完整藏文原文 · 德格版页 当前仅加载第 3 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་སྟེ། དེ་ལ་བསོད་སྙོམས་ཀྱིས་བྲེལ་བ་མེད་པར་བྱའོ། །མ་བྱིན་པར་ལེན་པ་རྣམས་ཀྱིས་དགེ་སློང་གཞན་ཁྲིད་དེ་འོངས་ནས། དེས་སྒོ་ཕྱེ་ཞེས་སྨྲས་ནས། བཅོམ་ལྡན་འདས་ཀྱིས་བཀའ་སྩལ་པ། རིམས་དང་བཅས་སམ། རིམས་མེད་ཅེས་བརྡ་བྱའོ། །གལ་ཏེ་རིམས་
D1.003.0212b01.01དང་བཅས་སོ་ཞེས་ཟེར་ན་མི་དབྱེའོ། །འོན་ཏེ་རིམས་མེད་ཅེས་སྨྲ་ན་དབྱེ་བར་བྱའོ། །གཞན་ཡང་དགེ་སློང་དགོན་པ་པས་ལོ་མ་ལྟར་མཉེན་པ་གཞག་པར་བྱའོ། །བཅོམ་ལྡན་འདས་ཀྱིས་དགེ་སློང་དགོན་པ་པས་ལོ་མ་ལྟར་མཉེན་པ་གཞག་པར་བྱའོ་ཞེས་གསུངས་པ་དང་། དགེ་སློང་རྣམས་
D1.003.0212b02.01ཀྱིས་ལོ་མ་ལྟར་མཉེན་པ་ཅི་འདྲ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལོ་མ་ལྟར་མཉེན་བ་ནི་ཁྱི་ཡིན་ཏེ། དེ་ལ་ལྷུང་བཟེད་ཀྱི་ལྷག་མ་སྦྱིན་པར་བྱའོ། །དགེ་སློང་དགོན་པ་པ་རྣམས་ཀྱིས་ཁྱི་བཅངས་པ་ལས་མཆོད་རྟེན་གྱི་འཁོར་ས་དང་། གཙུག་ལག་
D1.003.0212b03.01ཁང་སྡེར་མོས་བྲུད་ཅིང་བཤང་བ་དང་གཅི་བས་མ་རུང་བར་བྱས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་དགེ་སློང་ཁྱི་སྲེལ་བའི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་ཁྱི་སྲེལ་བས་ནང་པར་སྔར་ལངས་ལ་མཆོད་རྟེན་གྱི་འཁོར་ས་དང་། གཙུག་ལག་ཁང་
D1.003.0212b04.01བྱུལ་བར་བྱ་སྟེ། སྡེར་མོས་བྲུད་པ་གང་ཡིན་པ་དེ་སྙོམས་པར་བྱའོ། །བཤང་བ་དང་གཅིས་པ་ཡང་ཕྱག་པར་བྱའོ། །དགེ་སློང་ཁྱི་སྲེལ་བས་ཀུན་དུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །དེའི་ཚེ་ཚེ་དང་ལྡན་པ་
D1.003.0212b05.01ཉེ་དགའ་གཙུག་ལག་ཁང་ཞིག་གི་དགེ་འདུན་གྱི་གནས་བརྟན་དུ་གྱུར་པ་དང་། ཇི་ཙམ་ན་དེར་དགེ་འདུན་གྱི་གནས་བརྟན་གཞན་ཞིག་འོངས་ནས་ཉེ་{དགའས་,དགས་}བསམས་པ། བདག་གཙུག་ལག་ཁང་འདིའི་དགེ་འདུན་གྱི་གནས་བརྟན་བྱེད་བྱེད་པ་ལས་གནས་བརྟན་གཉིས་པར་བྱ་བའམ།
D1.003.0212b06.01བདག་གཙུག་ལག་ཁང་གཞན་དུ་འགྲོའོ་སྙམ་པ་ལས། གཙུག་ལག་ཁང་དེ་ནས་བྱུང་སྟེ། དེ་གཙུག་ལག་ཁང་གཞན་ཞིག་ཏུ་སོང་བ་དང་། དགེ་འདུན་དེའི་གནས་བརྟན་གཉིས་པའི་རྙེད་པ་གང་ཡིན་པ་དེ་དེའི་དགེ་འདུན་གྱི་གནས་བརྟན་གྱི་ཡིན་ནས་དེས་བསམས་པ། བདག་
D1.003.0212b07.01