完整藏文原文 · 德格版页 当前仅加载第 3 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་བདག་མཆིས་ལགས་སོ། །ཉེ་གོས་ཅན་ཁྲིད་དེ་འོངས་སམ། ལྷ་ཁྲིད་དེ་མཆིས་ཀྱང་མཆིས་ལ་ཁྲིད་དེ་མ་མཆིས་ཀྱང་མ་མཆིས་སོ། །ཅི་ཞིག་ཟེར། ཉེ་གོས་ཅན་ལགས་སྙམ་ནས་གོས་ཅན་ཁྲིད་དེ་མཆིས་སོ། །བལྟས་ཁྲིད་དེ་ཤོག་ཤིག །དེ་ནང་དུ་ཁྲིད་པ་དང་རྒྱལ་
D1.003.0055a01.01པོས་ལྷག་པར་གཟུགས་དང་ལང་ཚོ་ཕུན་སུམ་ཚོགས་པ་མཐོང་ནས་བུད་མེད་ཀྱི་ཡུལ་གྱིས་ཕྲོགས་པས་མཐོང་མ་ཐག་ཁོ་ནར་རྒྱལ་པོ་ཆགས་པར་གྱུར་ནས་སྨྲས་པ། ཤེས་ལྡན་དག་བུ་ཕ་གསོད་པ་གང་ཡིན་པ་དེ་ནི་རྒྱལ་སྲིད་ཀྱི་ཕྱིར་ཡིན་པས་གལ་ཏེ་ང་ལ་བུ་ཡོད་པར་གྱུར་ན་དེ་བཙས་མ་ཐག་
D1.003.0055a02.01ཏུ་ངས་ཅོད་པན་གྱིས་བཅིང་བར་བྱའོ། །དེ་ནས་དེ་དཔལ་གྱི་འབྱོར་པ་ཆེན་པོས་བག་མར་བླངས་ཏེ། ཡུལ་ལུས་འཕགས་ནས་འོངས་པས་ན་ལུས་འཕགས་མ་ཞེས་བྱ་བར་གྲགས་སོ། །དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རེ་ཞིག་དུས་གཞན་
D1.003.0055a03.01ཞིག་ན་རྒྱལ་པོ་གཟུགས་ཅན་སྙིང་པོ་{རི་དགས་,རི་དྭགས་}ཀྱི་ཕྱིར་བྱུང་བ་ན་བསྟི་གནས་ཤིག་ན་དྲང་སྲོང་མངོན་པར་ཤེས་པ་ལྔ་དང་ལྡན་པ་ཞིག་གནས་སོ། །ཇི་ཙམ་ན་{རི་དགས་,རི་དྭགས་}མདའི་ལོང་ལ་བཏགས་པས་སྐྲག་པ་ཞིག་དྲང་སྲོང་དེའི་བསྟི་གནས་སུ་ཞུགས་ཤིང་བྱུང་བ་རྒྱལ་པོའི་མདས་གནད་དུ་བསྣུན་ཏོ། །དེ་
D1.003.0055a04.01ནས་དྲང་སྲོང་དེ་ཁྲོས་ནས་སྨྲས་པ། འཐབ་ཀྲོལ་ཅན་གྱི་རྒྱལ་པོ་བདག་གི་བསྟི་གནས་གཅན་གཟན་གདུག་པས་ཀྱང་གཟེམ་པར་བྱ་བར་{རི་དགས་,རི་དྭགས་}སྐྱབས་སུ་འོངས་པ་ཁྱོད་ཀྱིས་གསོད་དམ་ཞེས་དྲང་སྲོང་དེ་རྒྱལ་པོ་ལ་དེ་སྐད་དུ་ཁ་ཟེར་བ་དང་། དཔུང་གི་ཚོགས་འོངས་ནས་སྨྲས་པ། ལྷ་འདི་སུ་ལ་གཡར་མཆི་
D1.003.0055a05.01རྒྱལ་པོས་སྨྲས་པ། ང་ལ་ཡིན་ན། ཤེས་ལྡན་དག་རྒྱལ་པོ་ལ་ཁ་ཚས་ཟེར་བ་གང་ཡིན་པ་དེ་ལ་ཆད་པ་ཅི་ཡོད། ལྷ་དེའི་ཆད་པ་དགུམ་པ་ལགས་སོ། །གལ་ཏེ་དེ་ལྟ་ན་ངས་དྲང་སྲོང་འདི་ཡོངས་སུ་སྤངས་སོ། །དེ་གསད་པར་བརྩམས་ཏེ་དེ་གསོད་པ་ན་སྨོན་ལམ་ལོག་པར་བཏབ་པ། རྒྱལ་པོ་
D1.003.0055a06.01འཐབ་ཀྲོལ་ཅན་འདིས་བདག་ཉེས་པ་མེད་ཅིང་གནོད་པ་མི་བྱེད་པ་གསད་པར་བཀྲིས། གང་དུ་སྐྱེས་པ་དེར་འདི་སྲོག་དང་བྲལ་བར་བྱེད་པར་གྱུར་ཅིག །ཡང་བསམས་པ། རྒྱལ་པོ་འདི་དག་ནི་ཤིན་ཏུ་སྦས་པ། ཤིན་ཏུ་བསྲུངས་པ། ཤིན་ཏུ་བཙས་པ་ཡིན་པས་གལ་ཏེ་གཞན་དུ་སྐྱེ་བ་བླངས་
D1.003.0055a07.01