完整藏文原文 · 德格版页 当前仅加载第 3 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
མནན་པ་དེའི་ཚེ་ས་རྣམ་པ་དྲུག་ཏུ་གཡོས་ཏེ། ས་ཆེན་པོ་འདི་གཡོས། ཀུན་དུ་གཡོས། ཀུན་དུ་རབ་ཏུ་གཡོས། ལྡེག་རབ་ཏུ་ལྡེག །ཀུན་དུ་རབ་ཏུ་ལྡེག་སྟེ། ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་
D1.003.0205a01.01མཐོ་ན་བྱང་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། མཐའ་མཐོ་ན་དབུས་དམའ། དབུས་མཐོ་ན་མཐའ་དམའ་བར་གྱུར་ནས། འཇིག་རྟེན་འདི་ཐམས་ཅད་འཇིག་རྟེན་གྱི་བར་དང་བཅས་ཏེ་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །བར་སྣང་ལ་ཡང་ལྷའི་རྔ་བརྡུང་
D1.003.0205a02.01ཞིང་ནམ་མཁའི་དཀྱིལ་ན་གནས་པའི་ལྷས་ནི་སྟེང་ནས་ལྷའི་མེ་ཏོག་ཨུཏྤལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། ཨ་ཀ་རུའི་ཕྱེ་མ་དང་། རྒྱ་སྤོས་ཀྱི་ཕྱེ་མ་དང་། ཙན་དན་གྱི་ཕྱེ་མ་དང་། གུར་གུམ་གྱི་ཕྱེ་མ་དང་། ཏ་མ་ལའི་ལོ་མ་དང་། ལྷའི་མེ་ཏོག་མན་དཱ་ར་བ་དག་འཐོར་
D1.003.0205a03.01ཞིང་ལྷའི་གོས་རྣམས་ཀྱང་འཐོར་རོ། །བཅོམ་ལྡན་འདས་གྲོང་ཁྱེར་དུ་གཤེགས་པ་ན་འདི་དག་དང་གཞན་ཡང་ཡ་མཚན་འདི་ལྟ་བུ་དག་བྱུང་བར་གྱུར་ཏོ། །གཞན་ཡང་དོག་པ་རྣམས་ནི་ཡངས་པར་གྱུར་ཏོ། །དམའ་བ་རྣམས་ནི་མཐོན་པོར་གྱུར་ཏོ། །མཐོན་པོ་རྣམས་ནི་མཉམ་པར་གྱུར་ཏོ། །གླང་པོ་ཆེ་
D1.003.0205a04.01ཡང་སྐད་འབྱིན། རྟ་ཡང་སྐད་འབྱིན། ཁྱུ་མཆོག་རྣམས་ཀྱང་སྐད་འབྱིན་ཏོ། །ཁང་པ་ན་ཡོད་པའི་རོལ་མོའི་ཆ་བྱད་སྣ་ཚོགས་པ་རྣམས་ཀྱང་རང་སྒྲ་འབྱིན་ཏོ། །ལོང་བ་རྣམས་ཀྱིས་ནི་མིག་ཐོབ་བོ། །འོན་པ་རྣམས་ཀྱིས་རྣ་བས་ཐོས་སོ། །ལྐུགས་པ་རྣམས་ཀྱིས་ནི་སྨྲ་ནུས་པར་གྱུར་ཏོ། །དབང་པོ་མ་
D1.003.0205a05.01ཚང་བ་རྣམས་ནི་དབང་པོ་རྣམས་ཚང་བར་གྱུར་ཏོ། །ཆང་གིས་མྱོས་པ་རྣམས་ནི་མྱོས་པ་དང་བྲལ་བར་གྱུར་ཏོ། །དུག་འཐུངས་པ་རྣམས་ནི་དུག་ཞི་བར་གྱུར་ཏོ། །ཕན་ཚུན་ཁོན་བྱུང་བ་རྣམས་ནི་བྱམས་པ་ཐོབ་པར་གྱུར་ཏོ། །སྦྲུམ་མ་རྣམས་ནི་བདེ་བར་བཙས་པར་གྱུར་ཏོ། །བཙོན་དུ་བཅིངས་པ་རྣམས་
D1.003.0205a06.01ནི་བཅིངས་པ་ལས་ཐར་ཏོ། །ནོར་མེད་པ་རྣམས་ནི་ནོར་རྙེད་དེ། འདི་དག་དང་གཞན་ཡང་བཅོམ་ལྡན་འདས་གྲོང་ཁྱེར་དུ་གཤེགས་པ་ན་ངོ་མཚར་བརྒྱ་སྟོང་དག་བྱུང་བར་གྱུར་ཏོ། །དེ་ནས་བཅོམ་ལྡན་འདས་བཀུར་སྟི་ཆེན་པོ་དེ་ལྟ་བུས་མཉན་ཡོད་དུ་གཤེགས་སོ། །གཤེགས་ནས་དགེ་སློང་གི་
D1.003.0205a07.01