完整藏文原文 · 德格版页 当前仅加载第 3 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་ནས་དེ་རྣམས་ཡིད་གཉིས་སུ་གྱུར་ཏེ་རྒྱལ་པོ་ལ་སྨྲས་པ། ལྷ་སུ་ལ་ཕྱག་བགྱིས། བཅོམ་ལྡན་འདས་ཀྱི་ཉན་ཐོས་ལའོ། །ལྷ་དེ་ནི་བཅོམ་ལྡན་འདས་ཀྱི་ཉན་ཐོས་མ་ལགས་ཏེ། འཚོ་བ་པ་ལགས་སོ། །དེ་ནས་རྒྱལ་པོ་གཟུགས་ཅན་སྙིང་པོས་འདི་སྙམ་དུ་སེམས་ཏེ། བདག་
D1.003.0070b01.01གི་དོན་འདི་ཁོ་ན་གསོལ་ལོ་སྙམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་
D1.003.0070b02.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གི་ཀུན་ཏུ་སྤྱོད་པ་ནི་དགེ་སློང་ངམ་དགེ་སློང་མ་མཐོང་ན་གླང་པོ་ཆེ་ལ་བབས་ནས་དེའི་རྐང་པ་ལ་ཕྱག་བགྱིད་པ་ལགས་པས། དེ་རིང་བདག་གུས་པ་སྐྱེས་ནས་གླང་པོ་ཆེ་ལས་བབས་ཏེ་དགེ་སློང་ལགས་སྙམ་ནས་འཚོ་བ་
D1.003.0070b03.01པའི་རྐང་པ་ལ་གཏུགས་ལགས་ཀྱིས། ཀྱེ་མའོ་བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ། འཕགས་པ་རྣམས་ཀྱི་ཆོས་གོས་རྣམས་ལ་མཚན་མ་ཅུང་ཟད་ཅིག་གདབ་ཏུ་གསོལ། བཅོམ་ལྡན་འདས་ཀྱིས་རྒྱལ་པོ་གཟུགས་ཅན་སྙིང་པོ་ལ་ཅང་མི་གསུང་བས་གནང་ངོ་། །དེ་
D1.003.0070b04.01ནས་རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་སོང་ངོ་། །དེ་ན་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འཚོ་བ་པ་གང་གིས་བདེན་པ་མཐོང་བ་
D1.003.0070b05.01ལས་ཕྱག་བདག་གིར་བྱས་པ་ནི་ཉམས་ཏེ་མ་རུང་ངོ་། །དེའི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་བསིལ་ཡབ་ཐོགས་ཏེ། བཅོམ་ལྡན་འདས་ལ་གཡོབ་ཅིང་འདུག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་
D1.003.0070b06.01དགའ་བོ་ཁྱོད་ཀྱིས་ལུས་འཕགས་ཀྱི་རི་བོ་མཐོང་ངམ། བཙུན་པ་མ་མཐོང་ལགས་སོ། །དེ་བཞིན་གཤེགས་པའི་ན་བཟའ་ཆོས་གོས་ཀྱི་མཐའ་ནས་ཟུང་ཤིག །དེས་བཟུང་བ་དང་། དེ་ནས་བཅོམ་ལྡན་འདས་ཀྱིས་རྒྱལ་པོའི་ཁབ་ནས་མི་སྣང་བར་མཛད་པས་དེ་ཉིད་ནས་རྫུ་འཕྲུལ་གྱིས་
D1.003.0070b07.01