完整藏文原文 · 德格版页 当前仅加载第 3 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
གོས་དང་། ཆོས་གོས་ཟེགས་པ་དང་། ཆོས་གོས་རྙིངས་པ་དང་། ཆོས་གོས་སྤངས་པ་དང་། ཆོས་གོས་དེངས་པས་སྲ་བརྐྱང་གདིང་དུ་རུང་ལགས་སམ། ཉེ་བ་འཁོར་མི་རུང་ངོ་།། །།སྡོམ་ལ། བླིངས་དང་དུས་མ་ཡིན་པ་དང་། །གང་ཟག་གི་ནི་ཆོས་གོས་
D1.003.0120a01.01གསུམ། །མི་རུང་བ་དང་མ་དྲས་དང་། །ཁྲུ་ལྔར་མ་ཆོག་མི་བྱ་དང་། །བློ་མཐུན་མིན་དང་མི་གདིང་དང་། །མཚམས་ཀྱི་ཕྱི་རོལ་མི་སྐྱེའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བླིངས་པའི་ཆོས་གོས་ཀྱིས་སྲ་བརྐྱང་གདིང་དུ་
D1.003.0120a02.01རུང་ལགས་སམ། ཉེ་བ་འཁོར་མི་རུང་ངོ་། །བཙུན་པ་དུས་མ་ལགས་པའི་ཆོས་གོས་དང་། གང་ཟག་གི་སྣམ་སྦྱར་དང་། བླ་གོས་དང་མཐང་གོས་དང་། མི་རུང་བའི་ཆོས་གོས་དང་། མ་དྲས་པ་དང་། ཁྲུ་ལྔར་མ་མཆིས་པ་དང་། བློ་མཐུན་པར་མ་བགྱིས་པའི་ཆོས་གོས་
D1.003.0120a03.01དང་། སྲ་བརྐྱང་འདིངས་པ་མ་བསྐོས་པ་དང་། མཚམས་ཀྱི་སླད་རོལ་ཏུ་བློ་མཐུན་པར་བགྱིས་པའི་ཆོས་གོས་ཀྱི་སྲ་བརྐྱང་དང་། མཚམས་ཀྱི་སླད་རོལ་ཏུ་བསྐོས་པའི་སྲ་བརྐྱང་འདིངས་པས་སྲ་བརྐྱང་གདིང་དུ་རུང་ལགས་སམ། ཉེ་བ་འཁོར་མི་རུང་ངོ་།། །།སྡོམ་ལ། དུས་
D1.003.0120a04.01ཀྱི་ནང་ནི་ཟླ་བ་གསུམ། །གསར་པ་དང་ནི་བརྟགས་པ་ཉིད། །ཕོངས་པ་དང་ནི་གསོ་མའི་རས། །གང་ཟག་གི་ནི་ཆོས་གོས་གསུམ། །བཙུན་པ་དུས་ཀྱི་ཆོས་གོས་ཀྱིས་དགེ་འདུན་གྱི་སྲ་བརྐྱང་གདིང་དུ་རུང་ལགས་སམ། ཉེ་བ་འཁོར་རུང་ངོ་། །བཙུན་པ་དགུང་ཟླ་གསུམ་འདས་ནས་དགེ་
D1.003.0120a05.01འདུན་གྱི་ཆོས་གོས་ཀྱི་རྙེད་པ་གང་ལགས་པ་དེས་སྲ་བརྐྱང་གདིང་དུ་རུང་ལགས་སམ། ཉེ་བ་འཁོར་རུང་ངོ་། །ཆོས་གོས་སར་པ་རུང་ངོ་། །སར་པ་བརྟགས་པ་རུང་ངོ་། །ཕོངས་པའི་ཆོས་གོས་རུང་ངོ་། །གསོ་མའི་སེང་རས་སྣམ་སྦྱར་མི་རུང་ངོ་། །བཙུན་པ་གང་ཟག་གི་སྣམ་སྦྱར་གྱིས་སྲ་བརྐྱང་
D1.003.0120a06.01གདིང་དུ་རུང་ལགས་སམ། ཉེ་བ་འཁོར་གལ་ཏེ་དགེ་འདུན་ལ་ཕུལ་བར་གྱུར་ན་རུང་ངོ་། །བླ་གོས་དང་མཐང་གོས་ཀྱང་དེ་བཞིན་ནོ།། །།སྡོམ་ལ། གང་ཟག་གི་དང་ཁྱིམ་པའི་དང་། །ཁྲུ་ལྔ་པ་དང་ཁྲུ་ལྔའི་ལྷག །བློ་མཐུན་བྱས་པའི་གདིང་བ་དང་། །མཚམས་ཀྱི་ནང་ཉིད་སྐྱེ་བའོ། །བཙུན་པ་གང་
D1.003.0120a07.01