完整藏文原文 · 德格版页 当前仅加载第 3 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིད་པ། རྩོད་པའི་གཞི་བགྱིད་པ་རྣམས་མཆི་ཞིང་། དེ་དག་ངོ་ཚ་མ་མཆིས་པས་ཐོ་བཙམ་པའི་སླད་དུ་བདག་ཅག་ལ་གླེང་བར་བགྱིད་དྲན་པར་བགྱིད་དོ་ཞེས་ཐོས་ན། དེ་རྣམས་ཀྱིས་དེ་དག་ལ་ཇི་ལྟར་བསྒྲུབ་པར་བགྱི། ཉེ་བ་འཁོར་དགེ་སློང་གཉུག་མར་གནས་པ་རྣམས་ཀྱིས་
D1.003.0214b01.01དགེ་སློང་འཐབ་ཀྲོལ་བྱེད་པ་རྣམས་འོང་ངོ་ཞེས་ཐོས་ན། གནས་མལ་བསྐོ་བ་གསུམ་དང་། གནས་མལ་གཟུང་བ་དྲུག་བྱའོ། །གནས་མལ་བསྐོ་བ་གསུམ་གང་ཞེ་ན། དགུན་གྱི་དང་། དཔྱིད་ཀྱི་དང་། དབྱར་གྱིའོ། །གནས་མལ་གཟུང་བ་དྲུག་གང་ཞེ་ན། གཙུག་
D1.003.0214b02.01ལག་ཁང་ཐམས་ཅད་དང་། གཙུག་ལག་ཁང་གི་ཉེ་འཁོར་ཐམས་ཅད་དང་། ཁང་ཕྲན་ཐམས་ཅད་དང་། ཁང་ཕྲན་གྱི་ཉེ་འཁོར་ཐམས་ཅད་དང་། ཀུན་དགའི་ར་བ་ཐམས་ཅད་དང་། ཀུན་དགའི་ར་བའི་ཉེ་འཁོར་ཐམས་ཅད་བསྐོ་བར་བྱའོ། །གལ་ཏེ་གཙུག་ལག་ཁང་
D1.003.0214b03.01སྐོས་ཤིག་ཅེས་ཟེར་ན་འདི་བསྐོས་ཟིན་ནོ་ཞེས་བརྗོད་པར་བྱ་ཞིང་། གཙུག་ལག་ཁང་གི་ཉེ་འཁོར་སྐོས་ཤིག་ཞེ་ན། འདི་ཡང་བསྐོས་ཟིན་ནོ། །ཁང་ཕྲན་སྐོས་ཤིག་ཅེ་ན། འདི་ཡང་བསྐོས་ཟིན་ནོ། །ཁང་ཕྲན་གྱི་ཉེ་འཁོར་སྐོས་ཤིག་ཅེ་ན། འདི་ཡང་བསྐོས་ཟིན་ནོ། །
D1.003.0214b04.01ཀུན་དགའི་ར་བ་སྐོས་ཤིག་ཅེ་ན། འདི་ཡང་བསྐོས་ཟིན་ནོ། །ཀུན་དགའི་ར་བའི་ཉེ་འཁོར་སྐོས་ཤིག་ཅེ་ན། འདི་ཡང་བསྐོས་ཟིན་ནོ་ཞེས་བརྗོད་པར་བྱའོ། །དེ་རྣམས་གནས་མེད་དེ་མི་གནས་ན་གང་ལ་ཉེས་པ་སྐྱེད་པར་འགྱུར། དེ་ནས་སྡོ་བ་རྣམས་མེད། ཕྱིར་རྒོལ་བ་
D1.003.0214b05.01རྣམས་མེད། མི་མཛའ་བ་རྣམས་མེད་ནས་དེའི་འོག་ཏུ་རྒན་རིམས་ཇི་ལྟ་བ་བཞིན་དུ་གནས་མལ་བསྐོ་བར་བྱའོ། །བཅོམ་ལྡན་འདས་ཀྱིས་རྒན་རིམས་ཇི་ལྟ་བ་བཞིན་དུ་གནས་མལ་བསྐོ་བར་བྱའོ་ཞེས་གསུངས་པ་དང་། ཇི་ཙམ་ན་དགེ་སློང་ནད་པ་གཅིག་ཅིག་ཡོད་པ་དེ་བས་ཆེས་
D1.003.0214b06.01རྒན་པའི་དགེ་སློང་ཞིག་འོངས་ནས་རྒན་རིམས་ཇི་ལྟ་བ་བཞིན་དུ་དེའི་གནས་ཁང་བསྐོས་ཏེ། དེ་ནི་ཐམས་ཅད་པས་གཞོན་པས་དེའི་གནས་ཁང་གཞན་ནི་མ་ཐོབ་བོ། །དགེ་སློང་དེས་དེ་ལ་སྨྲས་པ། ཚེ་དང་ལྡན་པ་གནས་ཁང་འདི་ཁོ་བོའི་ཡིན་པར་བསྐོས་ཀྱིས་བྱུང་ཤིག །དེས་
D1.003.0214b07.01