完整藏文原文 · 德格版页 当前仅加载第 3 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་ཤིང་ལགས་ཏེ། ཡ་ཡོ་དང་། ཀྱག་ཀྱོག་དང་། ཀྱར་ཀྱོར་དང་། ཁ་དོག་ངན་པ། རེག་ན་མི་བདེ་བ་ལགས་ན་བཞེས་ཤིག །གལ་ཏེ་ཆོས་མ་ཡིན་པའི་ཚུལ་ཤིང་གང་ན་བ་དེ་ལོགས་སུ་ལག་པ་ཟེད་ན་ཚིག་དང་པོ་ལ་སྦྱིན་པར་མི་བྱ། གཉིས་པ་ལ་སྦྱིན་པར་མི་བྱ། གསུམ་པ་ལ་
D1.003.0245b01.01སྦྱིན་པར་བྱ་སྟེ། དེ་བཞིན་དུ་དགེ་འདུན་གསར་བུས་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པར་བྱའོ། །གལ་ཏེ་ཆོས་ཀྱི་ཚུལ་ཤིང་ཉུང་བར་གྱུར་ན་ཀུན་ཤེས་ཀཽཎྜི་ནྱའི་ཚུལ་ཤིང་བླང་བར་བྱའོ། །གལ་ཏེ་ཆོས་ཀྱི་ཚུལ་ཤིང་གཅིག་གིས་ལྷག་པར་གྱུར་ན་ཡང་དེ་ལྟ་ན་འདི་ལྟ་
D1.003.0245b02.01སྟེ་ཆོས་ཀྱིས་རྩོད་པ་དེ་ཉེ་བར་ཞི་བ་ཡིན་ནོ། །དེ་ལྟར་རྩོད་པ་དེ་ཞི་བར་བྱས་པ་ལ་གལ་ཏེ་འགའ་ཞིག་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །དེ་བཞིན་དུ་གལ་ཏེ་ཆོས་མ་ཡིན་པའི་ཚུལ་ཤིང་གཅིག་གིས་ལྷག་པར་གྱུར་ན་ཡང་དེ་ལྟ་ན་འདི་ལྟ་སྟེ་ཆོས་མ་ཡིན་པས་རྩོད་པ་དེ་ཞི་བར་བྱས་པ་ཡིན་ནོ། །
D1.003.0245b03.01དེ་ལྟར་རྩོད་པ་དེ་ཞི་བར་བྱས་པ་ལ་འགའ་ཞིག་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དེ་ལྟར་ན་གང་ཚུལ་ཤིང་མང་པོ་བླངས་པས་རྩོད་པ་ཞི་བར་བྱེད་པ་ཡིན་ཞིང་། དེ་ལྟར་ན་འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། གང་ཚུལ་ཤིང་མང་པོ་བླང་བའི་རྩོད་པ་ཞི་བར་བྱེད་པས་དུལ་བ་དང་།
D1.003.0245b04.01ཞི་བ་དང་། ཉེ་བར་ཞི་བ་ཡིན་ནོ། །དགེ་སློང་དག་འགྱེད་པའི་རྩོད་པ་ལ་རྩོད་པ་ཞི་བར་བྱེད་པ་གཉིས་ཀྱིས་དུལ་བར་བྱ། ཞི་བར་བྱ། ཉེ་བར་ཞི་བར་བྱ་བ་ནི་འདི་ལྟ་སྟེ། མངོན་སུམ་དུ་འདུལ་བར་འོས་པ་དང་། གང་ཚུལ་ཤིང་མང་པོ་བླང་བས་སོ། །དགེ་སློང་དག་གདམས་ངག་མེད་པའི་
D1.003.0245b05.01རྩོད་པ་ལ་རྩོད་པ་ཞི་བར་བྱེད་པའི་ཆོས་གསུམ་གྱིས་དུལ་བར་བྱ། ཞི་བར་བྱ། ཉེ་བར་ཞི་བར་བྱའོ། །གསུམ་གང་ཞེ་ན། མངོན་སུམ་དུ་འདུལ་བ་དང་། དྲན་པས་འདུལ་བ་དང་། མ་མྱོས་པས་འདུལ་བའོ། །དགེ་སློང་དག་ཇི་ལྟར་ན་མངོན་སུམ་གྱིས་འདུལ་བ་ནི་རྩོད་པ་ཞི་བར་བྱེད་
D1.003.0245b06.01པ་ཡིན། ཇི་ལྟར་ན་འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། མངོན་སུམ་དུ་འདུལ་བའི་རྩོད་པ་ཞི་བར་བྱེད་པས་དུལ་བ་དང་། ཞི་བ་དང་། ཉེ་བར་ཞི་བ་ཡིན་ཞེ་ན། སྐམ་ལ་གནས་པ་ནས་བཟུང་ནས་གནས་བརྟན་གྱི་བར་གྱིས་གོང་མ་བཞིན་དུ་སྟེ། དགེ་སློང་དག་དེ་ལྟར་ན་མངོན་སུམ་
D1.003.0245b07.01