完整藏文原文 · 德格版页 当前仅加载第 3 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་འདི་དག་གིས་འབྲིང་གིས་བསྒྲུབས་ཀྱིས་ལྷས་འདི་ལ་དགོངས་ཤིག །རྒྱལ་པོ་རྣམས་ནི་ཁུ་མ་ཕྲིག་ཅན་ཡིན་པས་སྙིང་ལ་བཞག་སྟེ་སླར་མདུན་ན་འདོན་ལ་དྲིས་པ་དེ་ལ་ཇི་ལྟར་བསྒྲུབ་པར་བྱ། དེས་སྨྲས་པ། ལྷ་དེ་ལ་ཇི་ལྟར་བསྒྲུབ་པར་བགྱི། གལ་ཏེ་དེ་དག་འཚལ་བར་
D1.003.0080b01.01གྱུར་ན། ལྷ་རྒྱལ་སྲིད་ནས་ཕྱུང་ནས་རང་ཉིད་རྒྱལ་སྲིད་བགྱིད་པར་འགྱུར་རོ། །རྒྱལ་པོ་ཇེ་མི་དགའ་ནས་བསམས་པ། དེ་ལྟར་འགྱུར་སྲིད་ཀྱིས་ཇི་ལྟར་གསད་པར་བྱ་ཞེ་ན། ཐབས་བཤམ་པ་སེམས་ཤིང་གསང་འཕེལ་དུ་དོགས་པས་སུ་ལ་ཡང་མི་འདྲི་བར་དེ་བདག་ཉིད་ཀྱིས་
D1.003.0080b02.01དཔྱད་པ་ལས་བློ་སྐྱེས་པ་འདི་ཁོ་ནར་མགྲོན་དུ་བོས་ལ་བསྟུངས་ཏེ་གཏང་ངོ་སྙམ་ནས་དེས་ས་ག་མ་ལ་སྤྲིང་བ། ཆེ་ཞེའི་བུ་རྣམས་སང་འདིར་ཟན་ཟོ་ཤིག །དེས་བསམས་པ། སང་ནི་བུ་རྣམས་ཞང་པོའི་དེར་ཟ་བར་འགྱུར་གྱིས། བདག་གིས་ཀྱང་སངས་རྒྱས་ལ་སོགས་པ་དགེ་
D1.003.0080b03.01སློང་གི་དགེ་འདུན་གདུགས་ཚོད་གསོལ་ལོ་སྙམ་དུ་བསམས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་བཅོམ་ལྡན་འདས་ཀྱིས་རི་
D1.003.0080b04.01དགས་འཛིན་གྱི་མ་ས་ག་མ་ལ་ཆོས་དང་ལྡན་པའི་གཏམ་གྱིས་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་དུའོ། །དེ་ནས་{རི་དགས་,རི་དྭགས་}འཛིན་གྱི་མ་ས་ག་མ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་
D1.003.0080b05.01ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཀྱིས་ཅང་མི་གསུང་བས་{རི་དགས་,རི་དྭགས་}
D1.003.0080b06.01འཛིན་གྱི་མ་ས་ག་མ་ལ་གནང་ངོ་ཞེས་བྱ་བ་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ་ཞེས་བྱ་བའི་བར་གོང་མ་བཞིན་དུའོ། །རྒྱལ་པོའི་ཕོ་ཉ་དེ་རྣམས་ཀྱིས་དྲུང་དུ་འོངས་ནས་ཁྱེའུ་ཤོག་ཤིག་ཅེས་བོས་སོ། །དེ་ནས་རྒྱལ་པོས་དུག་ཧ་ལ་ཧ་ལ་དང་
D1.003.0080b07.01