྨོས་ཀྱང་ཅི་དགོས། དེས་བསམས་པ། སྨན་རྙེད་དོ་སྙམ་དུ་རིག་ནས་དེས་སྨན་པ་
D1.003.0108b04.01རྣམས་ལ་བསྒོ་བ། ཤེས་ལྡན་དག་ངས་རང་ལ་བརྟགས་ན་ང་སྔོན་སུ་ལ་ཡང་ཁྲོ་མ་མྱོང་བས་ངའི་ཡན་ལག་ལྔའི་རྩ་གཏོར་ཅིག །ལྷ་བདག་ཅག་ནི་མི་ཕལ་པ་ཞིག་གི་དོན་དུ་ལྷའི་སྐུ་ལ་མཚོན་མི་འདེབས་སོ། །བྱང་ཆུབ་སེམས་དཔའ་རྣམས་ནི་བཟོའི་གནས་དང་ལས་ཀྱི་གནས་
D1.003.0108b05.01དེ་དང་དེ་རྣམས་ལ་མཁས་པ་ཡིན་པས་རྒྱལ་པོ་རང་ཉིད་ཀྱིས་རྩ་གཏར་ཏེ། ཁྲག་དེས་ཟླ་བ་དྲུག་ཏུ་ཉི་མ་རེ་རེ་ཞིང་དེ་ལ་ནས་ཐུག་བླུད་པས་སོས་པར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོ་གང་ཡིན་པ་དེ་ནི་ང་ཉིད་ཡིན་ཏེ། དེ་ན་ཡང་ང་ནད་པ་
D1.003.0108b06.01རྣམས་ལ་བྱམས་པར་བྱེད་ན། ད་ལྟ་ལྟ་ཞིག་སྨོས་ཀྱང་ཅི་དགོས། གཞན་ཡང་ཤི་བིའི་བུ་གཞོགས་ཕྱེད་སྐམས་པར་གྱུར་ནས་རྒྱལ་པོས་སྨན་པ་རྣམས་ལ་བསྒོ་བ། ཤེས་ལྡན་དག་གཞོན་ནུའི་དཔྱད་གྱིས་ཤིག །དེ་རྣམས་ཀྱིས་སྨྲས་པ། ལྷ་བཅུད་ཐམས་ཅད་མར་དང་སྒྲོལ་
D1.003.0108b07.01