完整藏文原文 · 德格版页 当前仅加载第 3 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། བརྟགས་ཏེ་སྤྱོད་པ་དང་། ཅུང་ཟད་སྤྱོད་པ་ནི་ལེགས་སོ་ལེགས་སོ། །དེ་ནས་བཅོམ་ལྡན་འདས་ཀྱིས་དད་པས་བྱིན་པ་ལ་བག་ཡོད་པས་སྤྱད་པར་བྱ་བའི་བསྔགས་པ་གསུངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་འདུན་གྱི་གནས་མལ་ལ་གདིང་
D1.003.0088b01.01བ་མེད་པར་ལོངས་སྤྱད་པར་མི་བྱའོ། །གནས་མལ་མི་གཙང་བས་གོས་ན་དེའི་མོད་ཁོ་ན་ལ་བཀྲུ་བར་བྱ་སྟེ། གཞན་དུ་ན་འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས་ལྷུང་བཟེད་དང་ཆོས་གོས་བསྣམས་ནས་ཞབས་འབྲིང་བྱེད་པའི་
D1.003.0088b02.01དགེ་སློང་ཚེ་དང་ལྡན་པ་ཀུན་དགའ་བོ་དང་། ཡངས་པ་ཅན་དུ་བསོད་སྙོམས་ལ་ཞུགས་པ་ལས། བཅོམ་ལྡན་འདས་ཀྱིས་མི་རྒྱབ་ནག་པོར་གྱུར་པ་ཞིག་རྒྱང་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་
D1.003.0088b03.01ཁྱོད་ཀྱིས་མི་རྒྱབ་ནག་པོ་ཕ་བི་མཐོང་ངམ། བཙུན་པ་མཐོང་ལགས་སོ། །ཀུན་དགའ་བོ་མི་ཕ་བི་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་རབ་ལ་རབ་ཏུ་བྱུང་བར་གྱུར་ཏེ། དེ་ནས་འདིས་དགེ་འདུན་གྱི་གནས་མལ་ལ་མིང་ཙམ་གྱི་གདིང་བ་དང་། དྲི་མ་ཅན་གྱི་
D1.003.0088b04.01གདིང་བ་དང་། ཤུར་བུ་དང་། རྒྱ་ཅང་དང་། ལྕུག་གུའི་གདིང་བས་བཏིང་ནས་ལོངས་སྤྱད་པ་དེའི་ལས་ཀྱི་རྣམ་པར་སྨིན་པས་ཚེ་རབས་ལྔ་བརྒྱར་རྒྱབ་ནག་པོར་གྱུར་ཏོ། །ད་དུང་ཡང་རྒྱབ་ནག་པོར་གྱུར་ཏོ་ཞེས་རིག་པར་མཛད་ནས་ཡངས་པ་ཅན་དུ་བསོད་སྙོམས་མཛད་དོ་ཞེས་བྱ་བ་
D1.003.0088b05.01ནས་ནང་དུ་ཡང་དག་འཇོག་ལས་བཞེངས་ནས་ཞེས་བྱ་བའི་བར་གོང་མ་བཞིན་དུའོ། །དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་རིང་ང་སྔ་དྲོ་ཤམ་
D1.003.0088b06.01ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་ཡངས་པ་ཅན་དུ་བསོད་སྙོམས་ལ་ཞུགས་པ་ལས། དེ་ན་ངས་མི་རྒྱབ་ནག་པོར་འདུག་པ་ཞིག་མཐོང་སྟེ། དེ་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་རབ་ལ་དགེ་སློང་དུ་གྱུར་པ་ལས་དེ་ན་དེས་དགེ་འདུན་གྱི་
D1.003.0088b07.01