完整藏文原文 · 德格版页 当前仅加载第 3 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་སྲོག་དང་ཕྲལ་ལོ། །ཇི་ཙམ་ན་མ་སྟེས་ཏེ་ཆོམ་རྐུན་པ་ལྔ་བརྒྱ་རི་འོར་ཞིག་བཅོམ་ནས་ཕྱོགས་དེར་ཕྱིན་པ་དང་། དེ་རྣམས་ཀྱིས་གླང་པོ་ཆེ་དེ་མཐོང་ངོ་། །མུ་གེ་དང་བཅས་པའི་དུས་བྱུང་བས་དེ་རྣམས་ཀྱིས་སྨྲས་པ། ཤེས་ལྡན་དག་ཤ་འདི་རྙེད་ཀྱིས་ཉིས་བརྒྱ་ལྔ་བཅུས་ནི་གླང་པོ་ཆེའི་
D1.003.0103b01.01ཤ་བཅད་ལ་བཙོའོ། །ཉིས་བརྒྱ་ལྔ་བཅུས་ནི་ཆུ་བླང་ངོ་། །དེ་ན་གླང་པོ་ཆེའི་ཤ་གཅོད་ཅིང་འཚེད་པ་གང་ཡིན་པ་དེ་རྣམས་འདི་སྙམ་དུ་སེམས་ཏེ། ཤེས་ལྡན་དག་བདག་ཅག་འདི་འདྲ་བའི་ལས་བྱས་པས་རྐུན་རྫས་རབ་ཏུ་མང་པོ་འདི་གྲུབ་ཀྱིས་དེ་དག་ལ་ཅིའི་ཕྱིར་སྦྱིན། ཤ་ལས་ཅི་
D1.003.0103b02.01ཡོག་པ་ཟོས་ལ་ལྷག་མ་དུག་གིས་གདབ་བོ། །དེ་དག་གིས་ཤ་དུག་ཅན་ཟོས་པ་དང་འཆི་བས་རྐུན་རྫས་བདག་གིར་འགྱུར་རོ་ཞེས་དེ་རྣམས་ཀྱིས་ཅི་ཡོག་པའི་ཤ་ཟོས་ནས་ལྷག་མ་དུག་གིས་བཏབ་བོ། །གང་དག་ཆུ་ལ་དོང་པ་དེ་རྣམས་ཀྱིས་ཀྱང་དེ་བཞིན་དུ་དཔྱད་ནས་ཆུ་ཅི་ཡོག་པ་འཐུངས་
D1.003.0103b03.01ནས་ལྷག་མ་དུག་བླུགས་ཏེ་འོངས་ནས་གང་དག་གིས་ནི་ཤ་ཟོས་པ་དེ་རྣམས་ཀྱིས་ཀྱང་ཆུ་འཐུངས་ལ། གང་དག་ཆུ་འཐུངས་པ་དེ་དག་གིས་ཀྱང་ཤ་ཟོས་ནས་ཐམས་ཅད་ཤི་བར་གྱུར་ཏོ། །ཇི་ཙམ་ན་ཝ་ཞིག་དུས་ཀྱི་ཞགས་པས་བཅིངས་ནས་ཕྱོགས་དེར་འོངས་ནས་དེས་རོ་དེ་དག་ཐམས་
D1.003.0103b04.01ཅད་མཐོང་ངོ་། །དེ་ནས་ཆགས་པས་བསྐྱེད་པའི་ཡིད་བདེ་བས་བསམས་པ། བདག་ལ་རྙེད་པ་ཕལ་མོ་ཆེ་ཡོད་ཀྱིས་རིམ་བཞིན་དུ་བྱའོ་སྙམ་ནས། དེས་གཞུ་མཆོག་ཁར་བཅུག་སྟེ་གཞུ་རྒྱུད་ཀྱི་རྟོད་པ་རྒྱུས་པ་བཅའ་བར་བརྩམས་ཏེ། དེ་ནས་རྒྱུས་པ་ཆོད་པ་དང་མཆོག་མས་
D1.003.0103b05.01རྐན་ལ་ཟུག་ནས་ཤི་བར་གྱུར་ཏོ། །ལྷས་ཚིགས་སུ་བཅད་པས་སྨྲས་པ། བསགས་པར་ཡང་ནི་བྱ་བ་སྟེ། །ལྷག་པར་བསགས་པར་མི་བྱའོ། །སོགས་ལ་ཆགས་པའི་ཝ་ལོང་བ། །གཞུ་ཡིས་བསད་པར་གྱུར་ལ་ལྟོས། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་
D1.003.0103b06.01དུས་ཀྱི་ཝ་གང་ཡིན་པ་དེ་ནི་ཉེ་དགའ་འདི་ཉིད་ཡིན་ཏེ། དེ་ན་ཡང་འདི་ལྷག་པར་ཆགས་པས་ཤིའོ། །ད་ལྟར་ཡང་འདི་ལྷག་པར་ཆགས་པས་ཤི་བར་གྱུར་ཏོ། །གླེང་གཞི་ནི་མཉན་ཡོད་ནའོ། །དེའི་ཚེ་དགེ་སློང་ནད་ཀྱིས་ཐེབས་པ་སྡུག་བསྔལ་བ་ནད་ཚབས་ཆེ་བ་ཞིག་ཡོད་པ་དེ་
D1.003.0103b07.01