完整藏文原文 · 德格版页 当前仅加载第 3 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དྲང་པོ་ཞིག་པས་ཐལ་བས་བཏབ་པ་དང་སོས་པར་གྱུར་ཏོ། །མིག་ནད་ཀྱིས་ཐེབས་པ་གཞན་ཞིག་ཡོད་པ་དེ་ཡང་འཚོ་བྱེད་ཀྱི་དྲུང་དུ་སོང་བ་དེ་བྲམ་ཟེ་དེས་མཐོང་ནས་དྲིས་པ། ཀྱེ་ནང་རྗེ་གང་དུ་འགྲོ། །དེས་ཇི་ལྟར་གྱུར་པ་སྨྲས་པ་དང་དེས་སྨྲས་པ། ཁྱོད་ལ་འཚོ་བྱེད་ཅི་དགོས། དེས་
D1.003.0065b01.01ཁོ་བོ་ལ་གང་བསྟན་པ་དེ་བྱོས་ཤིག །དེ་ཡིད་ཆེས་པར་གྱུར་ནས་དེས་ཐལ་བས་བཏབ་པ་དང་ལོང་བར་གྱུར་ཏོ། །དུས་གཞན་ཞིག་ན་རྒྱལ་པོ་གཟུགས་ཅན་སྙིང་པོའི་སྤྱི་བོར་ཕོལ་མིག་བྱུང་ངོ་། །དེས་བློན་པོ་རྣམས་ལ་བསྒོ་བ། ཤེས་ལྡན་དག་སྨན་པ་རྣམས་ཁུག་ཤིག །བློན་པོ་
D1.003.0065b02.01རྣམས་ཀྱིས་སྨན་པ་རྣམས་བཀུག་པ་དང་། རྒྱལ་པོས་སྨྲས་པ། ཤེས་ལྡན་དག་ངའི་སྤྱི་བོར་ཕོལ་མིག་བྱུང་གིས་དཔྱད་བྱོས་ཤིག །དེ་རྣམས་ཀྱིས་སྨྲས་པ། ལྷ་སྨན་པ་ཆེན་པོ་འཚོ་བྱེད་མཆིས་ན་བདག་ཅག་གིས་བགྱི་བ་ཅི་འཚལ། རྒྱལ་པོས་སྨྲས་པ། ཤེས་ལྡན་དག་འཚོ་
D1.003.0065b03.01བྱེད་ཁུག་ཤིག །དེ་རྣམས་ཀྱིས་བཀུག་པ་དང་། རྒྱལ་པོས་སྨྲས་པ། འཚོ་བྱེད་དཔྱད་བྱོས་ཤིག །འཚོ་བྱེད་ཀྱིས་སྨྲས་པ། ལྷ་དམ་ཞིག་བཅའ་སྟེ། གལ་ཏེ་ལྷ་ལ་བདག་ཉིད་ཀྱིས་ཁྲུས་བགྱིད་དུ་གནང་ན་བགྱིའོ། །དེ་བཞིན་གྱིས་ཤིག །དེ་ནས་འཚོ་བྱེད་ཀྱིས་སྐྱུ་རུ་རས་
D1.003.0065b04.01བསྐུས་ཤིང་སྨིན་པར་འགྱུར་བའི་རྫས་དག་བཏབ་ནས་སྨིན་པར་འགྱུར་བའི་རྫས་རྣམས་དང་བསྲེས་པའི་ཆུ་བུམ་པ་ལྔ་བརྒྱ་བླུགས་པ་དང་། གང་གི་ཚེ་སྨིན་པ་དེའི་ཚེ་ན་མ་ཚོར་བར་སྤུ་གྲིས་རེག་པར་བྱས་པ་དང་རྡོལ་ཏོ། །དེ་ནས་འཚོ་བར་འགྱུར་བའི་རྫས་དག་བཏབ་སྟེ་འཚོ་བར་འགྱུར་
D1.003.0065b05.01བའི་རྫས་རྣམས་དང་བསྲེས་པའི་ཆུ་བུམ་པ་ལྔ་བརྒྱ་བླུགས་པ་དང་། རྨ་དེ་སོས་ཤིང་པགས་པ་དང་འདྲ་བ་དང་སྐྲ་ཡང་མཉམ་པར་གྱུར་ཏོ། །རྒྱལ་པོས་ཁྲུས་བྱས་མ་ཐག་ཏུ་སྨྲས་པ། འཚོ་བྱེད་དཔྱད་བྱོས་ཤིག །དེས་སྨྲས་པ། ལྷ་རེ་ཞིག་བཤོས་གསོལ་ཅིག །རྒྱལ་པོས་
D1.003.0065b06.01ཟན་ཟོས་ནས་འཚོ་བྱེད་དཔྱད་བྱོས་ཤིག་ལྷ་བགྱིས་ལགས་སོ། །དེ་ཡིད་མ་ཆེས་ནས་ལག་པས་བྱུགས་ན་ཕྱོགས་གང་ན་རྨ་ཡོད་པར་མ་ཤེས་སོ། །མེ་ལོང་བླངས་ཏེ་བལྟས་ན་འོན་ཀྱང་མ་མཐོང་ངོ་། །བཙུན་མོ་ལ་དྲིས་ན་དེས་ཀྱང་ཕྱོགས་གང་ན་རྨ་ཡོད་པར་མ་ཤེས་སོ། །
D1.003.0065b07.01